بنات منو مسويــة ليزك ..!

[•» عزتے تهينگ «]

مرحبا

بنات انا قريب بالاجازة ان شاءالله بسوووي عملـــيــــــة ليزك تعبت من لبس العدسات

كم مرة انسى ونام فيها عيوني التهبت :eh_s(16): وتحرقني حرق

ماعلينا

انا عندي انحراف بالنظر وابي اسوويها قريب ساعدوني منو سوتها وبكم واي دكتور تنصحوني فيه

انا من مــــكــــــــــــة

منتظرتكم ...........

 

[•» عزتے تهينگ «]

آآآآآآآآآآآب ووينكم

 

[$نرجس$]

رررررررررررررررررررفع

 

[أبلة فاتن]

انتي يعني بالسعودية ما ادري منو دكاترتكم كنت فدتج انشاءالله الاخوات يفيدونج

انا سويتها بكويت بس ما عندي انحراف مشاءالله بالعين


هو اهم شي تروحين طبيب شاطر وبسس الباقي يتسهل ما تاخذ منج العملية نص ساعه

وتشوفين عادي بس تلتزمين على القطرات وتهتمين تعليمات الدكتتور


بس اللي عندهم انحراف جنه ما يصير يسونها والله اعلم انتي فحصتي ؟؟


لان اذا ما يصير يقولج الدكتور ما يصير العملية


​

 

[اشلون يعني &]

العملية ماتعور ولا تطول تقريبا ربع ساعه.
الحمدالله
سويتها عند سامي الربيعه

 

[أبلة فاتن]

^ ^^

نفسي انا بعد عند سامي الربيعه

 

[•» عزتے تهينگ «]

مشكورين بنات

ابله فاتن الا قالي يصير بس يصير من 22 وطالع قالي تقدرين تسوينها
وخايفه منها بس ان شاءالله بتوكل على الله وبسوويها

بس بسألكم بعد مااسويها يعني عقب سنين يرجع الانحراف او ضعف النظر ولا خلاص ؟؟؟

 

[AL-NOR]

مشكورين بنات

ابله فاتن الا قالي يصير بس يصير من 22 وطالع قالي تقدرين تسوينها
وخايفه منها بس ان شاءالله بتوكل على الله وبسوويها

بس بسألكم بعد مااسويها يعني عقب سنين يرجع الانحراف او ضعف النظر ولا خلاص ؟؟؟

هلآ فيك ...
طبعآ اول شيء لا تفكري تسويهـأ بمكه .. في بجدهـ عيادات ممتازهـ وفيه بالرياض
راح اجيب لك الاسماء ..
بس رديت عليك ع السريع .. واقولك ان الليزك ماله وقت يعني يرجع فيه النظر زي ماكان ويرجع الانحراف . لالا.
الا بالاهمال وسوء التصرف ..
بعد العمليه يعطيك الدكتور نظاره وقطره ... < مثلا
القطره تداومي عليهـا لـ 6 اشهر تقريبا وعلى حسب حالتك
فـ لو اهملتي القطرهـ ولبس النظاره .. شيء طبيعي بتتعب حالتك لا سمح الله
وكل قصر النظر يتعالج ويرجع النظر 6/6
الا الانحراف .. فيه حالات يفيدهـأ وفيه حالات لآ
دام قالك الدكتور ينفع . اجل انتي من الحالات الايجابيه .. وماعندك مشاكل الحمدلله لا بالقرنيه
ولا بغيرهـ ..
ولــي رجعه هنآ
وعلى فكرهـ انا نفس حالتك بالضبط .. وباقي ماسويتهـأ .. مو عشان شيء
بسسسسس عشان حايسه بأسناني باقي .. تقويم وكذآ .. وصاروآ بسم الله ماشاء الله
( انا سعوديه ) راح افيدك ان شاء الله

 

[•» عزتے تهينگ «]

هلآ فيك ...
طبعآ اول شيء لا تفكري تسويهـأ بمكه .. في بجدهـ عيادات ممتازهـ وفيه بالرياض
راح اجيب لك الاسماء ..
بس رديت عليك ع السريع .. واقولك ان الليزك ماله وقت يعني يرجع فيه النظر زي ماكان ويرجع الانحراف . لالا.
الا بالاهمال وسوء التصرف ..
بعد العمليه يعطيك الدكتور نظاره وقطره ... < مثلا
القطره تداومي عليهـا لـ 6 اشهر تقريبا وعلى حسب حالتك
فـ لو اهملتي القطرهـ ولبس النظاره .. شيء طبيعي بتتعب حالتك لا سمح الله
وكل قصر النظر يتعالج ويرجع النظر 6/6
الا الانحراف .. فيه حالات يفيدهـأ وفيه حالات لآ
دام قالك الدكتور ينفع . اجل انتي من الحالات الايجابيه .. وماعندك مشاكل الحمدلله لا بالقرنيه
ولا بغيرهـ ..
ولــي رجعه هنآ
وعلى فكرهـ انا نفس حالتك بالضبط .. وباقي ماسويتهـأ .. مو عشان شيء
بسسسسس عشان حايسه بأسناني باقي .. تقويم وكذآ .. وصاروآ بسم الله ماشاء الله
( انا سعوديه ) راح افيدك ان شاء الله

ياقلبي ماتقصرين
لا ان شاءالله بلتزم تعبت اشوف كل شي مو واضح :eh_s(16):
والله خوفتيني شكلي بشووف عن كذا دكتور مو بس واحد
ان شاءالله نسويها وربك يسهل
يارب مايكون بعيد بجدة مشوااار وتعب >>>
عقبال ماتشلين التقوويم >> انا كنت مسوويته وشلته من 5 شهوراذا حابه اي معلومه انا حاضره :eh_s(17):

 

[AL-NOR]

هذي تجربــة وحدهـ اعرفهـا ..
لو قرأتي كلامهـا راح تفهمي بعض الاشياء في عملية ( الليزك ) انا جايبـه لك الكلام من موضوعهـا مباشرهـ

؛؛

1-ليزك
من حوالي 3 سنوات سويت عملية ليزك في عالم العيون في شارع التحلية ما اذكر اسم الدكتور
كان عندي ضعف حوالي 3.5 من 9 مو انحراف
لازم تكوني تاركه العدسات لمدة شهر قبل العملية
سويت فحوص للضعط العين و نسبة الجفاف و اشياء ثانية نسيتها صراحة ثم حدد موعد العملية
لازم تجين بدون ميك و يكون معك احد لو حبيت يدخل معك العمليات
انا جبت اخوي في الثانوي و جلسنا في الاستراحة نشرب كابتشينو و ننكت و لا كان فيه عملية

خبلة كنت اظن زي الاسنان طلعت عملية صدق وطبعا ما دخلوا اخوي علشان ما يخاف فخفت انا

اول شيء سووا لي فحص للعين اذا تتحمل العملية ثم بعد نصف ساعة دخلت غرفة العمليات
لازم تلبسين ملابس ساترة لانك بتلبسين لبس العمليات و قناع على الانف والفم و غطاء للشعر.

اول شيء ترقدين على سرير العمليات ثم يحط قطرة مخدرة في عينك _لان العملية بنج موضعي يعني حاسه بكل شيء_ وهذا اصعب شيء لازم ما ترمشين ولا تتحرك عضلة وحدة منك ، نفسيًا صعب لانك مع التوتر و جو العملية رغم عنك ببتوتر عضلات العين و تتحرك
حط الدكتور بعد القطرة المخدرة العدسات الي تننظم العملية و كان يكلمني ويقول بان اغلب العملية راح و انه مبسوط مني لاني ما اتحرك و لازم اناظر بنفس الشيء وانا مدري وش السالفة بس الحمد لله توجيهاته خلتني اكثر ثقة و تحكم في نفسي، لاحظوا بان العملية كانت بنج موضوعي و في العين وانا واعية تماما فكان صعب علي نفسيا احافظ على هدوءي و هذا غلط ، العمليات مثل هالنوع جزء منها مسؤولية المريض حركة توتر منك تفشل العملية.
علشان كذا لازم تكوني صريحة مع الدكتور و تتكلمين عن مخاوفك ويكون ذكي ويعطي توجيهات في الوقت الصح.
قلت له باني خايفة من لحظة الليزر يجي في عيني قال مارح تحسين بشيء وانه زي اللمبة العادية بس ناظري فيها ولا ترمشين
لما جاء الليزر رمشت مرة في وحدة من العيون من الخوف فوقف الليزر و نبهني لهذا الشيء
انا بطبعي كنت اظن اقدر اسيطر على نفسي و اظهر قدام الناس قوية و هادية و هذا الشي طورته في شغلي لكن من جووا طبعا متوترة، فلو كنت زيي انتبهي.
العملية ما خذت الا 10 دقائق تقريبًا طلعت و خذت نظارة شمسية ولبستها في الليل
و 3 قطرات وحدة ترطيب كل ساعة و 2 مضاد حيوي، في عيني كانوا حاطين عدسات ما تحسين فيها لانها تحمي الجرح، اتوقع من بكرة رحت و شالوها لي.
الالم كان موجود طول الوقت لمدة 3 ايام تقريبا و ما اقدر لا اقرا ولا اتفرج على التلفزيون او الانترنت ، و طبعا طول الوقت كنت حاطه النظارة الشمسية في البيت و البس عند النوم غطاء للعيون شريته من كليز علشان ما يجي العين شي.
ولازم ما يجي العين شيء موية وكذا علشان كذا لو قدرت تسوين العملية في الفترة الي ما تصلين فيها يكون احسن

بعد اسبوع قدرت احط ميك و خف الالم و استمريت حوالي شهر في استعمال القطرات، لكن مازلت استمر في استعمال القطرة المرطبة و النظارة الشمسية،
الحمد لله الان ارتحت من العدسات و من النظارة ونظري صار تمام
قالوا لي احاول ما استعمل عدسات تجميلة كثير علشان جفاف العين و حساسيتها .
الوقت الانسب للعملية: الافضل يكون في الاجازة، حتى ما تحتاجين تطلعين او تنتبهين لشيء
تقييمي للعملية : 8/10 وانصح فيها بالذات للي عندهم ضعف ويكون عمرهم فوق 21، بشرط يكون الدكتور كويس و معروف، و تكوني قوية اعصاب و قادرة على تحمل جو العملية، والاهم اتركي العدسات اكبر فترة ممكنة قبل العملية و بعدها.

 

[AL-NOR]

وهذي الاخطاء الــي انصح كل البنات مايسسونهـأ .. ( في عملية الليزك ) ؛؛

برضو موضوع بنـــت .. الله يعينهـا كاتبهـ مشكلتهـا مع الليزك ..

بعد مانجحت عمليتهـا .. سوت اخطاء كبيرهـ ..



سويت اخطأ ...كثيره علشان خاطر الناس وعلشان رغباتي

دمرت لي النتايج الحلوه اللي المفروض اني محافظه عليها

الأخطأ واللي انصح كل وحده تتفادها ...

1- ماقدرت استغني عن القراءة ..كنت اجهد نفسي واقرأ ..>>تقولون بتنقرض الكتب

2- اذا طلعت لمكان عام ..اخاف من كلام الناس على النظارة الشمسيه وتريقتهم ...

لان نظراتهم موب ذاك الزود

ولاكنت ألبسها ..وحتى لما كنت اروح للسوق ..قال اخوي وييييييي فشله النظاره مع النقاب

ونزلتها

3- بديت مااهتم لخروجي للشمس وتعرضي للحرارة ..كنت ادخل المطبخ ولا اهتم ...

4- بديت اترك الغطأ الليلي ..

والنتيجه

تراجع نظري للوراء ..صرت اصحى اوقات مااشوف زين ...اذا نمت على جهه الاقي عيني بالجهة هذيك مو مضبوطه

تخيلوا وصلت لدرجة جاء يوم مو شايفه ابد الا تشويش ..

انهبلت وطار قلبي

مسكت جوالي وانا مااشوف بس معتمده على حفظي للأرقام ودقيت على الدكتور وشوي واصيح

قلت له كيت وكيت ..قال هدي شوي ..وحطي قطره وارجعي نامي او على الأقل قفلي عيونك ربع ساعه

وسويت اللي قال والحمدلله ...

ومره توظفت مؤقتا وذاك اليوم وحده من عيوني مو مضبوطه ابد مااشوف فيها الا تشويش

مااهتميت قلت يمكن لو اقفل عيوني مسافة الطريق ربع ساعه ترجع تتعدل ...

وصلت الدوام ودخلت الكلاس وعجزت اركز بشيء مو قادره اشوف المتدربات حتى هم لاحظوا

اني مو قادره اركز لا على كلامي ولا على شيء ثاني
وكأني بغيت ادوخ

اللحين كملت سنه و خمس شهور من سويتها وللحين نظري يروح ويجي مو كل مره اشوف زين

والحمدلله على كل حال

يابنات نصيحه لوجه الله...
اللي تغامر وتسوي شيء عملية ليزك او ليزر او اي شيء تهتم للآخر مو تتكاسل

 

[AL-NOR]

ياقلبي ماتقصرين
لا ان شاءالله بلتزم تعبت اشوف كل شي مو واضح :eh_s(16):
والله خوفتيني شكلي بشووف عن كذا دكتور مو بس واحد
ان شاءالله نسويها وربك يسهل
يارب مايكون بعيد بجدة مشوااار وتعب >>>
عقبال ماتشلين التقوويم >> انا كنت مسوويته وشلته من 5 شهوراذا حابه اي معلومه انا حاضره :eh_s(17):

تسلمــــــــــي / اكيد مابستغني عنك _^

 

[فرزاشيهـ]

انا عندي انحراف نظر و في فرق بين انحراف النظر و انحراف العين النظر الضوء ينحرف فيها شوي اما العين ف العين تنحرف يعني تروغ .,سويتها بالالماني و عادي اهم شي تكونين فوق ال18 .,و يعطيج مضاد و قطره و تلبسين نظاره اسسبوع و بس مو سالفه طويلة ترا

 

[Eva-SS]

انا عندي انحراف وسويت ليزك

يصير بس دوري لج دكتور شاطر .. ماعرف بالسعودية دكاتره بس انا سويت ليزك بدار الشفا

وسويناها بنفس اليوم انا واختي اختي قالها ينفع لها ليرز وانا ليزك وكلنا فينا انحراف بس اهيا حالتها معقدة اكثر .. انا ماكنت البس نظارات ولا عدسات يعني كان مستوى نظري متوسط

اختي دشت قبلي وحطولها بنج موضعي بس كانت خايفة وترجف فطلوعها وطلب الدكتور يعطونها حبوب مهدئه .. انا كنت شجاعة ما خفت بس على البنج الموضعي

واهي اساسًا مو عملية برسيجر بسيط يعني ياخذ 10 دقايق وانتي واعية بس بنج موضعي قطرات بالعين

 

[•» عزتے تهينگ «]

مشكورييييييييييييين ماقصرتوا بنات ريحتوني

 

[q8dvd2000]

uppppppppppppp