بنات منو ولدت بآخر الثامن والبيبي ما حطوه بالحضانة؟؟؟

[Vanish_q8]

السلام عليكم
أنا قبل جم يوم حطيت موضوع انه طلع فيني تكلس بالمشيمة وانا باخر الثامن ، امس رحت حق الدكتورة وسوولي سونار تشخيصي مرة ثانية وطلع انه التكلس زاد بس الحمدلله الدم للحين يوصل طبيعي حق البيبي ، الحين الدكتورة عطتني موعد الأربعاء عشان تقررلي دخول ولادة قيصرية لانه خلاص ما تقدر تجازف اكثر ، بس المشكلة انه اليوم حركة البيبي يا دوووووب احس فيها يعني يتحرك بس خفيفة حيل وانا وايد قاعدة تحاتي ، بنات شوروا علي اروحلها وأقولها خلاص تولدني ؟؟؟
البيبي الحين وزنه تقريبا 2300 وأمس طقيت إبرة الرئة مرتين . يعني أقولها خلاص تولدني ؟ وانا بقالي 5 ايام وادش شهري ، أنزيم منو مثلي ولدت باخر الثامن ووزنه كان جذي تقريبا وما حطوه بالحضانة وكان البيبي سليم مافي شي؟؟؟؟؟؟

 

[توكلت على الله 22]

حبيبتي سمعي كلام الدكتورة لاتجازفين بالبيبي لاسمح الله يصير له شي

بعدين الاعمار بيد الله

يا ما ولدو بالسادس والسابع والثامن وعاشوووووووو

وجارتي ولدت ب10 رمضان باول اسبوع بالثامن وماشاء الله طلع بعد يومين وماحتاج حضانة

وعلى قولتها انها بكل عيالها باخر الثامن تولد ماتدخل التاسع

والله يسهل عليج ياااارب

 

[noona90]

توكلي على الله والله يقومك بالسلامة انتي والبيبي
انا ولدت توامي بالثامن والحمدلله مااحتاجوا للحضانه
مع ان وزنهم كان قليل جدا

 

[انجبر قلبي]

الله يقومج والبيبي بالسلاامه

 

[noof nasser]

اختي اولدت بثاني اسبوع من الثامن وماحطوا بحضانه بس طلع فيه بوصفار وحطوا بالجهاز مال الاشعه يومين او يوم وطلع واهلي قبل لاتولد عطوها ابرة الرئه

 

[@ام يوسف@]

الله يتمم عليج وتولدين بالسلامه

 

[^noonaa^]

حبيبتي انا ولدت باخر الثااامن يعني يومين وادش التاسع والحمدالله ما انحط البيبي بالشيشه والاهم من هذا انه يكون وزنه اكثر من كيلويين واذا اقل اعتقد لازم ينحط بالحضانه

 

[La t7atini]

ان شاء الله مايصير الا كل خير

اتوقع وزنة زين الحمدلله
وعادي شكثر اسمع يولدون قبل وقتهم

توكلي ع الله واستودعيه جنيينج
دام للحين وضعج تماام احسن من لاسمح الله تتعقد
الامور زيادة

 

[noo7a]

الله يحفظه لج
انا الي اعرفه ان كان وزن البيبي اكثر من كيلوين ما يحتاج يدخلونه الحضانه
و سمعي كلام دكتورتج اكيد اهي اخبر

 

[om MaRyooM]

كل وحده حسب حالتها
انا ببجري ولدت اول جم يوم بالتاسع وحطو مريوم بالحضانه ٥ ايام كان فيها بوصفار

ومرت خالتي ولدت مرتين باخر الثامن ومشاااه عيالها فوق٣ كيلوات
ومايحطونهم بالحضانه

والله يهون عليج انشالله