رد: بنات منو دعت الله انه يحقق لها شغلة مستحيلة تصير وصارت بفضل ربي
انا الحمدلله مليون مرة تقريبا اغلب دعواتي الله استجابها لي من بعد هدايته لي
حتى من ضمن دعواتي ان قلت يارب يكون رمضان 30 يوم .. وشوفي بعدها طلع خبر شك ان رمضان كان لازم 30 يوم
.. ومن ضمن دعواتي ان امي كانت تتألم في رمضان .. ودعيت ربي ان مايكمل رمضان الا والله يشفيها والحمدلله قبل مايخلص رمضان خف الالم وااااااايد والحين امي مرتاحة اكثر من قبل الحمدلله .. وغيرها وايد .. وان شاءالله اذا صارت امنيات اكبر ماراح ابخل عليج
والشي الي اسويه :
دايما اقوم قيام الليل واستغفر ربي الف مرة باليوم واسوي طريقة الشيخ المشيقح وما اترك صلاة النوافل ( السنة ) واذكر ربي وايد واتصدق كثر ما اقدر .. ودوووووووم ادعيه من كل قلبي في السجود في قيام الليل ..بعد الصلاة .. بين الاذان والاقامة يعني كل اوقات الاستجابة تقريبا .. وبعد كل ما القى عائق يضايقني بخصوص دعواتي على طول اروح ادعي واصيح والحمدلله الله كريم رحيم يستحي ان يرد دعوة عبد رفع يده له .. واول واخر شي التفاااااؤل وحسن الظن بالله
دايما في دعائج قولي يارب انا ادري وواثقة انك راح تستجيب لي دعائي قريبا فللك الحمد والشكر يارب .. صدقيني راح تبرمجين مخج في نفس الوقت انج قاعدة تعيشين لحظة تحقيق دعائج بإذن الله الله ماراح يرد دعائج اذا كان دعاء مع الالحاح
مسامحة طولت عليج بس هذي تجربتي وانا الحين انطر شي شبه مستحيل عند الناس بس وايد وايد متفائلة وعندي حسن ظن بالله وثقة كبيرة انه راح يتحقق لي جرييييييييب مع ان اهلي يقولون ماراح يصير بس ماعليج من اي كلام انسان حتى لو كانت امج .. خلي ثقتج بالله كبيرة ولاتنسين ان الله معاج طول الوقت
واخيرا يارب الله يحقق الي في بالج عاجل غير اجل ويحقق لجميع المسلمين والمسلمات قريبا ويفرحههم ان شاءالله
تحياتي
