بنتقل لمدرسة ثانية انصحوني شلون اتكييييف

[قمرية الفيس]

ابلاتي العزيزات












الموضوع باين من عنوانة



انا بصراحة صارلي مدة طويلة من تعينت وانا بمدرستي الي لالقيت منها لاحمدا ولا شكورى وكل ماقلت بنتقل اقول لا ماتهون علي العشرة
لكن








خلاااااااااااااص عافك الخااااااااااطر :eh_s(1):

لاتقدير واحباط ولا امتيازات ولابطيخ



فقررت قرار تهائي اني انتقل بس احاتي المدرسة اليدية وشلون اتكيف معاها وشلون ابرز نفسي وصلح الماضي :bbbiu:


وهل تتوقعون راح اخذ تقدير وتشجيع من المدرسة اليدية مع العلم اني معلمة معطااااااااااء لابعد الحدووووود وتعرضت لاحباط كبير من مدرستي القديمة

​

 

[هيبة ملك]

الله يعينج راح تتعبين أول شئ لكن مع الوقت تتعودين

والتقدير إن شاء الله تاخذينه تتعبين في بداية المشوار لين تثبتين روحج

وعسى ربي يوفقج

 

[قمرية الفيس]

التعب فينا فينا ماكو مفر

اشكر مرورج

 

[baby qa6wa]

upup

 

[^^ريهام^^]

ما عليج حبيبتي

انا نفسج طفشت من مدرستي الاولى ورحت لمدرسة ثانية

ماراح اقولج ان الوضع مثالي بس الحمدلله احسن من اول

 

[batistuta]

نصيحه من اخت المكان اللي مو مرتاحه فيه اتركيه لو كل سنه تروحين لمدرسة جديده
وعن تجربة وقناعه اقول هالكلام تحملت سنين عشان العشره لكن اكتشفت ان مثل مافي ادارات بايخه في غيرها روعه.
واللي يعزج بيذكرج لو رحتي اخر الدنيا اهم شي الراحه النفسيه.

 

[قمرية الفيس]

اي والله صاجات خواتي
والله لوشقول وشخلي يمكن يخلص شحن الاي باد وانا ماكملت مسيرة الظلم الي تعرضته من مدرستي واحالة الاحباط الي حاشتني
ماقول الاحسبي الله ونعم الوكيل عليهم


والله يعوضني بالمدرسة اليديدة خييير يارب

 

[randomy]

عن تجربة المكان اللي ماترتاحين فيه ولا يعطونج حقج انتقلي منه

عادي انا ارتحت في مدرستي الثانية وليل حين فيها ما افكر انتقل

 

[جيتك تعال]

حبيبتي الله يعوضك ان شااء الله

مهم جدا انه بداية تتكيفين مع نفسك وتنسين المدرسة الماضية بكل الظلم الي تعرضتي له

وتبتدين بداية جديدة بانك من البداية تحطين تصور لكل الاشياء الي بتسوينها

بعدين تسوين خطة بسيطة بكل تصورااتك عشان تنقلينها لحيز التنفيذ

وتحاولين تتاقلمين بسرعة مع قسمك وتشاركين في انشطة المدرسة

واهم شي توثقين بالصور كل شي تحطينه في ملف لك وللقسم ووللادارة والتوجيه

والله يوفقك ياارب

 

[ملآمح يوسفيه]

,
والله انتي نفسي
انا مدرستي اول عسل وقسم يهبل
بس كل ما ادخل مدرسه تجيني ضيقه
مو مرتاحه فيها كلششش
بقدم نقل
ان شاءالله المدرسه الثانيه تكون عسل

 

[خيشة شكر@]

انت نفس حالتي بس ما ادري ليش قاعده للحين ؟؟؟ الله يكتب الي فيه الخير لي ياربي كل سنه اقول السنه الي وراها بس انا غيرت شوي من طبعي مع ان الطبع مايتغير ما ني مادحهه روحي بس انا حيل حيل طيبه وغيرت من نفسي احاول اتكيف الله يسهل الامور

 

[خيشة شكر@]

لان مرات محد يستاهل تسوين له شي وخليت الدوام دوام واذا رديت البيت دليت كل شي ورا ظهري قبل على بالي نفس خواتي طلعت عايشه بحلم وانهم ريجاتي طلعو مجرد زميلات كنت اشوفهم بنظره مثاليه ههههههههبس استاهل كل طقه بتعلومه والحين الحمدلله احسن وما اجذب عليج ودي انتقل بس بشوف هالسنه لان دوامي قريب ودامني حاطيت رسميات احس بالراحه حيل حيل

 

[om mariam]

شوفي يا قلبي
انا كنت بمدرسو ودوني لها انتداب وقعدت فيها 5 سنين من غير امتياز
لما انتقلت المدرسه 2 الحمد لله والشكر خذيت حقي وعطوني الامتياز
ان شاء الله يكون الحظ وياج بالمدرسة اليديده
ويا قلبي برزي روحج واي شي تسوينه ثبتيه بالاوراق والصووووووووووووووووووووووووووووور اهم شي
وموفقه وين ما كنتي

 

[قمرية الفيس]

مشكورين ياقلبي علي ردودكم الحلوة
رندومي صورة توقيعج عورت قلبيييييي صج صج من ذكريات الماضي