بنتى واااايد تبجى....عطونى حل بليييز

[shioka]

بنتى عمرها اربع شهور يعنى ما تقعد بس اسم الله عليها اطفارتها السدحة بس اسدحها دقيقة ابي اسويلي شغلة اتصرخ من قمة راسها جنة احد قارصها بس لما اشيلها و العبها اتسولف و تضحك و اذا قعدتها بكرسيها ردت تصرخ مره ثانية و ما توقف من الصراخ ... اشرايكم اوديها الطبيب و لا عادى و الى تعرف دكتور شاطر لا تبخل على

 

[اللهم الجنة]

نفس حالة بنتى تعودو على الشيل الله يصلحهم

 

[شيزكيك]

بنتج مافيها إلا العافيه انشاالله بس اهيا تعودت على الشيل
وإذا تبين دكتور شاطر عندج دكتور محمد سعيد وايد شاطر آنا على طول أودي بنتي عنده

 

[منتظرة الفرج]

انا اشيل عيالي مااحب اخليهم يصيحون بس مو على طول تشيلينها خليها شوي والله يحفظها

 

[fofowa_q8]

نفس الحاله والله ماقدر اسوي شي لازم اشيلها تقطع قلبي لما تبجي حيل

 

[shioka]

عاد انا مو معودتها على الشيل بس تبي احد اجابلها و يلعب معاها الله يهدي عيالنا انشاء الله

 

[كـ غلا ــلي]

وي انا ولدي اسم الله عليه بعد جذي ما يحب السدحه يحب اما يقعد او يوقف والكل يقولي مو زين حق ظهره تو الناس

بس ما كو فايده اسوي له الي يبيه بس يهدا اسدحه وهاذي حالتي معاه واذا تبين دكتوره اطفال روووووعه عندج نسرين الخطيب

تهبل انا اودي ولدي لها واسويله متابعه حتا لو ما في شي تقولج عن تطوره ونموه واي اسئله عندج تسمعها وتجاوب والله حدها

فاهمه ماشاءالله عليها

 

[مدمنة ككاو]

ترى الياهل ذكي يعرف شلون يستولي على الام ويسيطر عليها ويخلي وقتها كله له

حتن لو يسوي اشياء على حساب صحته تشوينه يبجي لين يختنق او يرجع او يبجي لفترات طويله بدون لا يسكت

لازم الام تصير قويه وتقوي قلبها وتنطش البيبي عشان لا يتحكم بالام ويخليها ما تقدر توخر عنه وتخلص شغلها

اذا انتي تبين تتحكمين بالموقف لازم تكونين قويه وتصدين البيبي جم مره وراح يشوف ان اللي يسويه ما منه فايده راح يطخ ويسكت ويتعود ان يكون بروحه بس السالفه يبي لها صبر وطولة بال وتحمل وقوة قلب

والله يقدرنا على تربية عيالنا بصراحه لي علمناهم عالغلط من الصغر نبتلش فيهم لي كبرو وانا جذي الحين مع عيالي

 

[ZajiL]

يختي سلم البنات الدلوعين

صدقيني اهي قاعد تلعب عليج وتبي الشيل

وماخذه الصراخ والبجي وسيله انه تلفت نظركم لاتقولين ام 4 شهور
اسم الله عليهم اليهال فيهم ذكاء فطري

عسى ربي يحفظها

الحل

حقريهااااااااااااااااااااااااااااااااااااااااااا
مره مرتين ثلاث مرات وراح تتعود وترضخ للامر الواقع

 

[shioka]

مشكورييييين بنات على الردود
صج اهيا تبي الوقفة طول الوقت مع انها صغيرة واحاول احقرها ساعة يمكن تاخذ على الوضع بس ماكو فايدة بجيها يزيد

 

[shioka]

اقول يمكن فيها شي من كثر ما تبجى

 

[Om Ali 86]

مافيها الا العافية
مثل ما قالولج بنتج تعودت عالشيل .. انا ولدي كان جذي يحب يوقف و يطالع ما يحب ينسدح فيهم فضول
من كثر ما اهوا يحب يطالع حطيته بالدرايه من عمره 4 شهور .. يقولون مو زين و يخليه يسعبل و صج كله يسعبل و الحين عمره 3 سنين و لي الحين يسعبل الظاهر لما يطلعه ضرس العقل يالله توقف سعابيله

و بالنسبة لبنتج حاولي تشتريلها الالعاب اللي تنسدح تحتهم و يطلعون موسيقى و ليتات ترا البنات يحبون الالعاب مو مثل الصبيان
انا شريت حق بنتي من محل بروي وايد حلوه و بنتي استانست عليها و هم كانت جذي ما تحب السدحه الا بعد ما شريتلها اللعبة

 

[shioka]

الله يعافيج ام على قاعدة افكر احطها بالدراي بس حرام مو زين على ظهرها انا بنتى من الحين تسعبل بشتريلها اللعبة و انشاءالله تستانس عليها واطخ

 

[Dua'a]

حبيبيتي آنا بنتي نفس طريقة بنتج بالضبط و بنفس العمر (أنا قاعده أكتب الرد واهيه تحن يمي! لول)
مثل ما قالوا البنات بنتج ما فيها شي .. بس - بالنسبة لي - بنتي تحب الـ attention يعني أسولف معاها ،، ألعبها ،، أشيلها ،، أحطها بحضني .. عكس اليهال اللي في عايلتنا ما شاء الله عليهم ساكتين إما على الكرسي أو الـ playmat ،، أنا هالأيام صرت أخليها تبجي شوي يعني ما أشيلها على طول (هذي نصيحة أختي) و إن شاء الله تتحسن

 

[قلبي القرآن]

رد : بنتى واااايد تبجى....عطونى حل بليييز

لا تودينها لا طبيب ولا شي مافيها الا العافيه
نفس بنتي تعودت على الشيل لأنها اول حفيده وتعودت من ايد لي ايد
ماتقعد على الأرض واذا حطيتها على الأرض شوفي البجي جنها مقروصه
الله يهديهم ان شاء الله عادي تحمليها خليهم يتدلعون علينا فديتهم

 

[_Pure_]

يا انها تعودت عالشيل


او فيها حارج و السدحه ترفع الحارج انتي شوفي شنو فيها احسن الطبيب