بنات نصيحتكم لاختكم الصغيره ماعندي احد يفيدني تكفون :)

[أمورته]

السلام عليييكم

شلووونكم شخباركم عساكم طيبين


بنات انا خطيبي طالب انه يكلمني وانا بصراحه حيل استحي وعندي اختبارات تخلص بدايه سته

واعتذرت من اهله الى مابعد الاختبارات

الحين هل تصرفي صحيح او لا ؟

والسوال الثاني باخذ رايكم انا ترا ماعندي اخوات متزوجات وانا اول وحده اتزوج بالبيت واخواتي اثنين اصغر مني بوايد مايعرفون شي وانا اعدكم حسبت اخواتي

خطي فيفا ودايما اهلي اذا طلعت ودقوا علي يطلع مغلق شوي جذي ويوصل لي مسج انه في احد داق
ودي اغير خطي الى زين اخاف اذا هو دق يطلع جذي فشله !! عباله انا مسكره جهازي

وانتم شرايكم والله احاتي واتفه الامور احاتيها

مساعدتكم لاخلا ولا عدم حبيباتي

رايكم يهمني :bbbiu:

ومشكورين
يارب كل وحده ردت علي بدعاء ولا بنصحيه حقق لها كل الي تمناه عاجلا غير اجل ياسميع ياعليم

 

[M!SS.LOBY]

موفقة

اعتقد ماله داعي هالمكالمات قبل الزواج وجهة نظري

 

[أمورته]

وانا اقول جذي بعد
بس انا اجلت الموضوع عشان ينسونه وان شاء الله يحددون العرس القريب
مااحب المكالمات واخاف منها صراحه !!

بس شالحل انا ابي حل
انا وياج مااحب المكالمات بس شقول لاخته؟!

 

[دلع24]

حاااولي تقوولين لهاا انا ضد اني اكلم اخووج هالحيين وشوفي شنوو ترد

واذا عن الخط عاادي انا خطي وطنيه وصيير معاي جذي اعتقد من الجوو

والله يرزقج ويوفقج يالغلاا

واذا كلش عند بيكلمج لاطولين معااه بالتيلفوون ولا تفتحين معااه اي مووضووع خليه هوو الي يبداا

 

[أم*سلمان]

آب

آب

آب

لعيونج

 

[طـفولية]

حبيبتي أمورته خطبة قصدج ( كتبتوا الكتاب ) ملجتوا يعني

اذا ملجتوا كلميه حبيبتي طيحوا الميانة قبل العرس حقه و طلعوا وروحوا وتعالوا بعد

اما اذا خطبة قصدج فيها ما قبل كتب الكتاب

لا ما انصح لا ما يجوز حبيبتي .. ليما الحين ما يحل عليج \

والله يوفقج يا رب

 

[تحب اختها]

لاتكلمينه حياتي ... واستخيري

 

[وش الدنيا بدونك]

ما أيد مكالمات قبل العرس


والله يوفقش حبيبتي ويسهل امورش

 

[مذهلة2013]

مالاداعي حبيبتي

ربي يوفقج

 

[Miss Minne]

اذا ملجتوا لازم تكلمينه اساسا علشان تعرفون بعض عدل

مو حلوه يوم العرس تشوفون بعض وتنصدمون ما تعرفون ولا شي عن بعض !!!!

هالشي يكسر رهبت الليلة هذي شوي اصلا

 

[قآنون كيفكـ!!]

المكالماات شي راجع لج سوي اللي يريحج
بالنسبة لخطج اكرة ماعندي سالفة تبديل الخطوط قبل العرس
عادي واذا دق عليج وحصلة مقفل قوليها من الشبكة مو من عندي

 

[أمورته]

جزاكم الله خير ع ردودكم
وكلمتها انا قلت بعدين باجل باجل
واشوف اذا ردت فتحت الموضوع بقول لها مااحب اكلمه قبل العرس واصلا انا استحي حيل خجوله للامانه :$

 

[شربـــات لـــوز]

الشي راجعلج حبيبتي تبين تكلمينه كلميه خو ريلج واذا انتي طبعج تستحين فالافضل انج ماتكلمينه

 

[كنت بجنون احبك]

حبيبتي هالشئ من حقه ومن حقج انتي بعد
بهالطريقة ممكن تعرفون اطباع بعض وهالشئ احسن لج
ودام فتره امتحانات مثل ماقلتي قوليله ان مابي شئ يشغلني بهالفتره ابي ادرس واشد حيلي ومااعتقد راح يماانع
واذا على سالفه الخط فعادي لا تحاتين مافيها شئ قوليله الصج ان خطي احيانا يعلق انا كانت تصير فيني ولي يومج هذا وحده عاادي
فكري بدراستج بهالفتره وشدي حيلج ولا تحاتين شئ خلي كل شئ يمشي مثل مامكتوب
الله يوفقج ويسهل دربج

 

[Jolyan]

انتي نفسي امورته استحي اكلمه
الله يوفقج و يتمم عليج و يسر امورج يا ربي

 

[احلام اليوسفي]

اول شي مبرووووووووووووووووووك ثاني شي الله يوفقك بأختباراتك والشي الاهم لازم اتعرفين شخصيته حاولي نقعينه اشوي وراها كلميه لازم تكتشفين شخصيته ممكن اتشوفين فيه سلبيات لا سمح الله اهو حقه وانتي حقك تعشون مرحله الخطبه بس حاولي اتكونين حيل حريصه لانها هلمرحله اختبار للطرفين بلنسبه والله يوفقك حبيبتي وانشاء الله يسعدك وتستاهلين الخير

 

[أمورته]

بعد قلبي كل الي ردوا ماتقصرون فديتكم
والله يكتب لكم بكل كلمه كتبتوها الاجر يالغوالي