بنات والله ماانتقد احد لكن سؤال محيرني

[SARA*]

بنات عادي الوحده تولد عند دكتور او تراجع عند دكتور او تسوي عمليه تجميله للمنطقه الحساسه او الثدي عند دكتور
انا مره اانحطيت بموقف كانت عندي ولاده بجري ورحت للطوراى وكان دكتور بصراحه من دخلت وشفته انصدمت راد يشوف عندي توسع او لا مارضيت قلته تبي تاخذ سونار اوكي لكن تكشف علي مستحيل انا اعرف نفسي عندي ولاده ودخلني للقسم الولاده بدون مايكشف علي الحمد لله انا ماعرف حلال او حرام لكن رفضت استحيت
والحين انا بامريكا فيه دكتوره وايد زين مارحت الها لان بولاده مو متاكده يمكن هي او دكتور يجيلي شفت عياده ثانيه فيها 5 دكتوراة نسائيه واراجع عند ال 5 كل موعد اشوف وحده وعند الولاده تجي اي وحده منهم للمستشفى الحمد لله لكن معقوله يصادفني نرس رجال كارثه لكن اذا طلبت مهم اكيد يطلعونه

انتم بنات شرايكم بدكتور او دكتور وحلال او حرام

 

[ghadeerq8]

انا وحده استحرم هل شي الصراحه ما اتقبل اني انكشف على ريال لو كان بروفسور مو دكتور بعد و الله الشافي المعافي و مسهل الامور و في حريم عادي عندها تحت مسمى دكتور

 

[سـٌگر معـقـود]

حبيبتي هالشي الناس تختلف فيه ناس ولا راح تشوفين اتفاق

نااس تشوف انه مراجعتها لمره تضرها
ومقتنعه كلهم مايفيدون وان من باب لا ترمو بأنفسكم الى التهلكه تبي خبره الرجال

وناس تشوف هالموضوع من ناحيه فطريه انسانيه بحته ان فشله وعيب ومستحيل اختار هالشي بارادتي

وناس تنحط بظرف حاله طارئه خطره يدخلونهآ على دكتور للضروره والضروره تبيح المحظورات

فاحنا مو مخولين ان نحكم ونفتي " قد تبين الرشد من الغي " وكل واحد ينام عالجنب اللي يرحووو


*من وجهه نظر شخصيه ما اأيد اذا كان الوضع اختياري
وشكرا حبيبتي على طرح الموضوع للنقاش

 

[مناوووي]

حبيبتي لاتشوفين راي احد دقي على شيخ واساليه او دزي مسج والجواب بتلقينه عنده لان هذي شغله بنتحاسب عليها لان فيها حلال وحرام
والحلال والحرام تاخذينه من شيخ دين اضمن
هذي وجهة نظري
والله يسهل اموووورج

 

[سور المدينه]

انا ووحده احس عيب وفشله دام متواجده دكتوره ومومضطره اراجع ولا اولد عند دكتور
حتى السونار البسيط مابي اعمله عند دكتور
واعتقد الشرع يبيح الرجال اذا كان ضرورة اما اذا متواجد البديل وهي الدكتوره حرام

 

[Aloe Vera]

حبيبتي انتي في امريكا
و هناك عندهم احترام حق طلباتج
قوليلهم لمن تدخلين ولادة مابي رياييل يدخلون الغرفة
و راح يحطون لافته من برا الباب مكتوب no men allowed
في وايد يهود و مسيحيات متدينين مايرضون يكشفون على رياييل
و امريكا دولة فيها وايد انواع من البشر
بالعكس اهما وايد يحترمون رغبات المريضة
حتى ممكن يسئلونج اذا تبين تسمعين شي معين قرآن مثلاً و ماعندهم اي مشكلة

 

[حمرة الورد]

انا سالت شيخ وقال مايجوز حتى الاسنان اي كشف مايجوووووووووز وثاني شي في دكاتره حريم

 

[حمرة الورد]

نعم في امريكا انا وقلت لهم ابي دكتوره والحمدلله ربي سهلها وقالت اصلا اهني اكثر شي الدكاتره حريم حتى السونار التفصيلي طلبو لي دكتوره الحمدلله انتي انوي وربج يسهل

 

[قرة عيونه]

انا بالنسبه لي افضل دكتوره

بس في ناس حالاتهم تكون صعبه فيضطرون يروحون للدكتور

اما اذا كانت حالتج طبيعيه والدكتوره متواجده يفضل الدكتوره اكيد

واذا عن الحيا انا بجر واراجع عند دكتوره ومن الحين مستحيه واحاتي شلون بتولدني وبتكشف علي

شلون لو دكتور :/ الله لا يحوجني لدكتور ويارب دكتورتي تكون متواجده دايماً لاني حيل مرتاحتلها

 

[ملح الكون]

اللي اعرفه حرام والحريم حللوه على ابو انه المره الدكتوره ماتعرف كثر الرجال الدكتور
من ترك شي لوجه الله ....

 

[؛؛sokrrah؛؛]

انا سالت شيخ دين وقال اذا تحتاجين علاج وماحصلتي الا عند دكتور اوكي
يعني للضروره فقط

 

[فيلسوفة قلبي]

دام الكادر الطبي النسائي متوفر في كل دولة ..

لأزم ترآجع عند دكتورة ومش دكتور .. الأ في بعض الحآلات الخاصة جدددددآ تحتآج تدخل الدكتور ..


ومحرم أنج تكشفين عند دكتور الأ إذا فيه شئ عجزت عنه الدكتورة تكشفه ..

 

[برنسيسة2007]

الخوات اللي يقولون لاتفتون كل واحد ينام علجنب اللي يريحه ..عزيزاتي غرييييبه انه في جعل بهلموضوع مايختلف عليها شيخين ولافتوتين
مايجوز نهائياً الا في حاله وحده اذا كان فيه ضرر علمريضه ولازم هالدكتور او اذا مافيه غير هالدكتور

 

[! Miss.Q8 !]

والله انا ما ابي افتى بشي ما اعرفه

بس بالنسبه لي انا ما افضل دكتور ريال فشله وريلي ما يرضى

بس استغربت من كلام وحده حتى دكتور اسنان ما يصير

ياريت احد يفيدنا من هالناحيه بفتوى صحيحه مو بس كلام !!!