بنات و مدرسات الـ 12 أدبي - ثانوية أو منـازل .. تعالوا ضروووري

[Dilly & Milly]

قوة بنــات
بليز اللي تدخل الموضوع تكمله للآخر
و تكتبلي أي شي .. اي معلومة ممكن تفيدني

بنات انا الحين قاعدة اعيد 12 أو رابعة ثانوي ( منــازل ) .. انا عندي دبلوم الحمدلله
بس الحين قاعدة اعيد رابعة ثانوي عشان ارفع معدلي و ادخل الجامعة ....
الحين التحقت بدورة جمعية المعلمين .. و خذيت 3 مواد ( عربي \ فرنسي \ انجليزي )
لانهم اهما المواد الاساسية ....
بس المشكلة انهم هناك ماشين عالمنهج و يدرسوني الفصل الثاني بس
الفصل الاول شلون ادرسه .. شلون اتصرف فيه ؟!

و بغيت اسألكم عن امتحانات الفلسفة .. و الاحصاء و الاسلامية
شلون مستواهم .. حسيتوهم صعبين و لا عادي ؟!

اوكي الحين قاعدة اتحرك شوي شوي بالدراسة
الحين باقي شهرين تقريبا عالامتحانات ( شهر 6 )

بنات شلون ادرس و اغطي المنهج كله ... ساعدوني و فيدوني بليييييييز
احس اني ضايعة و مو عارفة من وين ابدي:27d66a9c24b146327bf

ساعدوووني .. و ياريت من كل البنات اللي نفس حالتي
يدرسون 12 منازل انهم ينضمون لي .. و مدرسات هم فيدونا بخبرتكم و نصايكم الله يخليييكم

ناطرتكم حبيباتي :eh_s(22):

 

[Miss-Madry]

اهلين حبوبه

جيكي على مواضيعي تلقين في مراجعات للكورس الاول للعربي وتاريخ وجغرافياا وهذوول

وهم الكورس الثاني حاطه

والله نصيحتي مدرس خصوصي عساس يدرسوونج من اول الكتاب والنص الثاني تاخذينه بالدوره الي انتي مسجله فيها

والاحصاء الكوورس الاول كان سهل وكنت متفوقه فيه اما الحين احسه صعب وايد الفصل الاول احنا دشينا بلفصل الثاني اسهل شوي

وبس والله يوفقج

 

[نوره في وسط صوره]

السلام عليكم
انا بقدم منازل هالسنه انشالله رابعه ثانوي ادبي لالحين طبعا مادرست ولا بطلت كتاب انصحوني بمذكرات وملخصات تلخص الكورسين وانشالله ببدي فيهم
بس السؤال الحين طرقة حسبه المجموع والنسبه راح تكون تراكميه كل السنين الي طافت ولا ماتمشي علينا ؟؟؟؟؟؟؟؟؟؟؟؟؟؟؟؟؟؟؟؟؟؟

 

[vogue grl]

اول شي انشالله تنجحين وتيبين معدل الي تبينه وتدخلين المكان الي تبينه امين يارب
انا انصحج تدرسين اول باول وتراجعين الي حفظتيه اخر الاسبوع واذ تقدرين الماده تحسينها صعب حطيلج مدرس خصوصي
كل ماده زهبيها مع اوراق مراجعتها ولخصيها عشان تبدين تحفظينها وادعي بصلاتج الله سبحانه يعينج ووبلتوفيج

 

[Dilly & Milly]

مس مادري
مشكوورة وايد وايد
راح اطلع عليهم و ارجع اكتب رايي هني

تواصلي معاي دايماً بليز

نورة
اي والله هم سالفة المعدل يبيلها سؤال و تفاصيل
حياج الله حبيبتي
و اي معلومة عندي قوليها ...

مشكوورييين و اطمع بالمزيد
ساعدوني بليييز :\

 

[Dilly & Milly]

فوغ غيرل
مشكوورة حبيبتي على الدعوة الحلوة مثلج ...

و النصايح ..
اكيد يالغالية راح اشد حيلي و ادرس و احاول اغطي كل المعلومات
بس اللي يخوف انج تدخلين على فاينل على طول .. ماكو امتحانات اسابيع
مو عارفة المعدل شلون ينحسب ..

انشالله بشد حيلي كثر ما اقدر .. بس لما الحين حاسة اني ضايعة و متوترة
فا محتاجة معلومات وايد عشان اتطمن و احس اني متحكمة بالوضع عدل

مشكوووورة

 

[ام حمنكو]

واااااااااااي انتي نفس معاناتي امدحولي مراجعات المواهب ايقولون املخص كل شي بس هم يبيلي مدرسين خصوصيين لاني بالانجليزي مييييييح ولا انفع بسبع المذاهب بس بضغط على عمري عشان ارتااح اشرايج انبلش مع بعض وكل وحده اتشجع الثانيه

 

[أســــرار]

هلا هلا ام حمنكو

اي والله معاناة !
انا مو كسولة . بس مادري احس اني ضايعة
ساعدوني يا ناس

و لاااازم مدرسين حبيبتي لا تعتمدين عالمراجعات ! ترى ما تسوي شي
انتي بتقديمن امتحان منهج كااامل
شدي حيلج

بنات بليز محتاجة تجاربكم الله يعافيكم

 

[نوره في وسط صوره]

واااااااااااي انتي نفس معاناتي امدحولي مراجعات المواهب ايقولون املخص كل شي بس هم يبيلي مدرسين خصوصيين لاني بالانجليزي مييييييح ولا انفع بسبع المذاهب بس بضغط على عمري عشان ارتااح اشرايج انبلش مع بعض وكل وحده اتشجع الثانيه

من وين مذكات المواهب
جم رقمهم ؟؟ وبج
وصج ملخصه كل شي وكافيه
انا عدت رابعه ثانوي 3 مرات وكلهم اعتمدت على مذكرات بصراحه مادرست ذاك الزود لان كل سنه يكون عندي ظروف حامل وتعبانه ولا حالة وفاة ولا مرض ومشاكل الحمدلله على كل حال
وكنت اجيب دور ثاني و60 بالميه الثلاث سنوات على التوالي ولاني ابي مجموع كنت اعيدها وماادش الامتحان مال الدور الثاني
هالسنه عاد بلامجموع بلانيله اهم شي اخلص رابعه ثانوي وافتك ومومهم المجموع انا راضيه بمعهد وخلصت السالفه
بس الي ابيه الحين اعرف المجموع بيحسبونه لنا تراكمي ولا احناغير ؟؟؟؟؟؟؟؟؟؟؟؟
يارب يحسبونه تراكمي اجيب 80 بالميه وانا حاطه رجل على رجل يااااااااااااارب اسالو يابنات
اسفه قرقت واجد
يالله يابنات ابي اعرف شنو احسن مذكرات انا ماراح اخذ مدرسين الا بالفرنسي لاني صج ......................

 

[ام حمنكو]

المواهب بالجهراء وقاعده ادرس منهم والله سهلين بس يبيلهم حفظ وتركيز

 

[نوره في وسط صوره]

ام حمنيكو ماجاوبتيني ياقلبي جم رقمهم المذكرات مالت المواهب

 

[عشق]

يااااااااااااااااااي وناسه خل اراوي الموضوع حق مرت عمي
احبطتني يوم قلت لها ابي اعيد الثانويه
حسستني اني عيوز
مع ان عندي دبلوم بنوك بس مابيه ابي ادرس هندسه كمبيوتر
بس اشلون ادرس منازل
اذا محد وقف على راسي وزززززن وحنننن
والا المعلومه ما تدخل

 

[.. رفيع الشآن ..]

بنااااااات عطوني رقم المواهب ضروري تكفووووووووون

 

[نـــــ أم ـــــور]

انا اللي اعرفه بس يحسبونلج رابعه لانج بالنظام القديم
يعني مو تراكمي

وانا بعد 12 منازل

بس بلشت من زمان دراسه لانه فصلين اقولج انا ب11 كنت منازل بعد والله قبل الامتحانات ب3 اشهر درست وكنت اطلب مذكرات البروفيسير وايد حلوة كل شي فيها كل المواد بس الفرنسي والحساب ماكنت اخذ مذكرتهم كنت اييب مدرسة لان المواد هذي يبيلها مدرسة
والحين ب12 احس الفلسفة يبيلها مدرسة ولا شرايكم

 

[نـــــ أم ـــــور]

وبخصوص مستوى الامتحانات انا ب11 ماكان فيه فلسفه مادري بس الاسلاميه كان سهل حيل بس لاتنسين تحفظين الاحاديث ترا الصفحة الاولى كله احاديث

بس نصيحه من الحساب ييبيلج مدرسة بروحج ماراح تعرفني العام انا عاندت وقلت مابي اييب مدرسة احصاء والله تحسفت كل المواد درجاتي حلوة الا الاحصاء نجحت على الحفه بس انا الغلطانه لاني عاندت ولا محد يقدر على الاحصاء بروحه بس العام الحمدلله يبت مدرسه شاطرة واحس الحمدلله اني فاهمه ما شاء الله عكس العام كنت داشه الامتحان ووايد اشياء مو عارفه ادرسهم

 

[نوره في وسط صوره]

بنات منو عدها مذكراتاتسلفني اصورهم واردهم لها الله يخليكم
دقيت على الي يبيعون مذكرات كلهم اقل واحد فيهم ب60 دينار
وانا مااشتغل ولا معاش شريت نماذج امتحانات بس ودي بمذكرات سؤال واجابه الي تساعدي الله يجزاها خير اصورهم عند اي مكتبه وارجعهم لها ثاني يوم وشكرا

 

[نونه!]

السلام عليكم بنات انا ودي امتحن منازل بس مو عارفه اشلون نظام الامتحانات يعني اشلون اسجل منازل والامتحانات بس اخر السنه ما في نصف السنه و الله يوفقكم

 

[نوره في وسط صوره]

اسالي بالمنطقه التعليميه اذا التسجيل خلص ولا لا لان الشهر الجاي الامتحانات تبلش وندرس الكتاب كامل الفصل الاول والثاني ولله لو تلحقين ويصير تسجلين لاطوفينهالسنه عليج

 

[شخابيط ملونه]

نوره وسط صوره

السلام عليكم

شلونكم شخباركم بنات

اختي نوره ولله ماسجلت بالمنتدى الا عشان اساعدج

بنات منو عدها مذكراتاتسلفني اصورهم واردهم لها الله يخليكم
دقيت على الي يبيعون مذكرات كلهم اقل واحد فيهم ب60 دينار
وانا مااشتغل ولا معاش شريت نماذج امتحانات بس ودي بمذكرات سؤال واجابه الي تساعدي الله يجزاها خير اصورهم عند اي مكتبه وارجعهم لها ثاني يوم وشكرا

عند اختي مذكرات الموجهين الاوائل وايد حلوين ومختصرين وسهلين اخذتهم 70 دينار مع الخصم وفيهم نماذج امتحانات
واتصلي عليهم واخذي منههم وقولي على اخر الشهر بعطيكم فلوس بنت عمي خذت منهم وماعطتهم الا بعد شهر ونص عادي صبرو عليها

انتي جربي ياعسل وانشاء الله بيعطونج والله ودي اعطيج تصورينهم بس اختي مشغوله بدراسه فيهم واكيد ماتقدر تعطيج

اذا تبين عندها مذكرات زايده لطالب المبدع للفرنسي والاحصاء والعربي فصل اول بعطيج اياهم وانتي تقدرين تروحين الاي مكتبه عندهم مذكرات طالب المبدع وتتفقين مع واحد فيهم وتصورينهم وتردينهم له بس تعطينه الي تقدرين عليه وترى المذكره دينار ونص يعني دبري عمرج باي طريقه

وهذا رقم الموجهن الاوائل انصحكم فيهم حلوووووووووووين وايد نالت اعجاب الجميع

24721149
99447044

وانشاء الله قدرت افيدج