بنات .. وينكم عن هالاسواق؟! فناتق البلوقات و الفيسبوك كلها فيها

[Mrs_Orchidia]

السلام عليكم
​

مووضع جدييد للمناقشة​

اتمنى ما ينقلونه لركن الاستفسارات مثل موضوع التقليد​

و الله العظيم ماكنت استفسر!! و الله :eh_s(10):​

المهم اللي فات مات​

و اللي تبي الموضوع كاهو
http://www.q8yat.com/t912663.html​

موضوعي الحين​

انا وايد اشوف البنات يشتكون من ان اسواقنا بضاعتها تتشابه و ان السوق ما فيه شي يسوى​

حتى المعارض صارت مكررة .. المصممات شغالين نقل موديلات من بعض "مو كلهم" و نادرًا ما نلقى وحدة متميزة بشي غير
و بعضهم اييبون من الصين .. و هم نفس الشي
اذا مو نفس الشي بالضبط تحسون مبين ان شغل الصين​

انا يتني فترة احترت و ضعععت قبل العيد من وين اشتري​

و الصراحة اول مرة اواجه هالمشكلة .. مادري ليش و كنت رايحة مارينا جم مرة و كان حده عادي
360 ماحبه
المهلب عادي
الافينيوز مارحت .. امي مرضت برمضان :eh_s(11): فما قدرت اروح و الصراحة يبيله تمشي على جم يوم و الزحمة و ظروفي ماتساعد​

و الصراحة المحلات كلها حق الشايع .. ماشاءالله تبارك الله كلهم موجودين بنفس المجمعات
عشان جذي ما تحمست اروح .. يعني سوالف الافينيوز نفس سوالف المحلات اللي بالجمعية
صح و للا لأ؟​

عشان جذي قعدت رمضان كله مارحت السوق .. اخر اسبوع خلص بجم يوم بس!! :rerrerek:​

شلووون؟
عرفت وين أروح و وين اتسوق​

انا بقول عن اماكن و اسواق فيها بضاعة مميزة و راقية و مستحيل تلقون نفسها بمكان ثاني​

اولا .. مجمع زهرة​

​

يمكن بعضكم بتقولون ان غالي و ما تقدرون عليه
انا ماقلت روحو اشتروا كل يوم .. و لاقلت دشوا المحلات الغالية ... و لا قلت ترسوا الكبت منه​

في محلات داخل وايد مناسبة .. يعني اسعار بدلات عيد و كلها رزة
تقطين 80 و 90 و سعرها فيها​

حق العيد رحت السوق مرة وحدة بس عشان اشتري بدلة العيد​

بس مرة وحدة .. لقيت البدلة و لا تعبت و لا شي​

تدرون شنو لقيت هناك؟ ماراح تصدقون !!​

لقيت ميني دراعة .. اللي صار طققققق عليهم بالمنتدى و البنات يسألون عن المعارض و وين يلقونهم
و الخليجيات كلهم يدورونهم عندنا​

قسمًا بالله كل وحدة تقول الزود عندي
لا و موجودين بأكثر من محل بعد​

و المحلات الحلوة اهي المحلات اللي بالسرداب عند كافيه زهرة << فيه كيكة برد هناك!! بغيت ابجي لما خلصتها :krkrkr:فيها اوريو و كاكاو و كريمة و كل شي لذيذ
و برد الكافيه فريش اهمه يسوونه .. مو صج الكيكة :eh_s(2):​

و بعد في محل فيوليت اللي تحت .. المحل هدومه مو كلها حلوة .. بس عندهم اشياء حلوة​

و احلى شي عندهم اهو اكسسواراتهم ! ديزاينات غرييييييبة جنها ستايل البلوقرز و صورهم
و اسعارهم وايد مناسبة يعني فيها 7 او 8 و طالع
بس شي غريب و مميز صج​

هذا غير ان اغلب المحلات عن الكاشير لازم فيه ستاند اكسسوارات و طبعًا كشخة و غريبة​

مكان ثاني
:ggdw:​

مجمع تالا​

فيه يمكن 3 او 4 محلات بالسرداب بعد .. روووعة
اول مرة عرفتهم بالفيس بوك ... و رحت مع خواتي اول رمضان​

جناطهم غريبة عجيبة و تييينننن ... الهدوم خليط اشياء من لبنان و الكويت​

و فيه محل نفانيف مناسبات
و فيه محل اوت ليت حق واحد من المحلات الموجودين​

و ترى مجمع تالا في محل مال توزيعات ! أتعب و اقول ان روووعة
لما رحتله ماشاءالله المرا مسوية قرقيعان يهال مووطبييعي و كان يديد صار له اسبوع من فتح​

موجود بالدور الارضي​

بالعربي و المختصر المفييييد "فناتق البنات بالفيس بوك تلقونها هناك" ​

اما المكان الثالث .. اهو يمكن كلكم تعرفونه بس ما احس انكم تحبونه​

اهو سنتر بوينت
​

انا 3 سنين بالكلية البس منه .. و لا عمري لقيت وحدة لابسة نفسي
و ماشاءالله وايد رخيص .. وبضاعته رووعة و في اشياء حلوة حيل
الهدوم حلوة
الجواتي "تكرمون" تينن .. هذا ثاني عيد القى عندهم اللون اللي ابيه بالضبط
و اكسسواراتهم تهبل
مكياج كل الماركات
جناطهم غير
و صار الحين في ماركة غالية مالت جواتي و جناط "اعتقد ايطالية"
و هالماركة عجييييييييييييبة حدها راقية​

بعد شتبون؟ :eh_s(1):​

و الصراحة اخر مرة رحت سنتر بوينت لقيت اشياء مو طبيعية! أمبيه الهدوم تهبل!! احلى من كل مرة
حتى اللي عند السايزات الكبيرة حلويييين
و اختي متزوجة دايما تاخذ منهم حق البيت
و صوب الداخلي بعد ايننننن​

و اخيرا
المكان اللي صج صج ماله حس عندكم اهو​

سيرز

محد يروحله؟​

ترى حده روووعة و كله ماركات تبنباع بنص و ربع السعر
و عندهم كل شي
من الملابس الداخلية لي نفانيف الحفلات​

يمكن شكل الكولكشنات من بعيد مو شي​

بس مع التقلب تلقون بلااوي تحطم :eh_s(2):​

و الله اخر مرة رحت لقيت جاكيت شتوي من روبيرتو كافالي .. و مو قديم
مبين يديد​

و الله بنات ديرتنا الحمدلله كل شي فيها بس يبيلها من يدور و يعرف بالسوق عدل​

انا نزلت هالموضوع عشان اساعدكم و اذكركم باسواق يمكن انتوا نسيتوها
او حاطين ببالكم فكرة انها مو نوعكم او مو ذوقكم
او مو بميزانيتكم​

او يمكن بعضكم تعودتوا على فكرة ان هالاسواق موجودين بس ماتروحون​

الحين روحوا و شوفوا .. خلص الفطر و ياينا الاضحى ان شاءالله
اخذوا جولة عليهم اذا توهقتوا​

و اللي تعرف مكان حلو و غييير .. أمانة لا تبخل علينا​

خل نفيد و نستفيد
:eh_s(7):​

و عندي احساس ان في بنات بيطقووني على هالموضوع :eh_s(14): لان في وايد مايحبون يكشفون اسرارهم و من وين يشترون
و انا خربت عليهم

عادي لعيونكم نتحمل
لووووووووووووووووووووول​

 

[:: سمر ::]

بالعكس انا افر مجمعات السالمية حتى مجمعات حولي
وسيرز وهالسوالف كلها افرها بس صار الموضوع ( استسهال ) عند الاغلبيه انهم يروحون الافنيو والمارينا
ليش ؟ بتقولج سوق شكبره متروس محلات ولي تشرينا لقينا مكان نقعد فيه نتعشى ،، هيك صار تفكير الاغلبيه
الي تبي تتميز تتعب عالسوق والفره حتى سنتر بوينت على قولتج وايد عندهم سوالف حلوة
همن المهلب عندهم قمصان شي كلما شريت منهم ولبست اسئلوني عنهم مع انه المهلب معروف على مستوى بس الناس مالها خلق فراره
السوق يبيله طواله بال ووحده مزيييييجه عالتسوق
لاخلا ولاعدم خووووش موضوع حياتي

 

[Mrs_Orchidia]

حيااج الله سمر نورتي حبيبتي

و صح المهلب في محل تحت يم مانغو يديد ماصار له وايد من فتحوه ايننن
القمصان فيه عجيبة

 

[كلي هلآك]

يسلموووووووووو

 

[reem alflla]

يااااربي احب الي تحب حق غيرها الخير مشكوووره وااايد على انج شاركتينا بالي عرفتيه وطحتي عليه بميزان حسناتج خيتوو ​

 

[انواروه]

موضوعج روووووعه وانا متأكده ان كلنا استفدنا

 

[خسوفه]

يسلمو ياااقلبي علي ها طرح المفيد خاص يفيدنا نحن بنات الخليج اذا زرناكم بأذن الله

 

[بنت ميمون*]

مشكوره يا عمري عزي التقرير

 

[Mrs_Orchidia]

حياكم الله بنات نورتوا ياقلبي

 

[ست الحسن والجمال]

يعطيج العافيه والله عالافاده
صاجه احنا نروح هالمجمعات سوق شكبره وكل شي فيه مالنا خلق فراره

بس سؤال
مجمع تالا وين صاير اسمع فيه بس مادرى ماتشجعت اسأل عنه لانه شكله من الاسم بحولي
وحوووووووولي حوسه ماحب اروح لها

 

[الأميرة ريماس]

وين موجود مجمع تالا؟واسعارة غالية ولا رخيصة؟وفية فساتين ذربة

 

[shai5at al3arab]

وااااي موضوعج عجيييب

صج صج مفيييد ما تقصرين حبيبتي


انا بعد بضيف


عندكم مجمع غاليريا ٢٠٠٠ رحت له برمضان كله شغل بوتيكات مشاغل كويتيات فتلاقون عندهم اشياء حلوة ويونيك وعلى قطعة وحدة


لقيت بنفس المجمع مشغل مسميته صاحبته مادري شنو غاردن ، عجبني انها تصمم جناط حدها كانت واو اصلا عبالي الجناط براند ومن بره امبي كانت جودة اخذت لي وحدة تهببل تزوغ القلب ب ٦٠ دينار ، بس كلش ما تبين انها هاند ميد

وهم هالمحل يبيع على قطعة قطعة ، يعني جنطتي سوت منها حبة وحدة بس

اذا تبون حطيت لكم الصورة

فعجبني هالمجمع انه كله مشاغل كويتيات وفيه بوتيك توه فاتح عندهم عنده اكسسوارات حلوة وغريبة بس غالية شوي بس اكسسواراته عالموضة


انصحكم تمرونه

 

[أم حسيب]

تسلمين حبوبة على الموضوع

 

[DeCToOoRa]

انا حق العيد والمناسبات مااخذ الا من مجمع زهره والفاتنه صج غالي بس سعره فيه مااتحسف عليه كافي شكله رزه
تالا ماعرفه وين صاير ؟؟
سنتر بوينت احسه اخترب وايد صار جنه سوق شعبي وانا عكسج اول سنه بالجامعه شريت منه كذا شغله وشفتهم عالبنات فبطلت لووووول بس تكرمين الجواتي احبهم خاصه الفلات عندهم شغلات حلوه وكل الالوان
سيرز مااروحه كلش

 

[FeShinGoOo]

عندج دانا سنتر اللي يصير يم الحوش ومجمع منيره اهو اوت ليت تبع الاسطوره والاسعار تحطيم ..!!

نص السعر وطول السنه خصومات في ستوكات وفي نيو كولكشن
مو وايد بنات يعرفونه ولا يدرون انه تبع الاسطوره انا قبل كنت اشوفه من برى حسبالي طقة المحاميد انصدمت انه تبع الاسطوره وطبعا اغلب الماركات موجوده

 

[krkooora]

عجيب موضوعج !!

صراحه من زمان ما رحت هالمجمعات اللي انتي ذاكرتها
و مثل ما قالت وحده من الخوات صارت السالفه استسهال كل شي متوفر بالمولات الكبار
و كل وحده صارت تحب تروح مكان واحد تخلص كل ششغلها فيه


و بعد حبيت ازيد على كلامج مجمع النقرة وااااااااااايد بنات يمدحون اغراضه !!

 

[krkooora]

عندج دانا سنتر اللي يصير يم الحوش ومجمع منيره اهو اوت ليت تبع الاسطوره والاسعار تحطيم ..!!

نص السعر وطول السنه خصومات في ستوكات وفي نيو كولكشن
مو وايد بنات يعرفونه ولا يدرون انه تبع الاسطوره انا قبل كنت اشوفه من برى حسبالي طقة المحاميد انصدمت انه تبع الاسطوره وطبعا اغلب الماركات موجوده

قصدج لايم لايت ؟؟

مادري ما اشوف اسعاره بالوايد معقوله عنده اشياء ما تسوى سعرها
وفي اشياء حليوة خصوصا فلاتات ميليسا و عندهم نفانيف راقيه اللي نلبسها على البنطلونات :eh_s(15):
لهم فرع بالافنيوز

 

[أمون ام احمداني]

الموضوع روعه و صج سيرز عجيب عندي منهم نفوف دانتيل اسود من دي كي ان وأي و جواتيهم تيييننن خاصه الكعوبه و همن سنتر بوينت اكسسواراتي كله من أهناك *

 

[kuwaitya_zoGaa]

بنات وين فيه محل سيرز ؟

 

[miss $_$ semsem]

صاجة والله يازين مجمع زهرة احبه يعني بس هالعيد ماشريت منه بحكم اني بالشاليه ومايسوى اشتري منه
بس شوفي كل مايعجبني شي على وحدة من اهلي القاه بأماكن مااتخيل ان موجود فيه يعني ساعات المجمعات المومعروفة كله عبالي مافيها شي والخ .. بس صج بعدها خففت روحاتي حق الافنيو وطقته لأن حرام السعر اعلى وفوق هذا شي مستهلك الاغلب عنده
وتسلمييييييين عالموضوع وصاجة سينتربوينت كل مايعجبني شي عند اختي قالت منه