بنات منو يدرس ابتدائي بنين ؟؟

[MisS *-* BMW]

السلام عليكم

شلونكم ابلات شخباركم ؟؟

قبل شوي راده من المنطقه وانصدمت حديييييي انه عطوني بنين !! وانا كنت متوقعه بناات

وبالميدااني درست بنات وتعاملت مع بنات واحس اناا كمعلمه تربيه فنيه ,, من ناحيه الافكار والاخراج ميولي بنااتيه اكثر ,, يعني سوالف اشغال فنيه مثل الجناط والاكسسوارات والشباصات والدمى والملابس التنانير

ومو حلوه ادرس صبيان واخليهم يسوون هل افكااار

واحسهم اشطن ويخرعووون اخاااف ينااقزون فووق رااسي بعدييين :\

فمنوو منكم بناات ادرس صبيااان ابتدااائي ؟؟؟ وشلوون تعاملج معااهم ؟؟؟ تحسين منو احسن البناات ولا الصبيااان ؟؟

واكون شاااكره لكم فديتكم :eh_s(11)::eh_s(7): والله يعيينااا اناا واايد متخوفه حيل مو شوي

 

[منال القلب]

هلا حبيبتي بي أم دبليو

وليش يضيق خلقج؟ واااي عاد الصبيان يهبلون اسمالله عليهم

صح انهم شطانة وحركيين بس انتي تقدرين تمسكينهم من أول حصة

الصبيان ترا وايد وايد يحبون الأبلة ويحطونهم فوق راسها ورا تكتشفين هالشي لما تندمجين وياهم..

كل الي عليج خلج حازمة

واستعملي

( الخزة القاتلة )

يعني أي حركة ما عجبتج قولي اسمه بصوت عالي وخزيه.. بس اهو يخاف..

الصبيان ماعندهم نحاسة وحقد والي بقلبهم على لسانهم يحبون يصيرون حمالي حق الأبلة ههههه

راح يعتبرونج مثل اختهم العودة >> إذا انتي عودتيهم على هالشي

ودامج أبلة رسم قولي لهم كل الي تبينه ويخطر ببالج وبالعكس ترا الصبيان بالأعمال الفنية يبدعون نفس البنات

واكثر بعد.. بالنسبة لي أشوف ان الصبيان والبنات نفس التعامل ونفس الشطانة ترا مافي فرق عادي ابدًا..

لا تخافين ولا شي استانسي..

 

[MisS *-* BMW]

هلا حبيبتي بي أم دبليو

وليش يضيق خلقج؟ واااي عاد الصبيان يهبلون اسمالله عليهم

صح انهم شطانة وحركيين بس انتي تقدرين تمسكينهم من أول حصة

الصبيان ترا وايد وايد يحبون الأبلة ويحطونهم فوق راسها ورا تكتشفين هالشي لما تندمجين وياهم..

كل الي عليج خلج حازمة

واستعملي

( الخزة القاتلة )

يعني أي حركة ما عجبتج قولي اسمه بصوت عالي وخزيه.. بس اهو يخاف..

الصبيان ماعندهم نحاسة وحقد والي بقلبهم على لسانهم يحبون يصيرون حمالي حق الأبلة ههههه

راح يعتبرونج مثل اختهم العودة >> إذا انتي عودتيهم على هالشي

ودامج أبلة رسم قولي لهم كل الي تبينه ويخطر ببالج وبالعكس ترا الصبيان بالأعمال الفنية يبدعون نفس البنات

واكثر بعد.. بالنسبة لي أشوف ان الصبيان والبنات نفس التعامل ونفس الشطانة ترا مافي فرق عادي ابدًا..

لا تخافين ولا شي استانسي..

ياابعد عمررري ربي يريحج دنياا واخره قولي امييييييييييييين:eh_s(17)::eh_s(17)::eh_s(17): ردج عن 100 رد واللللله ما شاء الله عليج

ما تقصريين فديتج ,, انا بالميدااني أول ما تعاملت مع البنات امبيه استخفيييت منهم شطانه بصوره مو طبيعيه ,, وبعدين ولله الحمد عرفت شلون اتعاامل معاهم .. شوي يبيلهم شد واحس اذا كلمتيهم وسايستيهم وفهمتيهم وحبيتهم صج ,, اهما راح يحبوونج واذا بس حبوووج يصيرون روووعه

من غير ما اقولهم بروحهم يبدعون واول ما يطق الجرس ركضه لي المرسم عندي .. الابلات باجي المواد يقولون لي انتي شمسويه فيهم يموتون على حصتج ..! قتلها اي لانها رسم جان تقول لأ الالعاب والموسيقى ما يسوون جذي ههههههههههه واستااانست حدي

واخر يوم بالميدااني صار مناااحه عندي بجي ورسااايل وهداياا هههههههههههههه فديتهم وللحين ما انساهم بنااتي اللي درستهم .. واحس حتى انا حنونه حيل على البنات بس الصبيان ما جربت والله ,, وطلع بالصدفه ولد اختي معاهم بالمدرسه طالب ههههههههههههههههه وقاعد يسولفلي عن شطاانه صفه :krkrkr: يااويلي يقوول نسوي مظاهرات بالمدرسه ..

(( الشعب يريد إسقاااط ابله ..... فلانه هههههههههههههههههههههههههههههههههه ))

 

[أنـوآر الـكويـت]

حبيبتي

انتي خريجه شنو جامعه او اساسيه؟
وتبع اي محافظه؟
لان محافظتنا ما علمونا بالمدرسه
قالو بعد الدوره

 

[zqertya]

انا ادرس صبيان وقبل بالميداني كنت بنات بالنسبه لي الصبيان احسن صج حركيين وشطانه بس تقدرين تمسكينهم عن طريق الخزه القاتله على قولة منال القلب هههههه وهم في حركه انج تمسكينه من بلوزته هني يسكت يخاف ويستحي من ربعه انتي عامليهم مثل الرياييل يستانسون انا جذي اعاملهم واذا غلط عطيه حجي يحس قوي انه غلطان ويتاسف بالنسبه لي يحبون حصتي لان بدنيه وانا كل ما ادش على ابلات الفنيه القى الصبيان والله هدوء مايسوون شطانه عاد انتي تدرين شتقولين لهم اذا تبين يحبون حصتج قوليلهم اذا صرتوا عجال وشطار بحصتي وخلصتوا شغلكم راح اطلعكم تلعبون كرة قدم الحصه اليايه او راح اخذكم احتياط واللي يتشيطان عاقبيه لا يلعب والله والله والله يموووووووووووووووووووتووووووووون على كرة القدم كل الابلااااااااااااااااااات المواد الثانيه يسووون جذي

انا عندي الصبيان احلى واحسن من البنات لا يدلعون ولا يحشوون خخخخخ بس لازم تكونين خشنه وياهم شوي ههههه ومو بس يصيرون حماليه مساكين والله كل شي تبين يسوين لج خخخ انتي اي منطقة تعليميه ؟؟

 

[بعيون مغليك]

والله انا صحت يوم دريت اني صبيان وسويت مناحه !! من لااااااااااااا شيء




يا حليلهم الصبيان اكشن ووناسه وتحسين بميانه وياهم يعني تطقينهم طبعا بضحك على كيفج لووووووووووووووووول

يتغشمرون معاج ويردون وناسه امبيه ورحت داومت كم يوم بالثانويه امبيه اكلمهم ولا وحده ترد علي جني وحده ما يشوفونها



لا والله انا رحت مدارس البنات غثيثات !!! والله اعلم صج ما درست الا متوسط بالميداني



بس لاني همن مدرسة غير اساسية فمرتاحه


وعندي مدرسات الفنيه ما اشوفهم متعبين نفسهم مع العيال يعني عادي هم الي يسون اشغالهم واحس حصصهم احتياط مو حصة



وبعدين موجهين البنين متسااااااااااااااهلين معانا حيل



تلقين الشين والزين فيه مرات توصلين حدج منهمم وحوسه وتكونين في وسط معركة بطرف ثانيه لوووووووووووول شيء عادي


استخيري ولا تدخلين على مكان وموعاجبج

 

[مطيريه ماركه]

يآويلي عنّج عن تجربة بنآت وصبيآن
آلصبيآن آحلـى صج دفشين شوي
بس بـ سرعة يحبون آلآبلة
لآ يضيق خلقج

 

[MisS *-* BMW]

حبيبتي

انتي خريجه شنو جامعه او اساسيه؟
وتبع اي محافظه؟
لان محافظتنا ما علمونا بالمدرسه
قالو بعد الدوره

لا انا تربيه اساااسيه

محافظه حولي

وقالت لي اي مدرسه ,, :rerrerek:

 

[أخت خالد]

لا بصراحه انا درست بنات وصبيان ونفسج فنيه عندي البنات احسن بواااااااااااااااااااايد لان بالمواد الاساسيه عقااااااااااااال لان عليها درجات اما مادتنا لا شااايطين ومافي انتاج بصراحه درست صبيان سنه وكانت اتعس سنه:eh_s(16)::eh_s(16)::eh_s(16):

 

[نجمة الشمال]

هههههه انحاشي
البنات افضل بوااايد
ادب واخلاق ويسمعون الكلام
كافي احبال الصوتيه مالتج ماتقطع

 

[MisS *-* BMW]

انا ادرس صبيان وقبل بالميداني كنت بنات بالنسبه لي الصبيان احسن صج حركيين وشطانه بس تقدرين تمسكينهم عن طريق الخزه القاتله على قولة منال القلب هههههه وهم في حركه انج تمسكينه من بلوزته هني يسكت يخاف ويستحي من ربعه انتي عامليهم مثل الرياييل يستانسون انا جذي اعاملهم واذا غلط عطيه حجي يحس قوي انه غلطان ويتاسف بالنسبه لي يحبون حصتي لان بدنيه وانا كل ما ادش على ابلات الفنيه القى الصبيان والله هدوء مايسوون شطانه عاد انتي تدرين شتقولين لهم اذا تبين يحبون حصتج قوليلهم اذا صرتوا عجال وشطار بحصتي وخلصتوا شغلكم راح اطلعكم تلعبون كرة قدم الحصه اليايه او راح اخذكم احتياط واللي يتشيطان عاقبيه لا يلعب والله والله والله يموووووووووووووووووووتووووووووون على كرة القدم كل الابلااااااااااااااااااات المواد الثانيه يسووون جذي

انا عندي الصبيان احلى واحسن من البنات لا يدلعون ولا يحشوون خخخخخ بس لازم تكونين خشنه وياهم شوي ههههه ومو بس يصيرون حماليه مساكين والله كل شي تبين يسوين لج خخخ انتي اي منطقة تعليميه ؟؟

ههههههههههههههههههههههههه زين شجعتيني خلاص ان شاء الله حجتي بكره القدم ههههههه والله يسهل عليناا يارب

اناااا بمحااافظه حولي

مشكوره ياعمري ما اتقصرييييييييييين

 

[MisS *-* BMW]

والله انا صحت يوم دريت اني صبيان وسويت مناحه !! من لااااااااااااا شيء




يا حليلهم الصبيان اكشن ووناسه وتحسين بميانه وياهم يعني تطقينهم طبعا بضحك على كيفج لووووووووووووووووول

يتغشمرون معاج ويردون وناسه امبيه ورحت داومت كم يوم بالثانويه امبيه اكلمهم ولا وحده ترد علي جني وحده ما يشوفونها



لا والله انا رحت مدارس البنات غثيثات !!! والله اعلم صج ما درست الا متوسط بالميداني



بس لاني همن مدرسة غير اساسية فمرتاحه


وعندي مدرسات الفنيه ما اشوفهم متعبين نفسهم مع العيال يعني عادي هم الي يسون اشغالهم واحس حصصهم احتياط مو حصة



وبعدين موجهين البنين متسااااااااااااااهلين معانا حيل



تلقين الشين والزين فيه مرات توصلين حدج منهمم وحوسه وتكونين في وسط معركة بطرف ثانيه لوووووووووووول شيء عادي


استخيري ولا تدخلين على مكان وموعاجبج

مو على كيفي اهما اجبروني اروووح اصبيااان ويمكن خيره من الله

والحمدالله يااااااااااااااااارب

 

[MisS *-* BMW]

يآويلي عنّج عن تجربة بنآت وصبيآن
آلصبيآن آحلـى صج دفشين شوي
بس بـ سرعة يحبون آلآبلة
لآ يضيق خلقج

وناااسه الحمدالله يارب ريحتووني بنااات الله يريح قلبكم :eh_s(17):

 

[MisS *-* BMW]

لا بصراحه انا درست بنات وصبيان ونفسج فنيه عندي البنات احسن بواااااااااااااااااااايد لان بالمواد الاساسيه عقااااااااااااال لان عليها درجات اما مادتنا لا شااايطين ومافي انتاج بصراحه درست صبيان سنه وكانت اتعس سنه:eh_s(16)::eh_s(16)::eh_s(16):

من صجج @@

يبوووي خرعتيني هههههههههههه توني ارتحت بس لا ان شاء الله رااح اقدر اسيطر عليهم ,,

بإذن الله ,,,

 

[MisS *-* BMW]

هههههه انحاشي
البنات افضل بوااايد
ادب واخلاق ويسمعون الكلام
كافي احبال الصوتيه مالتج ماتقطع

هههههه ,,

الله يعيييناااااااااا والله والله كريم ان شاء الله

 

[miss lulu]

انا جربت ميداني بنات ودرست بنين
الصراحه سواء البنات ولا البنين كل شي فيه مميزات وعيوب
البنات هاديين مهتمين بس مواذكياء مثل البنين وبعد دلوعين بس خزي ولا عصبي تبجي وتسوي قصة وفوق هذا مدارس البنات فيها شغل اووفر من ناحية جمال الممرات والانشطة والاذاعه فناتك عكس البنين يعطيها المعلمة خير اذا ضبطت حصتها وما يتطلبون ادارة مدرسة البنين كثر البنات اما عيوب البنين اووووو عدي وخربطي لا اتغشمر اكيد بداية السنة بتكرهين نفسج شطانه وحركة بس ماشالله عليهم اذكياء وبسرعه تجذبينهم وحبوبين مهما سويتي فيهم ما يحقدون يعني عادي جدا ورقة الامتحان تشوفين فيها طبعة الجوتي ههههههه مشي وطوفي

 

[مشغوله و محتاسه]

حبيبتي مبروك التعيين و الله يوفقج


انا من سنيييين انحطيت بنفس موقفج هذا ..

انصدمت اني بنين و انا كنت تربية عملية بنات
بس اللي خفف علي الصدمة ان عندي عيالي الله يخليهم صبيان يعني الوضع مو يديد حيل علي ... بس هم كنت احاتي .. عيالي تربية ايدي افهمهم و يفهموني .... عيال الناس شلوووووون ؟؟:eh_s(10):


و توكلت على الله و داومت ... و اكتشفت بمرور السنين ان الصبيان نعمه
و حلوين و شقردية يعجبونج ... اذا حسو الابله تحبهم .. يحبونها يموتون عليها

بخصوص تشجيعهم و تدريسهم .. مثل ما في شباصات و جناط و تنانير ..... في مقابلها سيارات و كور و دشاديش و وزار بعد هههه

و الصبيان ماشاء الله يبيضون الويه اذا حضر لج زائر بحصص متاخره .. يكونون نشيطين .. مو البنات .. من الحصة الخامسه ذابووو و نعسو

و مااااكو دلع ... ماكو امهات كل يوم تنط لج بسالفه سخيفه .... واااي ما انسى سالفه صارت مع رفيجة اختي ..... راحت لها ام تشتكي .. تقووووووول ليش تصرخ عالبنت اللي يم بنتي .. بنتي اخترعت @@ الله اكبر .. عيل لو مصرخين على بنتها شتسوي ؟؟ و معصبه من صجها :rgewrg:

اما التوجيه ... تلقين الموجه نفسه يفررررق بمدارس البنات عن البنين .... الله يذكرك بالخير يا استاذ سـ .. موجهي اول سنه ... كان يهبل .. حنون و طيب و يطووووف و طلباته بسيطه جدا .. انصدمت انه لعين مع ابلات البنات و مهما يسوون يقول لهم و شنو يعني ؟ انتو اتدرسون بنات بالعكس انا اتوقع منكم مستوى احسن ....... اما عندنا مدرسات البنين ... اول ما يتحجى يقول الله يعطيكم العافية ... يكفي انكم اتداومون كل يوم و تبذلون مجهود مع الصبيان



الخزة القاتلة مثل ما قالت منال ... علاج فتاك .. مصحوبة بلحظات صمت الى ان يقعد عدل التلميذ ... وان ما انتبه مثلا ... حطي القلم من ايدج و ربعي ايدينج و خززززي لين ينتبه .. وراح تلقين ربعه هم اخترعو و ينبهونه و الشي الزين شجعيهم عليه و كافئيهم اول بأول .. و اذا اضطريتي تعاقبين .. لا اتطقين لاي سبب

بس نصييييييييحة .... ابتعدي عن الصراخ ... ترا الصبيان مهما كانو صغار .. يفهمون ان الابله اذا صرخت يعني طلعت عن طورها و هذا معناه انهم استفزوها فالمشاغبين منهم يستانسووون و يحسون انهم منتصرين

عطيهم من هالحجي الحلو الولادي .. انت ريال ماشاء الله عليك .. عفيه البطل .. انت سوبرمان الصف .. روحي لابو اميه و جيلي ستيكرات ولاديه ..

طبعا ما اتوقع يعطونج لا اولى و لا خامس .. سواء كنتي تربوية او غير تربوية ... هالمرحلتين ما يعطونهم للجدد .. بس اذا حطوج بمرحله كبيره رابعه مثلا ... هني التعامل يختلف .. اول يوم لا تبتسمين و لا تعطين ويه بس لا تكشرين بنفس الوقت


الحين انا صارلي سنه رئيسة قسم بمدرسة بنات ... ما لاحظت فرق كبير بصراحه بالمستوى التعليمي ... بالعكس تاكدت ان الصبيان اذكى ... الصبي ما يدرس و اييب نتايج مثل البنت اللي امها مجابلتها .. عيل لو يدرس شوي شيطلع منه ؟؟
و الشطانه نفسها ... بنات مدرستي يدخلون الصفوف اللي يمهم و يقطعون الوسائل !! و لما يحطون على بعض .. مصيبه ينقلبون حريم كبار .. تلقين الحجي الغريب و الطنازه جنها مره مو ياهل ... انصدمت بصراحه و دقيت على رفيجاتي اللي ودهم بالبنات زفيتهم قلت على شنوووو تبونهم ؟؟



بالنهاية ما اقولج ان الصبيان الحياه عندهم ورديه و سهله ... لا والله تبي مجهود و تعب و طاااقه ... بس ارحم من ملاقة البنات و دلعهم و دلع اهاليهم و تعقيد التوجيه

سوري قرقت واايد ... بس الصبيان احبهم و اموت عليهم و حبيت اوضح رايي فيهم


الله يوفقج :eh_s(7):

 

[ام هزاع]

شوفي ياالطيبه

انا صارلي 5 سنين

اول سنه كنت صبيان وكنت كارهتهم

عقبها رحت بنات وصارلي الحين 4 سنين بنات


هناااااااااااااااااااااك فرررررررررررررررق


الصبيان اذكياء ومايفشلونج عند الضيوف ... ويحبونج من قلبهم

وفوق هذا

بس تطلعين من الحصه خلااااااااااااااااااص ... ماكو شغل الا التدريس وبس


اما البنات

دلع وبجي ... وعوااابه

وفوق هذا

برامج اذاعية حفلات معارض ورش عمل درووووس مسابقات و و و و و و و بلااااوي زرقا قطييييعه


والله بالصبيان كنت احضر بالويك اند واقعد طول الاسبوع مرتاحه حصتي وبس

اما البنات اطلع من الحصه ارررررررررركض اجمع البنات علشان ادربهم حق الرقصه والا حق البرنامج الاذاعي اللي جنه عرس ... وغير الفلوس اللي انقطها بالهبل


اه بس اه
\


ادعيلي الله يرزقني المدرسة اللي ابيها

 

[MisS *-* BMW]

يعطييييييييييييكم العااااااااافيه بناااااااات على الردووووود اللي تبرد الجبد واطيب الخااااااااطر

والحمدالله انااا الحين متهيئه للبنين وبكون قدها ان شاء الله ..

وبالنسبه للتوجيييييييه اهوا نفسه عند البنااات ولا يختلف ؟؟؟

 

[haneen_art]

سلام يام دبليو
انا بعد اليوم عطوني صبيان مع اني مثلك كنت ابي بنات وخايفه من الوضع

ويارب نقدر نضبط الوضع

بالتوفيق لنا جميعا يارب