بنات هيلب مي

[نفسي احضنه]

السلام عليكم


اخباركم بنوتات


انا بقول لكم قصتي كلها وابيكم تساعدوني



اولا انا بنوته حلوه :eh_s(22): صغنونه عمري 21 سنه بشرتي الحمد لله حلوه بس فيني اشياء ابي اصححها



اولا انا عندي حبوب في جسمي والله تأزمت خطيبي لاحظ علي وربي استحي البس نص كم عنده لان الحبوب واصله لتحت ايدي وظهري حيييييل مليان حبوب ابي حل سريع تكفون






ثانيا عندي هالات فضيعه تحت عيني والله فضيعه ابي لهم حل وابي مرطب لمنطقة حول العين


ثالثا شفايفي متشققه وبيضه تعبت يابنات قمت اشرب ماي صبح ليل عصر بس نفس الحال جاااااااااافه



رابعا المكياج وهو اهو شي انا طبعا ماكنت احط واذا حطيت اروح مشغل الحين يابنات خطيبي يجي يزورني وانا طريقتي اني احط كريم اسا ماكس فاكتور بعده احط الكونسيلر بعدها احط الكحل والبلاشر والحمره

العيب اني دقايق واشوف المكياج كله ساح والكحل بعد والروج تشقق وصار يفشل والله انحرج مره خاصه من منظر الكحل وعيوب بشرتي كلها تبان ابي الطريقه الصحيحه للمكياج وكيف اخليه يبقى فتره طويله وفي بنت قالت لي حطي لي اولاي بدل العباله بس بنات انا بشرتي دهنيه ينفع يعني ؟؟



وعلى شفتي ابي حل ماابيها تتشقق ابيها تصير انسيابيه


وانا مااستخدم كريم حمايه ابي كريم حمايه للبشره الدهنيه تكفون صرت عبده من الشمس


بنات تكفون ساعدوني الله يوفقها الي تساعدني ويعطيها ماتتمنى


:eh_s(7)::eh_s(7)::eh_s(7): احبكم كلكم

 

[أحترت أعبر]

مبين عندج كذا مشكله يبي لها علاج ....توج صغيره على هذا كله , شوفي حبي بالنسبه للحبوب اللي بجسمج اتوقع له علاقه بالتغذيه او هرمونات (بشرتج دهنيه ) .... هذا محتاج نصيحة متخصص

بالنسبه للمكياج انتي اكيد محتاجه مثبت للمكياج علشان ما يسيح ويخترب ...وهذا سهل امره بس ما اقدر انصحج بشي معين الا اول تعالجين بشرتج ...لازم تبتدين ببرنامج عنايه كامل وهذا هم تاخذين براي ناس مختصين ...يشوفون بشرتج ويحددون بالضبط اللي تبينه ...
علشان الدعوه الحلوه اللي قلتيها ولج مثلها انشالله
اب اب اب
لعيونج​

 

[... Glamor ...]

وانا مع حكي احترت اعبر ..
بالبدايه لازم تروحي لدكتور جلديه عشان الحبوب .. خاصه انك عديتي العشرين لازم تعالجينها جذريا فيحبوب يعطونها دكاتره الجلديه تستخدم لمده من 3 الى 5 شهور .. وهي تقضي على الحبوب بشكل تااام وجذري وبرضو تفتح البشره ..
اذا رجتي له يمكن يوصفها لك لانها تنوصف بالحالات اللي زي كذا عادهـ ..
وانتي لاجيتي تتحممين استخدمي صابون ينشف المنطقه من الزيوت مثل ( صابون الغار.. صابون الكبريت ..الصابونه السودا وكذا ) .. هذولا ماتعتبر من الصابونات الطبيه لكن برضو فايدتها موازيه لهم .. واستخدمي تونر ( فيتشي ) بعد الحمام على المنطقه كلهاا .. هو يعقم الحبوب .. لكن لازم لازم العلاج لهالحاله عشان ماتتحول لاثار ويصعب الامر عليك ..

اما شفايفك افضل حل للشفايف الجافه ( فازلين.. زيت اللوز الحلو .. مسحوق الورد الجاف ) تحطينه صباح وليل .. يرطب الشفايف مرره ومعروف مفعوله لانه برضو يورد لك الشفه ..
واذا انتي مع البلاستك سيرجري فيه نفخ للشفايف اسمه النفخ الوردي .. هذا النوع يعطي حيويه ونظاره للشفه .. وطبعا لاتنسين مرطب الشفـاه داائما .. وخففي من الارواج لانها ترى تجفف الشفه وتغير لونها خاصه لاكانت اصلا هي متضررهـ .. عالجي بالاول ..

والميك اب اصلا اساس ماكس فاكتر والكونسيلر حقه مايطول كثير .. من النوع اللي 4 ساعات وتحسينه تغير لازم ري تتش ..
غيري .. استخدمي اساس وباودر ماك ستيدو فيكس ..لانه ثاابت كثير .. وخذي اساس ماك للبشره الدهنيه .. وبرضوو عشان ماتدهن بشرتك مع الميك اب فيه شي من كريولاين زي الواكس ينحط قبل الميك اب .. وفيه من ميك اب فور ايفير شي اسمه .. ال مات .. هذا بعد قبل الميك اب .. يقلل من ان بشرتك تدهن وانتي حاطه ميك اب .. ثاني شي حتى لودهنت تقدري بمنديل مطوي طبطبه وانتهينا .. لان باودر ماك ثابت اصلا .. والكونسيلر كريولاين العجله ..هذا يخفيلك العيوب كلهاااااا ..
والهالات برضو اذا كانت غاامقه كثير فيه من كريولاين كونسيلير اورنج .. اما ااذا عاديه بالكونسيلير العادي حق كريولاين ..
بعدين فيه حل للهالات اسمه الاكسجين .. يعني زي ابر الاوكسجين نفس طريقه الفيلر .. تخفف من الهالات كثير ..


وبالتوفيق ..

 

[نفسي احضنه]

يمممممممممممممممممممممممممممممممه فديتكم وفديت ردودكم الحلوه مشكورين خواتي انا رحت لدكتور مثل ماقلتوا لي وطلب اني اسوي تحاليل وبشوف وع المكياج يسلمو حبوبه الله يوفقك ويرزقك ماتتمنين يارب