بنات هذا اخر اسبوع لي بالتاسع ولا اكو شي ساعدوني

[الشوق ياخذني له]

قووه بنات شلونكم
اليوم كنت عندي مراجعه
والدكتوره انصدمت قالت بطنج للحين فوق وهذا اخر اسبوع بالتاسع
وقالت 17 الشهر بدشين العاشر واذا على وضعج جذي بنحولج المستشفى
لان خلاص دخلتي العاشر والحين بروح البحر اتمشى لكن ابي مساعدتكم شسوي بعد علشان اولد طبعا للحين ماعرف كم مفتوحه الدكتوره تقول حنا المستوصف مالنا شغل بالفحص هذا اختصاص المستشفئ تكفون ساعدوني شسوي والله يوفقكم ويحفظكم

 

[" ام حمود "]

الله يسهل عليج حبوبة وتقومين لنا بالسلامة ..
كثري من الجماع ترى وايد زين ويفتح بسسرعه

 

[غلا 2000]

عادي ياقلبي أنا خلصت التاسع وأخذت فوقه
أسبوع وبعدين ولدت .

 

[q8helwa]

شكلي انا نفسج

انا هاذا ثالث اسبوع بالتاسع وماكو شي


تشوفيني تقولين مو حامل


اف الله يعين

 

[مريوم الجميله]

حتى انا بعد ..قالتلي الدكتوره اخر موعد ولاده 15 -12 وانا للحين ماكوو اي عوار او اي بوادر ولاده مع اني امشي ..الله يعيني ويعينج ويعين كل وحده حامل ..امشي وايد لا تقعدين ترا القعده مو زينه للحامل تحركي ..وامشي إل تراب البحر ..ويولو شربي دارسين بس انا ماراح تشرب اخاف يضرني لا شي مايندرى ..واكلي رظب عل الريق ..ترا مفييد و يسهل الولاده ..ان بجر وهذا اللي اعرفه ..ان شاء الله البنات يفيدونج ..اب اب

 

[فلافل وبطاط]

انا فبجري ماحسيت بشي من بوادر الولاده
اكلت شهري كان اخر موعد لي ١-٧ ياني طلق
٣-٧ وولدت ٥-٧

عليج بالمشي والجماع ... والرطب ... وحليب دافي

غيره لا اتجازفين الا اذا مفتوح الرحم ...

روحي طوارئ المستشفى قولي فيني عوار وخل يفحصون

انا حاليا ماحس بشي قوي كله غشمره ههههههههههههه
بس الدكتور يقول البيبي نازل ...

والله يهون عليج اجمعين يااارب ....

 

[الشوق ياخذني له]

الله يعطيكم العافيه
رحت البحر وتمشيت وحسيت بعوار ورحت المستشفى
وسويت تخطيط قالو فيه الم ولاده وفحصني الدكتور قال واحد سانتي وقالي اذا فيج عوار تعالي ثانيه مره
يعني الحين ممكن اولد هلاسبوع ولا بعد مطوله

 

[الشوق ياخذني له]

؟؟؟؟؟؟؟؟

 

[اخت خالتهم]

بنات يمكن انتو لقطتو على آخر شي
يعني يمكن مو بيوم 14 من الدورة
انا مثلا يوم 15 من الدورة تبويضي بالحسبة بس بالصج ماا احس فيه الا بتاريخ 20 او 21 من الدورة

يعني زيدو على حسبة الولادة على الاقل اسبوع

 

[انا لها شمس]

انا فتحت 7 س وما كان عندي اااااي شي من بوادر الولاده ..

لا افراز وولا دم وولا نزل الماي والبيبي كان فووووق بعد

بس سبحان الله شلون صار جذي وياني الطلق مادري

يعني عادي الطلق بلحظه ممكن اييج .. وعادي بنات وايد يعطونهم فوق شهرهم اسبوع الى 10ايام

وبعدين دكتورة المستوصف طب عام شفهمها بالولاده ... !!!!

الله يسهل لج وتولدين هالاسبوع وترتاحين

 

[q8helwa]

انشالله انا وانتي نولد بسرعه

 

[أم عزوز4]

انا بعد باقيلي اسبوع واخلص التاسع وللحين ما احس بشي
مع ان الدكتور في اخر مراجعه لي قالي الجاهل نازل واحتمال تولدين قبل لا يخلص شهرج

وفي احمالتي اللي طافت ولدة بعد ماخلصت شهري بعشر ايام

 

[ام الحلوااات]

اذا الـــرحــــم فـــــاااتـــح 1 ســــم شـــــربـــي كــــوبـــيـــن داااارســـــــيـــــن وتـــحـــمـــمــــي بـــمــــاي دافــــــيء وركـــزيـــه عـــلـــى الــظـــهـــر والــبــطـــن واللــــه يــهـــــووون عـــلــيـــج

 

[FJ style]

انا ولدت بثالث اسبوع من التاسع
ماكان فيني طلق (طبعا البجر غير ام العيال)

اللي يساعدج ان الدكتورة تفحصج كل يومين مثلا وتوسع لج شوي
انا سوت لي جذي وتحت معاي 3سم ورجعتني البي ورديت لها بعد يومين وسوت نفس العمليه وقالت انتي 3-4سم
ودخلتني جناح الولادة بدون طلق
ونطرت ماكو شي ويتني بعد شوي وبطت ماي الرحم وشوي الا الطلق يزيد والظاهر حطولي بالوريد طلق صناعي وبدت الولادة

انا اغلب ولاداتي ادش ومافيني ولادة
لان المشيمة تعتج والبيبي يكبر فبدال البهدلة اولد بالصناعي والتوسيع وبطة الماي

جربي

 

[**مناير**]

انا اليوم خلصت التاسع ورحت لدكتورتي ناهده طلعت مفتوحه سانتي واحد بس فقالت خل اسويلج توسعه وتولدين باجر احسن لج انا خفت بالبدايه فقالت تري نفس الشي احسن ماتنطرين اسبوع زياده وتاخذين طلق صناعي قلت اوكي وفحصتني وبلش معاي الطلق بسرررعه بس حدي خايفه لانه الطلق جا بسرعه واخاف الرحم مايتوسع الحين اكتبلكم وفيني طلووووق ادعولي بناات تكفون
بس احس انسدحت شوي وخف عن اول مو غريبه؟!
اشرب دارسين بنات والا لا؟؟!

 

[GaLbI t7aWaL]

يا قلبي والله ذكرتيني بحالي

انا خذيت اسبوعين من العاشر لسن حاشني طلق

 

[amami al-kuwai]

شربي الخروع وكثري مشي كثر ما تقدرين

الله يهون عليج

 

[auoma]

اذا تاكدتي ان الرحم مفتوح هذه الاشياء تزيد الطلق
حليب مع زنجبيل طري قطعي قطع صغيره وقطيه بالحليب او زيدي عليه زعفران
كف مريم اغليه شويه وصكري عليه وخليه بالقوري لي الصبح وبعدين شربي كوب واحد بس
خرووع ملعقه او ملعقتين مع عصير برتقال
وان شاء الله نفس اليوم تولدين
وطبعاً المشي والجماع لازم
انا مينونه جربتهم كلهم المره الي طافت كنت فاتحه٢سانتي
كل ساعه ونص اشرب خلطه والله بديت من ٥ العصر والله شاهد على كلامي الساعه ١١ بليل ولدت
بس بصراحه لو اهلي ماكانوا عندي زايرين جان ولدت بالبيت
لان كان فيني عوار بسيط حيل ومره وحده نزل الماي ومن بعدها حاشني عوار الي ما اقدر اتحرك
رحت الطواري فاتحه٥ سانتي وماطولت ساعتين ماشاءالله
اصلاً السسترات كلهم عند راسي مستغربين يسألوني انتي من متى فيج عوار وانا من الكمام قمت اقط
خيط وخيط الحمدلله الله ستر كانت صج عمليه انتحارررررررررريه

 

[حوررريه]

لا تسوين شي امشي بس لا تجازفين وتشربين اشياء متى ماحان وقته بتولدين ان شاء الله..

 

[الشوق ياخذني له]

الله يعطيكم العافيه يالغاليات
والله يسهل عليكم ويرزقكم بذريه الصالحه
توني راجعه من البحر وسويت لي دارسين والحين بشربه
والله يسهل علينا ومشكوررين