بنات ولدي عمره اسبوعين بطنه كل غازات ولسانه كل فطريات ساعدووني

[تحبني ولا ...]

السلام عليكم

بنات انا عندي ولدي عمري اسبوعين توه موولود


بطنه كلها غازات وكل يبجي اعطيه ينسون مره باليوم بس ماكو فايده



والمشكله الثانيه

لسانه كل فطريات


ماني عارفه شسوي



وسامحوني على الاطاله

 

[ليتني ماوفيت]

الله يشافيه ويحفظه لك ياااااااااااارب وديه المستشفى احسن لك

 

[ام ساره 4]

حبيبتي بالنسبه للفطريات لازم تودينه الطبيب عشان يعطونه دهان للفطريات ولازم تنظفين لسانه بشاش من الحليب وبالنسبه للغازات في دوا بالصيدليه للغازات إسمه : dentinox حده ممتاز ولازم تشربينه باليوم أعشاب مرتين باليوم وعطيه ماي غريب ويفضل المصري تحصلينه بالجمعيه والصيدليه وإذا رضعتيه وخلصتي لازم ترفعينه على كتفج وطقي على ظهره شوي شوي عشان يطلع الغازات وحاولي وانتي ترضعينه تقعدينه شوي تسندينه على إيدج وشوفي حليبه يمكن مو زين مسبب له غازات ومايشوف شر ولدج إن شاء الله

 

[manhattan girl]

انا ولدي كان جذي وديه للطبيب و عقب كل رضعه عطيه شويه ماي لان هالفطريات سببها انه لمن يشرب حليب يظل علي لسانه و بفوطه مسحي لسانه بصبعج ما عليه الا العافيه

 

[om Firas]

حبيبتي بالنسبه للفطريات لازم تودينه الطبيب عشان يعطونه دهان للفطريات ولازم تنظفين لسانه بشاش من الحليب وبالنسبه للغازات في دوا بالصيدليه للغازات إسمه : Dentinox حده ممتاز ولازم تشربينه باليوم أعشاب مرتين باليوم وعطيه ماي غريب ويفضل المصري تحصلينه بالجمعيه والصيدليه وإذا رضعتيه وخلصتي لازم ترفعينه على كتفج وطقي على ظهره شوي شوي عشان يطلع الغازات وحاولي وانتي ترضعينه تقعدينه شوي تسندينه على إيدج وشوفي حليبه يمكن مو زين مسبب له غازات ومايشوف شر ولدج إن شاء الله

نفس كلامي اللي بقوله بس بزيد جم شغله بعد رضعة الحليب اخذي شاش وبليه بالماي ونظفيه لسانه او شربيه ماي بالمميه

 

[أو عبوش]

لازم رضعه حليب والرضعه الثانيه ماااي مع حبه وحده سكر نبات عشان يكون مايحب طعم الماي


الفطريات لها كريم بالصيدليه ناسيه اسمه بس قوليله فطريات بالفم


والغازات في قطره اسمها gaz

وبس الله يشافيه

 

[am faisal]

ودية لدكتور لطفى شماس فى فرجينيا كلينك وكان يشتغل بالمواساة قبل ممتاز

 

[متواضعة]

مايصير تعطينه ماي غريب الا لما يكمل الشهر

سوي له مساج على بطنه بخفيييف كلش وشيليه بطريقه انه يكون ظهره صوب صدرج عرفتي اشلون بحيث اتكون ايدج تحت صدره واهو كانه شايلته واقف وايدج تحت الورانيه


الفطريات مادري شلون بس زيت زيتون زين حق الكبار بس مادري اذا يصير حق الصغار ويقولون حليب الام زين حق العيون لما اتكون عين الياهل فيها حساسيه فاتوقع بيكون زين حق للسان بعد


الله يشفيه ويطمن قلبج عليه امانه طمنينه عليه حبيبتي ماعليكم شر

 

[المدينه]

عطيه ماي غريب وللفطريات استعملي جل وبعد كل رضعه شربيه ماي ومسحي لسانه بشاش

 

[يازمان العجايب]

دهني بطنه الضحي وشربية ينسون ونوميه على بطنه
عقب الرضعه عطيه شويه ماي ونظفي حلجه
الله يحفظه ويبارك فيه

 

[قطعة ملح]

طبيعي حبيبتي لا تخافين وديه طبيب طفال او مستوصف يعطونه دوا للفطريات والغازات ودايم بعد الحليب عطيه شوية ماي عشان ينظف حلجه كل اليهال جذي لا تخافين بس لازم تروحين الطبيب

 

[q8hadaya]

طبيعى حيل حبيبتى
بس انصحج تروحين الطبيب يمكن الحليب مو موالم معاهم
عادى بس وديه احسن على شان تتطمنين اكثر

 

[رااميس]

الفطرياااااااات من الحليييييب

 

[ام هيونه]

هلا حبيبتى
انا بنتى فالاربعين كذا على طول تعصر كن روحها بتطلع
وبعد ماطلعت باسبوع رحت لوحده فالصباحية عجوز سهلية
عطتنى بودرة بيضا
يوم شافتها عمتى قالت هذا سكر نبات ومعه محلب ومدري وشو بعد
والله على الله ثم ذالعلاج تقول البزر يكون عالق فبطنه وصخ من الولاده
وماطلع ويوجعه في بطنه وهذا الدواء يطلعه وفعلا طلع مع خروجها عزكم الله سواد والحمد لله ارتحت عقب