بنتى والعرس>>>حطمونى هالناس

[زوارة اثنين]

بنات الكويت بفضض مالى احد الا انتو بعد الله
والله سمعت نصيحتكم على الزواج واتكلت على الله وبنتى منشغلة فى دراستها وانا احاول اشغل وقتى
الا صااااار موقف اليوم
من الصبح الاتصالات بيتنا من بيت اهلى وبيت اهل زوجى
ولد حماى (ولد اخو زوجى )خطب بنت صديقتى وهو عمرة 24 وبنت صديقتى كبر بنتى الكل متصل بيعلمنى على هالخطبة ومنقهرين على بنتى وليش ماخطب بنتج
شسوى انا وشذنبى حتى جاراتى يسالون ليش ماخطب بنتى وخطب بنت صديقتى
ماسكت تلفونى ولا جوالى والله العظيم الكل يسال لانهم منكسر خاطرهم على بنتى
ابى انسى احس انى فى حلم وين اختفى عن هالناس وشذنب بنتى يتكلمون عنها
تعبت وانا البس قناع الابتسامة وفى قلبى غصة تعبت وانا امثل ان مايهمونى كلامهم
تدرون هونت ماابى بنتى تعرس ابيهم يسكتون عنى اهلى واهل زوجى وصديقتى والناس

 

[بنت عطا]

الصراحه مكبره السالفه اللي يسمع بنتج فوق الاربعين تو الناس

 

[فاهييه]

تري مايكسر قلب البنت .......... الا نظرة الشفقه او عدم الرضا اذا شافتها بعيون امها . ( امها بالذات )

انا بنت و لي أم و اعرف اشقاعده اقول <

و تزيد البله اذا تلفظت هالام بألفاظ < تحلطم او معاير بحق بنتها .

انتي عندج سلاح فتاك . الدعاااااااااااااااااااااااااااااااااااااااااااااااااااااااااااااااااااااء

ادعيلها بالنصيب الزين .

انتي ام . الجنه تحت قدمج . ورضاج عن بنتج < كفيل يدخلها الجنه ( باِذن الله ) مو بس يزوجها او يوفقها بحياتها ؟.

يا رب يا رب يا رب كل ام تفرح بشوفة بنتها ببيت زوج صالح متهنيييه امين يا رب .

 

[زوارة اثنين]

رد : بنتى والعرس>>>حطمونى هالناس

انا بفضض
يحتاج الانسان تفضض لان الى يدة فى النار مو مثل الى فى يدة فى اماى

 

[زوارة اثنين]

رد : بنتى والعرس>>>حطمونى هالناس

والله ماحسس بنتى بشى فهمونى
اصلن بنتى ولا تدرى بالى انا كاتبتة ولا علمتها اصلن عن ولد حماى
انا اتكلم عن نفسى مع هالناس
متضايقة وجالسة افضض

 

[المرتاحة]

يا الله يا اختي

اول شي كل شي نصيب , و لد عمها ولا ولد خالها مو حكرا على بنات خوالهم و عماتهم و النفس و ما تشتهي

لا تضيقين خلقج ترى الله اللي كاتب جذي و ما تدرين يمكن خيره يا حبيبتي

لا يهكج حجي الناس و خليهم يقولون اللي يقولونه و طنشي و اللي تتكلم جعميها قولي لهم مثل اللي قلته لج

مادري وين عايشين احنا البنت لولد عمها هذا من زمن اجدادنا كل شي تغير الحين

و بيني و بينج يا اختي ترى الاقارب عقارب وروح بعيد و تعال سالم و افتكي من الحنه و الرنه

والله يوفق بنتج يا رب

 

[حرم الحوت]

كل شي قسمه ونصيب

 

[حسآويه]

رد : بنتى والعرس>>>حطمونى هالناس

حراااام عليج عمرها 21 ليش مسويه بعمرج جذذذي تووووها صغيره !!!

الله يعينج و يعين بنتج المسكينه ولله كسرت خاطري .. ولد عمها ماخطبها خو نصصيب

 

[LOLETA]

رد: رد : بنتى والعرس>>>حطمونى هالناس

والله ياأختي قلب الأم دايما يشيل الهموم
وبعدين الشغلة هذي قسمة ونصيب

واذا الناس سألوج جوابيهم بابتسامة وقوليلهم قسمة ونصيب وبنتي وراها دراسة:eh_s(6):

والله يعوض بنتج بالأحسن يااااااااااااااااااااارب


لاتشيلين بخاطرج وعسى ان تكرهوا شي وهو خير لكم​

 

[سمو الغلآ]

رد : بنتى والعرس>>>حطمونى هالناس

الله يوفقها وان شاء ربي يوفقها ويرزقها بالزوج الصالح..

 

[Tom ♥ Jerry]

.

آمبيه واي شهالناس !!!! @@

قوليلهم قسمه و نصيب ! بعد شنسوي !!!! @
و سكري الموضوع على طول !

 

[لوازم العائلة]

خيره انه ماصارنصيب بينهم
علشان ماتصيرلج مشاكل مع زوجج وحمولتج
وبعدين ولد حماج شيطلع وزير ولا امام الحرم
الله يرزقها بلي احسن منه

 

[miss-winter]

رد : بنتى والعرس>>>حطمونى هالناس

قسمه ونصيب

 

[قطوة@@]

رد : بنتى والعرس>>>حطمونى هالناس

صغيرة 21 توقعت عمرها اكبر من جذيه

عزي بناتج و اذا ما تزوجت يعني بصير بالدنيا !!!!


و لا تفكرين بهالتفكير

 

[~ FOOSY ~]

رد : بنتى والعرس>>>حطمونى هالناس

كل شي قسمه ونصيب مو شرط يزوجها اهيا يمكن بنت رفيجتج عاجبته المهم الله يرزقها بالزوج الصالح انشالله

 

[ياحلاتي قمر]

رد : بنتى والعرس>>>حطمونى هالناس

أنا كان يسوون في امي جذيه تدرين شتقول تقولهم أصلا بنتي تبي تكمل دراستها اول وتمسك الشهادة

قولي جذيه وفكي عمرج

بعدين اهما شكو الصبي خطب منو ؟؟!؟ والله سالفه غريبة

بعدين عمرها 21 عيل البنات الكبار شيقولون

 

[الغاليه نونو]

يابعد قلبي قولي الخيره فيما اختارها الله ولي دقوا عليج قوليلهم بنتي مهي بايره باجر اييها اللي يستاهلها ويخاف ربه فيها

ليش تسوين بعمرج جذى يمه البنت مردها بتعرس واشتبين بولد حماج ياخذ بنتج الناس تنحاش من زواج الاهل وانتي قالبتها مناحه علي ولد حماج خل يروح بطريجه اشعليج منه قولي حق بنتج اصلا حتي لوو بيخطبج انا مارضا لانج بنتي الغاليه ابي لج الريال اللي لي يحطج بعينه الثنتين واللي يغنيج بحبه ويبني لج قصر بخوفه وورعه من الله ويلبسج ثوب الستر من الحرير


ذكري الله ولعنى الشيطان ولا تضيقين خلق البنت بسوالف مالها معني ابد

 

[<<لمار>>]

كل شئ قسمة ونصيب وبنتج صغيرة باجر ايها الاحسن منة

 

[نونا**]

ويه

لايكون الولد براد بيت على غفله

بنتج بيلها نصيبها ان شالله

ومفروض ماتتأثرون

وهالناس ياحبهم للسوالف شكو ايدقون عليج؟

وتبين الصج افتكيتي من الشر لان زواج الاقارب متعب وراح يتعب بنتج

 

[ReeM ^ Style]

رد : بنتى والعرس>>>حطمونى هالناس

الله يرزقها بالزوج الصالح

وماراح ازيد على كلام البنات

تفألوا بالخير تجدوه

( لو تعلموا كيف يدبر الله الامور لزددت له حبا )

والخيره فيما اختاره الله وعسى ان تكرهوا شيئا وهو خير لكم