بنات وجهي فيه حبوب شباب ساعدوني تكفوووووووووووون

[داليا المطيري]

بنات وجهي فيه حبوب شباب تكفووووووووووووووون ساعدوني مدري شنو اسوووووووووووووووووووووووووووووووي رحت الجلديه بس مانفعني شسوي قولي امانه تكفون والله ادعيلها من كل قلبي الحبوب بوجهي والله مدري قاعده اكتب ودموعي ع خددددددددددددددددددددددددددي تكفون

 

[طفلة كبيرة]

رد : بنات وجهي فيه حبوب شباب ساعدوني تكفوووووووووووون

جربي خلطة البودرات عبارة عن ( سدر /ترمس/حليب باودر/بابونج/خزامى/نشاء/حلبة/شوفان) مع روب او عسل
وثاني ماسك حبتين اسبرين مع نتفة ماي عشان تذوب وخلطيهم مع عسل خليهم نص ساعه على الفيس

ولازم تداومين فيهم يوميا لحد ماتخف الحبوب وبس

 

[PINK37]

حلوه طريقة الماسك:ch12:

 

[kakawa sai7a]

انا حالتي من حالتج العيد ياي و يهي فجاءه يحبب
انا ما ينفع معاي ماسكات حدي مو فاضيه بس ياريت البنات يعطونا اسم دواه او منتج من المنتجات الزينه

يعطيكم العافيه

 

[كاااااادي]

شوفي حبيبتي استخدم غسولات طبيه وغاليه ولا فادتني ماااافاااادني الاصابونه الكركم الهنديه خضرا بصراحه رووووعه وفتحت لوني كمان بس بصراحه عجيبه جربيها وشوفي ورخيصه مرررره

 

[قلب فيصل]

رد : بنات وجهي فيه حبوب شباب ساعدوني تكفوووووووووووون

حبيبتي استخدمي رتن ايه والدوكين فور اخلطيهم مع بعض واستخدميهم
بس ترا تقشر
صراحه انا ماجربتها بس وايد انفعت مع رفيجتي صرات بشرتها بيبي فيس

 

[yam_yam]

رد : بنات وجهي فيه حبوب شباب ساعدوني تكفوووووووووووون

اب اب لعيونج

 

[أ.انفال]

رد : بنات وجهي فيه حبوب شباب ساعدوني تكفوووووووووووون

شوفي قلبو انتي نفسي:eh_s(2): كنت ما احب اروح المدرسه من الفشيله :lkmnkl:
لانهم يجووون كباااار و يخرعون ههههههههههههههه
المره منقوعه امسحي وجهج فيها و صابونه المره من العطار و ربي ما في احلا من هالحل صج حلو

 

[اميرة المحبة]

رد: رد : بنات وجهي فيه حبوب شباب ساعدوني تكفوووووووووووون

حبي الحبوب ماتروح بيوم وليلة لو عمرج فوق ال18 روحي الجلدية وطلي علاج الرأكوتان هو الحل الصصصصصصصصصح للحبوب

واستخدمي حاليا منقوع المرة وقناع النش مع ماي الورد

واستخدمي غسول نيتروجينا لحب الشباب الكريمي

واستخدمي اسكينول الاصفر وحطي داخله حبتين اسبرين مطحونة وياااااااااااااااااااااااارب تخف منج والله يعيننا كلنا عالحبوب حاسة فيج والله

 

[ماآاريا]

خليني انا اقولج تجربتي يمكن شغله عاديه بس غيرتني كثيررر

انا كان وجهي مخطط كله حبووب وهذا الكلام كان تقريبا من ثلاث شهور

ورحت الطبيب حتى الدكتوره كانت تبي تبجي على حالتي وقالت لازم تحليل <<< لازم تسمعين قصة حياتي هههههههه

المهم ماسويت التحليل لاني اخاف ويوم اني تشجعت اخربت مكينه التحليل هههههههه

وماسويت التحليل والله لا يوريج وجهي مافيه ملامح بس حب

بعيد عنج كان يطلع لي حب تحت الجلد وتكون كبيره بره جنها كيس واللع وتظل اشهر يالله ترووح

الدكتور عطاني دوا بينزاك وديفرين والله ما كان ينفع معاي

المهم قلت لنفسي على ما تجي مراجعتي الجايه الا وجهي بقرأ عليه الفاتحه

ولا رحت الصيدليه اشتريت ريتن اي والدوكين بديت فيه تقريبا من شهرين ونص او ثلاث

والله الحين ولا حبه وحتى اللي داخل الجلد راح واتسحنت بنسبة 90 بالميه

اول شهر استخدام كنت استخدم وانا مياسه من وجهي بس صبرت ونلت وتحسنت بشرتي

يعني نصيحتي استخدميه وانتظمي وان شاء الله بتنحل مشكلتج

ادري طولت عليج بس حبيت افيدج

وانا مااحب اشارك الا لاني مريت بتجربتج وكنت قبل لا انام لازم ابجي من وجهي ههههههههه

الحين وين كنا وشلون صرنا الحمدالله

 

[lateefa]

uuuuuuuuuup لعيووووووووونج

 

[حنين أنثى]

راح اقول لك طريقتي وراحت حبوبي نهائي
الللي هي تجيبين علبة اسكينول كلاسيك وحبتين من دلاسين تي
وتذوبين الحبتين فيها وتمسحين على وجهك كم مره فاليوم لكن حاولي فالليل ترطبينها بجليسوليد ومخففته بموية ورد يعني يكون خفيييييييييييف
وقولي ماقلته
لكن الاسكينول ترى يجفف البشرة بقوة انتي بس استخدميه لحد ماتنتهي مشكلتك ماتاخذ شهر ويمكن يزيد على حسب حالتك على فكره اول اسبوع تلاحظين التغيير
ولما خلاص تحسين بشرتك صارت اوكي
بين مدة ومدة استخدمي الاسكينول على كامل وجهك وخليه وارجعي اغسليه بمويه (( انا تركته نادراً ارجع استخدمه))
وواهم شي لبشرتك التعقيم والنظافه والترطيب بنفس الوقت
وعندي لك شغله صابونة البابايا 4 في 1 ممتازة تفتيح وتساعدك على التخفيف من الحبوب وتجفيفها
ولو سويتي اللي قلت لك بالله بلغيني وش يصير معك
دعواتك اختي

 

[ماكنتوشـه]

رد : بنات وجهي فيه حبوب شباب ساعدوني تكفوووووووووووون

ياحياتي والله
ان اقولج نظامي وان شاء الله راح يفيد معاج طبعا بدون كريمات>>زمان حطيتهم حرقوو بشرتي عشان جذي صرت ماحط اي كريم مقشر///

اول شي سوي منقوع المره وهو عباره عن مره +ماء ورد >>ومعرروفه اصلن انها تصفي البشره
ثاني شي اغسلي ويهج بصابونة الكبريت >>هذي روووعه تمتص الدهون اللي بالبشره
ثالث شي ماسك عباره عن ترمس مطحون +زباادي >>هذا بعد يشيل الحبوب ويصفي ويهج

وان شااء رااح يفيدج النظام مثل مافدني....

 

[المـــــها]

حبيبتي
الحل النهائي لحب الشباب إن شاء الله
هو
حبوب الروكتان
و أنا كاتبه موضوع كامل عنه شوفيه
طبعا لازم الدكتور يوصفلجياه يعني يناسبج

 

[M!sS v!P]

ان شاء الله تكون بشرتك وبشرتنا صافيييييييه
الله يعنيااااااااااا

 

[D\maryam]

رد : بنات وجهي فيه حبوب شباب ساعدوني تكفوووووووووووون

اممممم ..

استخدمت اشيا واجد بس اللي نفعني غسول نيتروجينا الوردي > جريب فروت <

استخدمييه يمكن يفيدج

في منه المقشر والعادي الناعم ..

^__^

 

[بدوره 22]

حبيبتي مع احترامي حق جميع خواتي اللي بالمنتدى بس ترى مو شرط الي نفع معاهم بينفع معاج ... وانتي شكثر ظليتي عند الدكتور ؟

ترى مشوار الجلديه ويل وعلى قولتهم يبيله صبر ....

واعرف وايد بنات على بو ان فيهم حب شباب قامو يلوصون ويوهم بالخلطات والصابون ومادري شنو .. الله لا يوريج اشصار فيهم ..


خليج على دكتور جلديه احسن لج وانصحج بالصبر ادري النفسيه لوعه لان كل ما تشوفين ويهج بالمنظره تتعب نفسيتج اكثر بس اقري على نفسج وخليج على دكتور افضل.

 

[حصووونه]

لاتسوين ولا شي من الي قالوه البنات مع احترامي لهم ورايهم على راسي بس البشره من وحده لي وحده تختلف ولازم لدكتور يشوفج يعني لازم فحص ضروري
نصيحتي لج روحي دكتور جلديه افضل لج وامشي بالعلاج الطبي

 

[unique.moshy]

رد : بنات وجهي فيه حبوب شباب ساعدوني تكفوووووووووووون

حبيبتي نصييحه خلج عالاشيااء الطبيه احسن من سواالف الخلطات و الحووااي

رووحي الجلديه التابع للحكوومه يعطوونج تحووويل من المستووصف و رووحيلهم

والله بدووون مباااااااالغه ادووويتهم زينه تباارك الرحمن

انا لما طلعت لي جم حبه قلت برووح ورحت عطووني دو اا يهببل ماشااءالله

و يمكن اذا ويهج كله حبووب بعطونج روكاتان واايد زين و اقوووى علاج لحب الشباب

بس لازم تحت اشرااف طبي ...

موووفقه

 

[داليا المطيري]

رد : بنات وجهي فيه حبوب شباب ساعدوني تكفوووووووووووون

مشكورين ياحبابي والله يعطيكم العافيه