بنات وش علاج الصداع المتواااصل

[الاهله]

السلام عليكم

خواتي الكويتيات اختى معها صداع شديد والغريب ان له 10 ايام متواصل

اخذت اوبر ومسكنات ومافي فايده بلمره شديد ومستمر ومايوقف ابدا

الله يجزاكم خير ماتعرفون له علاج ساعدونا

 

[الاهله]

الي تعرف اي شي تقول الله يجزاكم خير

 

[رقية حمرة]

يمكن تسبحت ولفحها هوا ولا الدورة بتنزل عليها ؟؟
الصراحة ، بعد قلبي اختج عسى الله يشافيها ويعافيها عوار الراس متعب وايد وااااااايد

 

[الاهله]

اي والله صدق

حدها تعبانه من الالم تنام وتصحى على الم

 

[دنيا جديدة]

لا حول ولا قوة الا بالله
ططيب هي مسوية اسنانها قريب حاطة حشوة شي

سمعي حني راسها بس لا يلفحها هووا
واقري عليها سورة البقرة
واسأل الله المعافي الباري الشافي ان يشفيها

 

[ياحُبِي لِلكويت]

عوار الراس اسبابه واجد مشاكل الاذن او الاسنان او هوا

 

[miss swan]

لازم تفحص ماينسكت عنه​

 

[..~Goolz]

شقيقه
وابحثي عن اعراضه وتاكدي بنفسج..

لازم تبتعد عن الازعاج هالفتره والاضواء والضغط النفسي لانها راح تزيدها
ولازم لها طبيب مخ واعصااب

 

[الريشة]

قولي لها تشرب مغلي البابونج بس بدون شكر
يعني تحط ماء حار مغلي في كوب و تحط فيه ملعقة أوراق البابونج و موجودة عند الحواي
و تتركه ينقع بالماي 10 دقايق و بعدين تشخله و تشربه.
بس شرط بدون ما تحط فيه شكر أو عسل
الله يشافيها

 

[نداااوي]

أنا كنت أعاني من صداع يومي وألم بالرقبه والضهر

وسويت حجامة عند وحدة

والله من يومها ما حسيت بأي ألم وتعب وإرهاق

جربي ويمكن على إيدها يكون الشفاء

99076949 أم سند

 

[الاهله]

الله يجزاااكم كل خير ويعطيكم العافيه ماقصرتو

 

[أم نواف غير]

أنا كنت أعاني من صداع يومي وألم بالرقبه والضهر

وسويت حجامة عند وحدة

والله من يومها ما حسيت بأي ألم وتعب وإرهاق

جربي ويمكن على إيدها يكون الشفاء

99076949 أم سند

توني بقول ختسوي احجامه

 

[اعاتبك بإبتسامه]

زيت الحبه السوداء مفيد للصداع
خليها تزيت شعرها يوميا فيه لين يروح الصداع
وماتشوف شر ان شاء الله

 

[انوثتي غير وياك]

up up

الله يشافيها

 

[وين حبيبي]

الله يشفيج يارب روحي الدكتور وانصحج بالحجامة

 

[كويتية وافتخر3]

حبيبتى انا كنت نفسها ورحت الطبيب سويت تحاليل وكل شى ةتخطيط طلع المشكلة من اسنانى وضرس العقل بيطلع ماعليها الاالعافية