بنات ولدي تأخر بالمشي افيدوني

[ام ناصر 2009]

قوه امهااات شلونكم

بنات وليعافيكم ممكن طلب ولدي عمره سنه وشهرين وللحين ما مشى بس احنا لازم نوقفه عشان يمشي خطوات
ابي دكتور ممتاز يكون اسعاره مناسبه
منو مرت نفسي جذي ولدها تأخر بالمشي وين راحت وشنو سوت

بلييييييز ردوا علي:ssssso:

 

[tmtmt]

وااااااااااااي سكتي ببجي

انا بنتي ما حبت الا يوم صار عمرها سنه و20 يوم ..
والحين سنه وبتكل الاربع شهور
وما مشت ... هم بالنسبه لي ...

توقف بروحها على الغنفات وتمشي بس ما تهدهم ,..
احنا نوقفها ونمشيها تمشي ...

بس توقف برحها مالج امل

شريتلها مشايه ما ترضى تمسكها

ان شاءالله نلقى حل

 

[ام ناصر 2009]

وااااااااااااي سكتي ببجي

انا بنتي ما حبت الا يوم صار عمرها سنه و20 يوم ..
والحين سنه وبتكل الاربع شهور
وما مشت ... هم بالنسبه لي ...

توقف بروحها على الغنفات وتمشي بس ما تهدهم ,..
احنا نوقفها ونمشيها تمشي ...

بس توقف برحها مالج امل

شريتلها مشايه ما ترضى تمسكها

ان شاءالله نلقى حل

وانتي بعد:eh_s(2):
بعد عمري تم تم ان شاء الله نلقى حل

ما وديتيها لدكتور يمكن فيهها نقص كالسيوم او حديد
اي نفسي يمشي عالقنفات ويوقف بس هم ما يمشي بروحه او يوقف
واذا وقف نبيه يمشي يركض اسم الله عليه جنه احد وراه
وقلبي يعورني عليه كل من شافه قالولي كبيير لازم يمشي
وانا اتضايق
انزين المشايه تقصدين الدراجه والا غيرها
ان شاء الله الأمهات يفيدون
بأنتظاركم امهاات:eh_s(22):

 

[hneen2]

لالا تحاتوون والله بنت خالتي سنه واكثر للحين تحبي مو قادره علي المشي بس هالايام نشوفها هاا بدت جم خطوه تري مرات الياهل عادي يتاخر بالمشي لاتروحون بعيد ولدي الثاني ما مشي الا عمره سنه و3 اشهر بس لان كان متين اسم الله عليه فا تاخر بالمشي يارب مالهم الا العافيه

 

[أذوب في عيونها]

الأولاد عادة يتأخرون

وديه للطبيب يكتب له فيتامين

 

[قطرات الرمال]

عادي لا تحاتووون
انا ولدي عمره سنه واربع اشهر ...

بدا يمشي قبل شهر ... فجاه بدا يمشي برووحه ..

بس انتي حاولي تلعبين وتخلينه يمسك ايدج ويووقف وامشي معاااه شوي شوي

حاولي تهدين ايده مرة مرتين ثالثة اهو راح يستانس ويحاول يمشي

عادي لا تحاتين حبيبتي

 

[رضاهم جنه]

مادام يمشي خطوات عادي اجل مافيه الا العافيه

لاتلعبين بولدج تحاليل وخرابيط بس ولدج شوي خواف يبي له جرأه شوي وفيه عند لعب الاطفال لعبه يوقف الولد ويدزها نفس حقت الشيبان الي ما يمشون عرفتيها والا لا ؟

وعندي طلب يا ام ناصر ياليت ما ترديني غيري صورتج الشخصيه الي تبجي والله تعور القلب واتخيلها انتي ما ادري ليش

 

[tmtmt]

لا والله ما وديتها الطبيب اخاف يلعبون فيها ...

ولا مو الدرايه الي يقعج عليها ويمشي لا ...
روحي محل الالعاب شناكل ون زيرو ون
اي محل .. قوليلهم ابي مشايه يعطونج ياها

الحين اصورها واحطلج ياها ان شاءالله

 

[tmtmt]

طلعتلج من النت ..

 

[StrOnG WoMeN]

حبيبتي لاتحاتييين
ترى طبيعي وايد اطفال مايمشون بسرعه
في سنه و6شهور
دام الطفل طبيعي الحمدالله
لاتفكرين بس لعبي معه حطيله شي
من بعيد يروحله
ويستانس مع االوقت ويمشي
ترى ان وديتي للدكتور يا يلعبون في او بيقولولج طبيعي
واشتريله مشايه ودراجه
شوي شوي يتعود
لاتفكرين امر طبيعي
الله يخلي لكم

 

[لينة2009]

انا بنتي مشت ع سنه واريع شهور بنت صديتي مشت ع سنه و6ش وولدصديق زوجي سنتين
وما ودينا لا دكاتره ولا شي
وظاهرة التاخر بالمشي والنطق ظواهر حيل منتشره

 

[pink Engineerah]

عاااااااااااادي انت كنت نفسج خايفه ونزلت موضوع قبل فتره والحين مشت الحمدالله سنه و3 شهور لا توسوسون دام يوقفون ويمشون عالنقنفات فعادي بس خوافين شوي

 

[Q8NV]

عادي لا تحاتين خليه بدراي يحوس تتعود ريله لا تودينه يلعبون فيه مسكين

 

[اشتياق]

اللي يطول بالمشي يكون طالعله ضروس فالضروس تأخره شوي عن المشي

وهالله هالله بتا تا تا تا ويمشي


ربي يخليه لج ويحفظه

 

[tmtmt]

الحمدالله طمنونا شوي

 

[سيدة الذوق]

عادي لاتحاتين بنتي تاخرت بالمشي سنه و3 شهو ونص

وانا بعد تاخرت بالمشي اعتقد فوق سنه بشهور

 

[miss_jamsheer]

عادي حبيبتي انا ولدي سنه وشي مشى لانه سنن مبجر يمكن ولدج سنن مبجر عشان جذي عادي حبيبتي لاتحاتين انتي اخذيله مشايه احسن

 

[A7SAS-SARA]

بنتي جلست وحبت في شهرها التاسع

ومشت سنه واربببببببببع شهور


لا سويت لها تمارين ولا عطيتها شئ

 

[مجنونة بس عاقلة]

عادي يبيله وقت
واجد اطفال مايمشون بسرعه لحد سنه ونص

 

[نسمة أمل]

عااااااادي انا ولدي تأخر حتى صار عمره سنه وثلاث اشهر وبدا يمشي خطوات والحين ماشاء الله
أنا خفت مثلكم بالاول ونصحوني اطلعه بالشمس كل يوم الصبح وماشاء الله ماكمل اسبوع من طلعته إلا هو يمشي شوي شوي والحمدلله الحين عمره 4 سنوات .