بنتــي الشريره ميننتني شلون أعدل نومتـــها ؟؟؟؟؟؟؟

[(m & m)]

السلام عليكم

بنات كتكوتي عمرها اقل من شهر

باختصار ممصخرتني مميننتني فديتها

مجرمه لووووول ما تخليني انام كل ساعتين اذا مو اقل تقعد

والله اقعد تحت الكمبل بس اسمعها تبدي تحن اقول يا رب يا رب يا رب تنام

لا تقعد والله صرت اخاف اتقلب بالفراش اخاف اذا تقلبت تقعد من نومها << وحش مو بيبيه لووووول

انام و ما احس اني نمت ! بنات هل ممكن اسوي شي عشان اعدل نومتها ؟ ولا هالشي طبيعي

انا لما سالت قالولي مو كل اليهال جذي في يهال هادين بليل انا بنتي تينني

متى تتعدل نومتهم لاني تعبت تعبت تعبت انا يتني وحده تقول عطيها دوا حساسيه بس يصير عمرها شهرين لانه يخدر

اخترعت منها بصراحه @@ اييي شييييييييي دوا حساسيه !!!

ودي اعدل نومتها قبل ما اطلع من الاربعين لاني راح اتمصخر عالاقل الحين عندي الي يساعدني

بعدين راح انشق شققققققق هئ هئ هئ

 

[حب الرّمان]

بسم الله تووها ’’’ لمن تطلعين من الاربعين تتعدل شوي يمكن بس عموما الياهل من يصير تسع تششهر وزوود تصير تهبل
تنام على نومتج وتقعد وياج بس اهم شي نوميها الضحى او العصرر ولاتنوومينها كلش المغرب عرفتي ,,,, بس وانتي بالاربعين على
الليل خلي احد يدهن جسمها بالبيبي جونسون بس دافي ومهديها وعطيها حليبتهاااا ونشالله تشوفينها عرووس

 

[LAUREEN]

ويييييييييييييييي الله يهديج ليش مستعيلة تو الناس نالله انا بنتي نفس الشي لما كنت بالأربعين ما تنام كلش طلعتلي قرون بس شوي شوي تعدل نومها الحمدالله يبيلا صبر الموضوع طولي بالج عليها حياتي

 

[(m & m)]

اشكركم بنات على الرد

ريحتوني شوي بس والله حالتي حاله معاها

هذا نوع يديد من التعذيب اول مره اجربه لوووول

 

[frketa1]

حبيبتي عاااااادي جدا انا عيالي بالنفاس وعقب بعد هالحالة 3 شهور نوم أكثر من ساعتين ماكو كنت أموت من التعب بس طبيعي بس بقولج شي صج بنتج صغيرة بس بعلمج على طقوس يومية وعن تجربتي::
1- خلي بنتج قبل لا تنامين ب3 ساعات تقريبا لعبيها كلميها نقزيها أي شي المهم لا تنااام.
2-بعدين سبحيها بليل بماي دافي.
3-دهنيها ب بيبي جونسون جسمها كله عدل ولبسيها.
4-سدحيها على بطنها على ريولج وانتي قاعدة يعني يصير بطنها مضغوط بركبتج شوية ومسحي ظهرها ودبخيها عالخفيف عشان وانتي بكرامة تطلع منها الغازات وترتاح.
5-بعدين مهديها عدل وعطيها ممتها فيها قفشة صغيرة ماي غريب (من الصيدلية أو الجمعية زين يريح الياهل ويطرد الغازات).
وراح تنام عدل عالاقل 4 ساعات وانتي نامي بهالفترة صدقيني هالطقوس كانت تتعبني يوميا لأنج اصلا تكونين تعبانة بس بعدين تسوى الراحة اللي عقب والنومة المرييييحة 4 ساعات وايد بالنسبة للنفاس واذا قامت ممة وبامبرز وترد تنام ساعتين ولا3 وبس هذي نومة كاملة لج 6 ولا 7 ساعات واذا كنتي ترضعينها طبيعي عطيها صناعي بس بليل عشان يشبعها وتنام

 

[الفدنه]

حبيبتي عاااااادي جدا انا عيالي بالنفاس وعقب بعد هالحالة 3 شهور نوم أكثر من ساعتين ماكو كنت أموت من التعب بس طبيعي بس بقولج شي صج بنتج صغيرة بس بعلمج على طقوس يومية وعن تجربتي::
1- خلي بنتج قبل لا تنامين ب3 ساعات تقريبا لعبيها كلميها نقزيها أي شي المهم لا تنااام.
2-بعدين سبحيها بليل بماي دافي.
3-دهنيها ب بيبي جونسون جسمها كله عدل ولبسيها.
4-سدحيها على بطنها على ريولج وانتي قاعدة يعني يصير بطنها مضغوط بركبتج شوية ومسحي ظهرها ودبخيها عالخفيف عشان وانتي بكرامة تطلع منها الغازات وترتاح.
5-بعدين مهديها عدل وعطيها ممتها فيها قفشة صغيرة ماي غريب (من الصيدلية أو الجمعية زين يريح الياهل ويطرد الغازات).
وراح تنام عدل عالاقل 4 ساعات وانتي نامي بهالفترة صدقيني هالطقوس كانت تتعبني يوميا لأنج اصلا تكونين تعبانة بس بعدين تسوى الراحة اللي عقب والنومة المرييييحة 4 ساعات وايد بالنسبة للنفاس واذا قامت ممة وبامبرز وترد تنام ساعتين ولا3 وبس هذي نومة كاملة لج 6 ولا 7 ساعات واذا كنتي ترضعينها طبيعي عطيها صناعي بس بليل عشان يشبعها وتنام

:tek:نفس اللي كنت بقوله بالضبط
بس بغيت اعرف اهي تقعد تبي ترضع وترد تنام ولا تطول تحن ؟؟
اخاف فيها مغص او غازات؟؟
اذا تقعد تحن عطيها نص قطارة ادول وماي غريب اذا طخت عقبهم معناته شي يعورها
واذا ماطخت معناته بنتج عوبه والله يعينج
جزا الوالدين الجنه حبيبتي
والف حمدلله ع السلامه:stars:

 

[om Firas]

بسم الله تووها ’’’ لمن تطلعين من الاربعين تتعدل شوي يمكن بس عموما الياهل من يصير تسع تششهر وزوود تصير تهبل
تنام على نومتج وتقعد وياج بس اهم شي نوميها الضحى او العصرر ولاتنوومينها كلش المغرب عرفتي ,,,, بس وانتي بالاربعين على
الليل خلي احد يدهن جسمها بالبيبي جونسون بس دافي ومهديها وعطيها حليبتهاااا ونشالله تشوفينها عرووس

:klhfl:

 

[ملكة الفرس]

أختي عليج بماي المرقدوش لأنه إذا فيها غازات يطرد الغازات و أذا فيها مغص هم يخفف عليها
تحطين قياس ربع ملعقه صغيره و رقمين ماي بالمرضاعه و عطيها و صدقيني بتخف وبتنام
وأذا ما حبته حطي فيه قطعه صغيره سكر نبات عشان يصير طعمه حلو

وبتدعين لي

 

[LUXURY]

ام اند ام توووووووووووو الناس
تره عقب النفاس تتعدل شوي بس عموما نومة الياهل لي السنه ونص ماتتعدل كله مسهرتج عااااااادي
باجر تتعودين

 

[أحب الصدق وأعمل به]

الله يعينج انا ولدي الحين عمره 3 اشهر توه بادي يعدل نومه ينام 3 الفجر يمه بالاربعين طلع عيوني كل ساعتين بالضبط يقعد وبجي بس حبيبي غازات ذبحته الحين اشوه والله طلعت من الاربعين عطيته منوم اول يوم شسوي الله يعينج عطيها ماي غريب من المستوصف انشالله ترتاح وتريحج

 

[جبنة بيضة]

حرام عليج تو الناس يالله 3 شهور تصير نومتها أحسن صبري اشوي عليها مو يسمونه يهال الاربعين الله يعينج

 

[%F&R%]

انا الحين قاعده اكتبلج وانا من يومين مو نايمه
بنتي عمرها 4تشهر وللحين ماتعدلت نومتها
وديري بالج لاتعطينها دوا الحساسيه بعدين تنسطل لوووووووووووووول
مو زين عليها حرام
انتي سبحيها ومهديها وعطيها حليب وانشالله تنام

 

[ام احلى خلودى]

حدج مستعيله حبيبتى عادى هذا طبيعى تو الناس ان تعدل نومتها يبيلها تقريبا بو 5 او 6 اشهر وعقب تعدل ... بس نصيحه لاتعطينها ماى غريب واايد لان يدوخها وحرام صغيرة ....

 

[(m & m)]

مشكورين عالرد بنات

f اند r الله يكون بعونا

انا لما اتظايق منها ساعات لمن ما تنام اقولها هين

بس يصير عمرج سنه و نص بخليج تغسلين الصحون و تغسلين

الملابس بس هااا بايدج مو بالغساله بعدين اطالع ايدها النتفه و تكسر خاطري لووول << مجرمه

 

[الأماكن]

ماي غريب مال المستوصف اقوى و احسن بالمفعووول من مال الصيدليات >>>مجربة

 

[shaikhat al-zain]

شي طبيعي البيبي بالنفاس يعذب الام تعذيب لا صار ولا استوى
ماكو نوم كلش كلش

تقريبا عقب ثلاث شهور يبتدي يتعدل على الاقل ينام خمس ساعات متواصله

بس لا تحاتين حبيبتي هذي فتره وتعدي

انا كنت مثلج وكنت ابجي كل يوم من التعب بس الحمدلله عقب جم شهر تعدل الوضع