بنات منو سوت استقبال ولادتها بقاعة الجوري ولا الجاردينيا؟؟؟؟

[أبله هنوف]

حبيباتي صج سعر القاعة بدون سعر طقم الضيافة( استكانات- فناجين - قلاصات الماء - وقلاصات العصير )
الجوري 500 دينار
حفل استقبال ليوم كامل السعر يشمل
خدمت المضيفات عدد3 ، والمشروبات ( قهوه عربية، شاي، ماء)
بالاضافة الى الموالح الخفيفة والبسكويت لضيافة 100 شخص


الجاردينيا 700 دينار
حفل استقبال ليوم كامل السعر يشمل خدمة المضيفات عدد4 ،
والمشروبات( قهوه عربية ، شاي، ماء، العصائر الطازجة )
بالاضافة الى الموالح الخفيفة والبسكويت لضيافة 100 شخص


كل هذا بدون طقم للضيافة والله غريبة

 

[@ام يوسف@]

اااااااااااااااب

 

[معزوفه حنين]

اب

 

[ام الحلوااات]

اااااااااااااااب

 

[ام فوااز]

امبلى حبيبتي اللي اعرفه منهم
انا ماخذيت بصراحه القاعه بس ناويه اخذها بولاتي هالمره ان شالله
اللي اعرفه ان منهم واذا تبين اتييبين انتي حره بس اطقهم حلوة
انتي بس عليج حلو القهوة تيبينه

 

[ام ساره 4]

ماعندي فكره

 

[أبله هنوف]

مشكوره ام فوازوالله أنا وحدة قالتلي عندهم
بس أجار أحسابهم غير سعر القاعة ٥٠ دينار لليوم
والله ماني مصدقه قاطه كل هذا وأشتري طقم ضيافة بعد

 

[أبله هنوف]

رفع

 

[naseem]

كيف يعني تسوين استقبال بقاعه !!

تقصدين بعد الولاده علي طول تروحين القاعه!

الزياره تكون هناك !!

كل معارفك بيجونك بيوم واحد !! وبعدين ما احد يجيك او كيييييييف >>> اعذريني صراحه مافهمت او مره اعرف كذا

 

[زبــــــــدة]

توني رايحه استقبال بقاعه الجوري

وايد حلوة ... والضيافه حلوة بعد ...

بس ليش ماتاخذين غرفه كبيرة وخلاص ليش قاعه ؟؟

 

["*آآآنؤؤؤقهـ*"]

اي اعرف وحده من جماعتنا
سوت فيها استقبالها وكلفت كلها عليها ٢٥٠٠ كل شي عليهم

ماعادا كفرها ...

اي ولادتها قيصري ...

 

[أبله هنوف]

مرحبا حبيبتي Naseem بعد الولادة وعقب ما ارتاح
ويوم طلعتي من المستشفى اروح القاعه فيها سرير للوالدة
وهناك استقبل الضيوف

 

[كلي لكـ]

اللي اعرفه ان كل شي عليهم
الافضل ادقين تسإلينهم

 

[ام فوااز]

معقوله أجار دقي بنفسج سألي احسن
عيل تشترين احسن على الاقل تاخذينه معاج البيت وتستعملينه طول فترة اربعينج
بس الي اعرفه منهم تدفعين حساب القاعه والطقم منهم استفسري منهم افضل

 

[أم علّولو]

حبيبتي الضيافه منهم بس طقم الاستكانات والفناجين تييبينه معاج واذا تبين منهم تأجرينه اتوقع ب٣٠

في وحدة اسمها عبير اهيا المسئوله دقي عليها كلميها

 

[أبله هنوف]

شكرًا ( كلي لك، و ام علولو) على الرد

حبيباتي دقيت اليوم عبير اطلعت من عندهم
إلى موجوده وحده فلبينيه اسمها روز
سألتها وقالت فيه ٣ انواع لأطقم الضيافة
أجار باليوم فيه ب ٣٠ ، ٤٠ ، ٥٠
وإذ ما تبين اتأجرين من عندهم حتى مطاطير القهوه
انتي اتيبينهم فاضين وصواني تقديم حق الجاي والماي والعصير وصينيه عشان أحطون فيها الموالح لان الموالح عندهم اقدمونها بعلب صغيره كل حبه بروح فيحتاجون بصينيه