بنات واسوني احس اني عايشه بروحي

[حلوووه وسمباتييك]

مرحبا


بنات انا حيييل متضايقه واحس محد فاهمني



انا ابي الحمل وكل ماتاخرت الدوره علي طرت من الفرحه

بس بعدين تنزل واتضايق ونفسيتي تصير داون


بنتي عمرها سنه الحين

صح المفروض احمل ؟؟؟ والا بدري علي

مع العلم اني طولت على ماحملت ببنتي وكل دكتور يقولي شي لين تعبت وسبحان الله ربي رزقني من حيث لا اعلم


وهو الرزاق الكريم


المشكله امي تقول بدري عليج لا تفكرين بالحمل وزوجي وده باليهال وانا بعد ودي حييييييييل شفقانه


تكفوووووووون بنات واسووووووووني احس بعض الاحيان ان حياتي مع زوجي ماراح تدوم ماادري ليش يجيني هالاحساس


وادعولي

 

[عاشقه الزهراء]

حبيبتي الله يخليلج بنتج ان شاءالله

واذا كنتي متضايقه شوفي مصايب غيرج تقولون الف حمد وشكر على النعمه

انا شقول عيل 10 سنين متزوجه وما عندي ياهل وعلى طول اقول الف حمد وشكر لك يارب

ونطري ان شاءالله اذا مو هالسنه السنه الي وراها والله يرزق الجميييييع

 

[WaChoCha]

نفس كلام اختي عاشقة ,,,, شوفي بلاوي غيرج تهون عليج بلوتج
الحمدلله رب العالمين عندج بنت الله يحفظها وانتي ما تاخرتي ذاك التاخير... اذا انتي تبين ترتاحين روحي انتي وززجج سوو فحصوات كاملة
واذا مافيج شي عيل مو مأخر حملج غير تفكيرج الزايد فيه ..... توكلي على الله وخلي امورج على الرحمن وان شاء الله ربي يبلغج الخير

 

[كويتيه مذهله 87]

يؤ

ليش تحسين انج بتهدين ريلج انتي عندج بنووته اسملها عليهاا عمرها سنه حرام تهضمين حقهاا لا علباالج اليهال ونااسه فوقه فوقه تري صج تعب
واذا تحبين اليهال مو مشكله نظمي علي الاقل لمن تكمل سنه ونص حملي علي مايصير بنتج سنتين علي الاقل

ومثل ماقتلج انتي عالجتي وماحملتي الا بكتبه الله


نطري شوي شيلي الفكره من راسج وبسرعه تحملين

 

[أم لطووف]

نفس كلام اختي عاشقة ,,,, شوفي بلاوي غيرج تهون عليج بلوتج
الحمدلله رب العالمين عندج بنت الله يحفظها وانتي ما تاخرتي ذاك التاخير... اذا انتي تبين ترتاحين روحي انتي وززجج سوو فحصوات كاملة
واذا مافيج شي عيل مو مأخر حملج غير تفكيرج الزايد فيه ..... توكلي على الله وخلي امورج على الرحمن وان شاء الله ربي يبلغج الخير

كلامها صح
بعد عمري ربي يرزقج بالدريه الصالحه عاجلا غير أجل يارب العالمين

 

[SaD FaCe]

الله يرزقج بالذريه الصالحه بس لا تفكرين بهالموضوع الحين

 

[bint_al8omar]

الله يرزقج الحمل السليم يارب

 

[أم راشد المطيري]

والله يا بنات صج محج مرتاح لا اللي عندة جاهل ويبي الثاني مو مرتاح ولا اللي ما عندها شي مو مرتاحة

ليش جذي

والله قولي الحمد الله والله يخليلج بنتج والله غيرج يتمنى لو ظفر جاهل

ادام انتي حملتي يعني عندج القدرة انج تحملين مرة ثانية

بس روحي سوي فحوصات اني وريلج وان شاءالله ما فيج شي

 

[الفرفورةرفرف]

والله حبيبتي انتي فيج وسواس
عيل شنو يقولون اللي مايابو يهال؟
ولا اللي يابو وصارلهم مدة يعالجون؟
حبيبتي انا مثلج وولدي عمرة 2ونص ومن زمان قطيت المانع وماحملت
متضايقة صح لكن مو لهالدرجة؟
اشدعوة حمدالله عندج بنت صاحية تفتهم
غيرج ماعندة ولا عندة بس موصاحين
شيلي من بالج هالوسواس
وبنتج توها صغيرة انسي وانشالله بتلاقين نفسج حامل
والله يرزقج بالذرية الصالحة

 

[mosta7eel]

الله يرزقج ان شاءالله وكل محرومه باللي تتمناه بس لا تحاتين
الحمدلله عندج بنتج الله يخليها لج وترا توها صغيرة عطيها حقها بالدلال

 

[دمثة]

عندج بنت الحمدالله


وردي رديته عليج برساله خاصة اقرية

 

[رووح حبيبي]

الله يرزقج باللي تتمنين

 

[Amory]

لا حول ولا قوة الا بالله

اهني البنات يتمنون ريحة ياهل ابهالقسم وانتي اتقولين بنتي عمرها سنه!

ترى بنتج بعدها اصغيره وانتي الضاهر مثل ما قالو البنات وسواسيه

حبيبتي لا تخافين ولا اتوسوسين هالشي ابروحه يأخر الحمل وان شاءالله مثل ما يبتي هالبنت راح اتييبين غيرها بس كلها مسألة وقت وادعي ربج اهو الرزاق سبحانه اذا اراد شيئا انما يقول له كن فيكون.

 

[توكلت على ربي]

ياختي بجد بجد نتك صغيروونه ولازم تاخذ حقهاا من إهتمامك لأنها محتاجه رعايه وعطف وحنيه
اشبعيها عطف وحنان ودلعيها ولا تستعجلين بالحمال حتى انتي جسمك لازم يرتاح شوي ع الأقل سنتين

واذا مستعجله راجعي دكتوره مع اني متأكده ان ادكتوره راح تقولك بدري

اجل ايش اقول انا ولدي بيدرس وابوه كل يوم يكلمني على نفس الموضوع وانا لاحول ولاقوة للي
متوكله على ربي يرزقني الولد او البنت الصالحين ويستكر فمه وفم غيرره ياارب

 

[مهرا احلى مهرا]

الله كريم الله يرزقج يارب بس انتي متى حملتي اول مره جم قعتتي انا بنت خالتي قعدت ثمن شهور وحملت وبعدين ولدت وما كلت حبوب منع الحمل مناعته صارت كل ثمن شهور تحمل سبحان الله

 

[(( أم نــونــا))]

حبيبتي الله يخليلج بنتج ان شاءالله

واذا كنتي متضايقه شوفي مصايب غيرج تقولون الف حمد وشكر على النعمه

انا شقول عيل 10 سنين متزوجه وما عندي ياهل وعلى طول اقول الف حمد وشكر لك يارب

ونطري ان شاءالله اذا مو هالسنه السنه الي وراها والله يرزق الجميييييع

ياحياتي انتي


الله يرزقج ويرزقنا اجمعين


ولا يحرمنا من الذريه الصالحه يارب

 

[نكهةالبرتقال]

بصراحة ما أزيد على اللي قالوه البنات ، بس نصيحة لا تحاتين حياتك مع ريلج و لاتحاتين الحمل و لاتحاتين الوظيفة

لأن في بالسما رب مدبر


و لأن إذا بذلتي السبب ، ما عليج إلا التفاؤل و انتظار الفرج

 

[تاجي أخلاقي]

<< دخلت ابي اواسيج والله ...
يا حبيبتي .. الله يرزقج بالثاني والثالث والراابع .. الله يرزقج لين ترضين ..اللهم آمين ..