بنات هذا شي يديد ساعدوني :(

[sosa_23]

السلام عليكم ورحمه الله وبركاته

شلونكم بنات عساكم بخير ؟

بدش بسالفه دغري على قولتهم ... بنات صاير فيني شي يديد اول شي انا توني والده وعمر ولدي تقريبا 4 شهور
ومن ولدت وانا مااااااااااااااااالي خلق شي .. :bbbiu:يايني شعور غريب كله ابي افتعل المشاكل مالي خلق ريلي ابد ولا لي خلق عيالي وصايره وايد ازفهم وكله ابي اطلع مالي خلق بيتي ابد واحس اني تحسفت اني تزوجت صغيره ..:eh_s(2):
يايني تفكير غريب اقول يا ليتني ماتزوجت وقردت روحي اللي بعمري توهم يتزوجون ... :eh_s(10):طاقه جبدي بطريقه ماتتخيلونها حتى انا مو من النوع اللي اطلع مع رفيجاتي ريلي ما يرضى بس هاليومين احن عليه كله بطلع حتى خواتي يضحكون علي يقولولي سوسا شفيج بعد الولاده ينيتي مادري احساس ان مسؤوليتي كبرت خلاص كبرت ضيقه خلق جنا عيايز مادري شي يقمت اعوذ بالله .. :eh_s(16):واحس ريلي زهقان اضغط على نفسي اسوي روحي مافيني شي بس ارد تخيلو اقوله روح اطلع ماتبي تتستانس وانا قبل كله احن اقوله انت ماتقعد بالبيت :eh_s(2):
بنات حيل متأزمه انا وضايق خلقي حيل ... والله اتعوذ من بليس ادري نه وسواس
تعبت بنات شاركوني همي ولو بدعاء :yaaaaaarb:
مادري هرمونات مادري شنو شي مو حلو ابد وان شاء الله محد يحس بهالاحساس
تعبت

الحمدلله على كل حال ...... ناطره ردودكم :eh_s(10):

 

[حلوه ولمآحه]

ذكري االله واقري قرآآن حبيبتي ،،
الله يسهل امورج ويشرح صدرج يآآرب،،

 

[بربروسا]

ههههه ذكرتيني بنفسي سبحان الله نفس الشعور بس بعدين فتره ويروح انشالله

 

[dectora 7elwa]

دورتج انتظمت عقب المفاس ولا لا-ترضعين
حللي هرمونات
واهم شي هرمون الحليب والغدة الدرقيه

 

[دلوعة صلوح]

الله يهديج بس اخاف هذا لى يسموونة اكتئاب ما بعد الولادة اقرى قران احسن لج الله يهديج يارب.

 

[raneen]

حبيبتي اتعوذي من ابليس وهذا كاتأب مابعد الولاده وشي طبيعي وان شاءالله مع الايامرح يروح ...ان ياني وانا بالنفاس وتم لي بعد شهرين احس مالي خلق اي شي ولا يعجبني اسوي اي شي ...بس هذي وساوس من الشيطان لاتخلينه يقوه ويدش بينكم توضي كل ماحاشج هالشعور وصدقيني رح اتحسين ابرود مو طبيعي..
والله يوقف معاج حبوبه...

 

[الاميـرة]

هلاحبيبتي شعورطبيعي بس الشاطرة اللي تغلب علية غيري بنفسج قصي شعرج غيري بيتج بالاثاث بتريبة بغرفة نومج واللة هالشي يريحج حيل انالاتضايقت حورفت بنفسي وفي بيتي بتلاحظين براحة عسى اللة يبعدعنك كل مكروة

 

[ورده الكرستال]

اقري القران والرقيه الشرعيه حبوبه

 

[q8 83]

وااااضح انها هرمونات حبيبتي

بس هم حاولي تسوين تغير بحياتج

يعني سوي جلسه مساج و استرخاء ، قصي شعرج و صبغيه

فرفشي نفسج و وزوجج و عيالج لا تنكدين عليهم توج صغير

و صدقيني اذا الام متنكده تنكد على البيت كله و اذا مستانسه تونس البيت كله

 

[نداااوي]

الله يهديكي
ويفرج همك

 

[المستغفرة 74]

عليج بالاذكار والقران الكريم
الا بذكر الله تطمئن القلوب

 

[Al-RoRo77]

وعليكم السلام ورحمة الله وبركاته
ان شاء الله فتره وتعدي شغلي الرقيه الشرعيه ومثل ماقالت اختي الاميره غيري بنفسج وفبيتج بترتاحين ان شاء الله
حتى انا لا تضايقت اغير بنظام ديكور بيتي واغير ستايلي احس بشي يديد والنفسيه تتغير واكيد الراحه قبل كل شي بالصلاة والدعاء عسى ربي يهون عليج يارب

 

[بوح القوافي]

انا جايني نفس الشعور مثلك تماما مالي خلق لاحد
وتجيني وساوس والعياذبالله وكسل ومالي خلق لولدي ولالبيتي
كله ابي اطلع برا الله يرفع عنا يارب ويهدينا ويصلح حالنا...

 

[a7la_7b]

اعووووووووووووووووووذ بالله من الشيطان الرجيم

الله يريح بالج ويبعد عنج الهم
اقري قران وادعي انه الله يريح بالج

 

[رحيل المرافيء]

غيري جوو
روحي سافري انتي وزوجج بس
حجزوا شاليه وروحوا
امشي كل يوم لو نص ساعة تتعدل الهرمونات والنفسية

 

[قــل مـا تـشـاء]

عندج اكتئاب مابعد الولادة ,,
يبيلج تغيرين جو تطلعين من الجو اللي انتي فيه تتمشين تروحين تردين
تسوين لج جو خاص لج في البيت
ولا تنسين قراءة القرآن عشان تهدى نفسيتج اشوي
ولا خافين فترة وتعدي ان شاااء الله بس اهم شي تطلعين من جو الكآبة اللي انتي عايشه فيه

 

[Amera 7elwa]

الله يعينج
http://www.q8yat.com/t874814.html

 

[لا تغرك الدنيا]

تعوذي من ابليس اختي اقرأي قرآن والتزمي بقيآم الليل

يمكن يسمونه اكتئاب مآ بعد الولآده بس اعرف هالاإكتئآب ايي بالاربعين انتي يمكن يآيج متأخر
لآ تقولين فتره وتعدي
ان شآء الله بتعدي لكن مآ تدرين شنو بتخلي بينج وبين زوجج

الله يوفقج يآرب

 

[غـرامـي أنـت]

الله يعينك

 

[عزتي في عفتي]

صلي ركعتين الضحى كل يوم وان شالله ربك يفرجها عليك هذا كله لانك مليتي من الروتين اليومي من تربيه العيال وهموم ومسوليات البيت وكل شي عليك الله يستر ربي عليك ولا يوريك مكروه