بنات 14سنة؟؟؟

[roobee]

هاي بنات....شقول شحجي...
آه ياقلبي...
بنات شالسالفة؟؟؟؟؟؟
لمن اطلع بأي مكان...اشوف بنات الحمدلله
والشكر والله14و15سنه....تدلع وتتكلم واهي ذايبة
واللبس اللهم ياكافي...والله كانهااا عروس
شعرها صبغه وبف .. واكستنشين
والويهه فل ميك اب..عدسات
الاظافر الوان ...الاكسسوارات كااااملة
كاملة والكامل الله...
اشوف هالاشكال بمستشفى...مستوصف
سوق...بالشارع
وااي يبنات يكسرون خاطري...
احس انهم يبون يلفتون انتباه الرياييل
ويبون اي واحد يعطيهم ويهه.
حتى لو كان الي يبيع ...استغفر الله
ليش ترخص نفسهااا
ليش تحسس الناس والرياييل انها تبي احد يشوفهاا وبعدين يعجب
ويحبهااا
احس هالبنات مساكين..
والله كأنها مرأه كبير...تبي تتزوج يعني طايحه بجبد اهلها
وتبي الفكة...حرام توج صغيرة على هالحركات
عيشي حياتج صح...البسي عدل صلي اعرفي ربج
واهم شي اهلج.. لاتنزلين براسهم للقاع
الماااااايك لكم،،،

 

[نونو العصله]

وي الله يرحم ايام عجايفنا
زمن يخوف الصراحه
وين البراءه

 

[كويتية نايس]

بهاذا السن البنات يحبون يلفتون النظر انهم كبار خلاص بس هم الاهل لايغفلون عن بناتهم

وفي بنات والله باعمارهم محترمين بس شنقول الزمن تغير بس اوجه رساله للاهل لاتغفلون عن بناتكم
رفيجات السوء وايد
الله يصلحهم

 

[عيش و مرق]

الشرهه على اهاليهم يخلونهم كنهم اكبر من عمرهم

 

[ام الدرر]

ايه والله صاجة هالزمن يخرع
ذاك اليوم رايحين عرس بالموفنبيك
والله عند الباب بنات على 14 و 15 اللبس حدث ولاحرج
بدلة فوق الركبة بشبر يمكن ومن فوق عاري بدون جاكيت او شال وواقفين ينطرون عند الباب ربعم او رفيجاتهم هقيت من اهل العرس
احتريت قعدت استغفر واتحسب عالاهل اللي مايردون عن بناتهم شلون لحمها رخيص جدام هالسيكيورتي واقف وراها ويخوزز من فوق لي تحت وطبعا كل من يصفط سايق ولا واحد يايب اهله بيشوف
ويوم طلعنا فوق ال12 ولا هالبنات وهالشباب يدشون ويطلعون من صالة ثانية ونصهم يصعدون للغرف فوق ومكتوب على الصالة birthday barty
لا حسيب ولا رقيب

نونوالعصلة اي عجايف
بناتي بالابتدائي 7-9 سنين
اذا بعاقبهم على اي غلط اقولهم باجر بسوي شعركم عجفه للمدرسه تعالي شوفي البجي والصياح
عسى الله يستر على بناتنا ويهديهم
ويهدي شباب المسلمين يارب ​

 

[تآعِبنْ قَلْبِيْ]

إي وآلله مو آلشره عليهم على أهلهم آللي يخلونهم يطلعون بهآلشكل

بس شنقول آلله يهديهم ..

 

[!! الشمــوخ!!]

صدقتي البنات هالسن تقولين حرمة البعض طبعا مو بالكل
كله من تأثير tv وصديقات السوء
ياليت الاهل يحتوونهم ويشبعون رغباتهم لاجل يعيشون حياتهم بكل براءه ونقاء
,,,
يسلموو رووبي ع الطرح الله يعطيك العافيه​

 

[Tom ♥ Jerry]

.


الشرهه مو عليها الشرهه على اهلها آمهآ و ابوها و آخوآنهآ !
البنت بهالعمر تتصرف تصرفات غريبه عجيبه
لآنهآ بسن مراهقه و بالمراهقه الوآحد يحب يبرز نفسه و يلفت الآنتباه !
يعني مآعليها شرهه مثل مآ يقولون !

المصيبه ليه شفتي ابوها وياها أو آمهآ ..
و عآدي عندهم بنتهم جذي :| هني الصدمه الأقوى

الله الهآدي .!

 

[نور مغليها]

إي والله صآجه كثير اشوف بنآت جذي
الي يقهر إنهم بعدهم صغار ,,,
فترة المرآهقه .. \ إذا آلحين جذي لا كبروآ إشبيسوون ....!

 

[العطر 87]

اذا بعاقبهم على اي غلط اقولهم باجر بسوي شعركم عجفه للمدرسه تعالي شوفي البجي والصياح
عسى الله يستر على بناتنا ويهديهم
ويهدي شباب المسلمين يارب



ههههههههههههههههههههه
ههههههههههههههههههه
ههههههههههههههه
هههههههههههه
هههههههههه
هههههههه
ههههه
ههه
هه
ياحلوووووهم الله يخليهم لج

 

[غير كل الناس]

الله يهديهم ويستر عليهم

 

[قوتشـي]

صااااااجه

هالجيل ينخاف منه .. وكل شي يعرفه

والتربيه والله التربيه تحفظ البنت وين ماكانت

اذا تربت ع الدين والاخلاق .. لو في بؤرة فساد مثل مايقولون .. الله يحفظها منهم

احرصو على بناتكم

والله يستر بناتنا وبنات المسلمين ويصلحهم يارب

 

[سآق نملة]

الله يستر من هالجييل ..

 

[آنا من دونك أندمر]

نونوالعصلة اي عجايف

بناتي بالابتدائي 7-9 سنين
اذا بعاقبهم على اي غلط اقولهم باجر بسوي شعركم عجفه للمدرسه تعالي شوفي البجي والصياح ​

هههههههههههههههههههههههههههههه >> ضحكتيني من صج
ليش عاد انا أذكر لي 2 متوسط أسوي عجفه
وفي وحدة كانت معاي بالثانوية لي رابعه ثانوي تسوي والله

الله يخليج لهم ويخليهم لج ان شاء الله

 

[ام بوطلي]

هالجيل يخرع لا وفيج خير قوليلها كلمه ماتعجبها ترد عليج بعشر وتخليج بيزه ماتسوين طبعاً هذا من تربيه اهلهم بالله هذي تربيه وصديقات السوء تلاقينها ترافج وحده اكبر منها وهذيج مشالله المعلمه بس الشرهه على الاهل خل يعرفون بنتهم من ترافج و منو رفيجاتها ويشوفون شيطالعون بالتلفزيون مو مخلينهم جذي كل واحد يطالع اللي يبي ويبطون الجبد اللي يحطون حق عيالهم تلفزيون خاص فيهم بدورهم لا و مو مشفر بالله انتو شدراكم شقاعدين يطالعون

 

[اماني 22]

وي الله يرحم ايام عجايفنا
زمن يخوف الصراحه
وين البراءه

شكلج عجوووزه ايام عجايفنا

خخخخخخخخخخخخخخخ

 

[أم توتو]

الله يرحم ايامنا ابوي ليشافنا لابسين بجاما شاتنا ذيك الشوته انا واختي لييومكم مالبس بنطلون جدام ابوي ولا بجامه الحين البنات يتسدحون جدام الابو والاخو عاديي بالشورت بعد الله يستر علينا وعلى بنات المسلمين

 

[قــل مـا تـشـاء]

الله يجيرنا من الزمن ,,
اللوم الأول يصير على الأهل بنات هالكبر شلون يلبسون جذيه وفل ميك اب !!!
عيل لي صاروا بالـ 20 شنو يسوون ؟!!

 

[ماني من الناس]

موشكله ما تقدرين تسيطرين على تفكيرهم رفيجاتهم بالمدرسه سبب الدمار والصياعه اللي اهم فيها

 

[منار البربرية]

مقحطين هههههه
خوفا من القحط والجفاف قلو الرياييل
خل يتلاحقون على اعمارهم
هههه​