بنات واخيرا انا شريت قطوة شيرازية

[Hope Soon]

السلام عليكم ورحمة الله وبركاته

بنات ابشركم انا شريت قطوة شيرازية صغيرة بدال الكلب ... لأني من قبل كنت مفكرة اشتري كلب بس ابوي وامي والاخوات الي بالمنتدى نصحوني اني ما اشتري كلب ... لأن الكلب نجس وينقص من حسناتي وانا مو مستعدةاني اخسر من حسناتي لأن كافي الذنوب الي عندي والله سبحانه وتعالى اعلم فيها

فعشان جذي رحت اليوم وانا واختي لسوق الحمام وشريت القطوة :eh_s(15)::eh_s(15): وعمرها شهر :eh_s(9)::eh_s(9):

وانا حدي حدي مستانسة

 

[E U N]

فديتسس .. تتهنين فيهآآ يآ رَب

 

[غزلان-2]

مبروك ياحلوه
--
قطوتج ترا بيبي حدها ديري بالج عليها
اشتريلها حليب من الصيدليه مال الاطفال خالي من اللاكتوز عشان مايسبب لها اسهال
--
اهتمي فيها وحطيها بمكان دافي
امممممم اذا تبين اي مساعده البنات مايقصرون لانها بيبي سلم قلبها
--
حطي صورتها

 

[Hope Soon]

الله يسلمكم وربي يسعدكم على مروركم الكريم يا بنات

ان شاء الله راح احط صورها قريبا بالمنتدى

 

[lojeeen]

مبروك القطوه الجديده تتربى بعزج ^^

 

[Hope Soon]

الله يعزك اختي لوجين مشكورة عل مرورج الكريم

 

[ربي رجوتك]

تتهنين معها
انتبهي عليها هذي امانه وروح

 

[ŦSЩД3УФИУ]

مبروك

​

 

[شربـــات لـــوز]

اول شي تتربى بعزك :d
ثاني شي اهتمي فيها بما ان عمرها شهر عطيها حليب ياانك تشترين الحليب الخاص لهم او عطيها حليب خالي دسم وخففيه بالماي
ووكليها سريلاك وجبه وحده باليوم ولما يصير عمرها شهر ونص ابدي توكلينها اخيلها دراي فود انظف وافضل لها
اهتمي بنظافتهاا
تنظيف عيونها واذونها وتسبيح
بس طبعاا التسبيح خليه لما يصير عمرها شهرين او شهرين ونص
ولا تنسين تصورينها نبي نشوفها لوول

 

[Hope Soon]

ان شاء الله ... راح احط صورها بالمنتدى قريبا

شاكرة مروركم خواتي الكريمات

 

[klOoOre]

اول شي مبروك وتتربه بعزج
مثل ما قالو الاخوات
عمرهاا صغغير
لا تحممينها
ابدا ابدا الا بعمر 3 شهور
واذا تبين فوطه فيها ماي دافي
والجو يكون دافي
ووممنوع تتطعمينها الا لما يكون عمره بضبط 3 شهور
تبدين تتعطمينها
وتبدأ وتاكل من عمر الشهرين
الداري فود واكل البيت
بس نصيحه مني
الداري فود تعطينها مرتين
بالاسبوع بس الافضل اكل بيت
مثل
دجاج مسلوق بدون بهارات ولا شي
بيض مسلوق بدون بهارات ولا شي
وجبن كيري مفيد بعد
وتنوعين من الاكل
وحاولي تتجنبين المعلبات والداري فود
يعني المعلبات بشهر مره بس
اما داري فود مثل ما قلت بس مرتين بالاسبوع
سوري على الاطاله ان شاء الله واي شي مساعده
ما عليج الا تكلميني خاص :eh_s(7):

 

[اشلون يعني &]

أخاف منهم احس يجبون امراض وحساسية

ديري بالج منهم
مو متاكده سمعت انه بالدين المفروض مانشتري قطوه بفلوس

 

[klOoOre]

أخاف منهم احس يجبون امراض وحساسية

ديري بالج منهم
مو متاكده سمعت انه بالدين المفروض مانشتري قطوه بفلوس

اسفه على التدخل
لا القطاوه كثير من ناس ماخذين فكره عنهم غلط
القطوه ما تجيب امراض اذا في نظافه ورعايه
والقطط مخلوقات ذكيه اذا رعيناهم
وربيناهم وتكون اهي والمربي اكثر ثنين
يفهمون بعض حتى لو مخلوقات مافيها
عقل بس ذكيه وحبوبه
.
.
بس في ناس فيه حساسيه منهم مو هذا انهم
ان القطاوه فيها مرض
هذا يكون نفسه من الشخص الي فيه حساسيه
مثل بعض ناس تحسس من بعض الاكل
هذا نفس الشي
.
.
اما بخصوص البيع وشراء القطط
حرام اما انه تاخذين قطوه عادي
يجوز
واسفه ع الاطاله وتدخل