بنات منو جربت دكتور تم الحمل بعد علاجه

[بدون هويه]

عفيه بنات منو ترشحون دكتور او دكتوره شاطره للحمل انا رحت دار الشفا قسم الحمل مو الدكتور الانجليزيى العربي وسوى لى فحص كامل يالله يتكلم الدكتور ونفسه خايسه قال لى اكل فوليك اسيد وهذا انا عليه وهم زوجي سوى فوحوصات طلع سليم اللهم لك الحمد

منو ترشحون اروح له ؟؟؟ بانتظار ردودكم

 

[جـنان]

روحي عند دكتورة ماجده اليتامي عندج وايد شاطره او دكتورة هدى الزكري وايد شطار مشالله عليهم بهالسوالف

 

[درابيل وحليب]

على حسب حالتج حبيبي

اذا تحتاجين تضبيط هرمونات روحي حق احمد الانصاري
او تكيس روحي فوزية القطان

اذا ريلج فيه ضعف تروحين حق اختصاصي بالذكورة

اشهر ثلاثة:
فوزية القطان
باترك
منصور العرف

هذولي كل مكان اسمع فيهم مع انه ولا واحد رايحتله

شوفي اذا لقيتي اسم دكتور حطي بسيرتش القووقل وشوفي الناس شقوولون عنه

 

[@@@ام حمووودي@@@]

آنا حملت من بعد عشر سنواااااااااااات زواااااااااااج

ولله الحمد على نعمه ..........

بفضل الله ثم بفضل الدكتور عماد غزاوي

 

[Amory]

آنا حملت بعد سنوات طويله من العلاج جربت اغلبية الاطبه بالكويت وبديت مشواري ابدار الشفاء بعدين وبعدين فوزيه القطان وماجده اليتامى و مستشفى الصباح وجربت طيبه كلينك


آآآآآآخر شي


حملت


ابمستشفى لندن عند د.باترك

 

[Emanova]

حبيبتي مو الدكتور اللي يخليج تحملين ...اول الله و الله يحط الاسباب ..الدكتور مجرد وسيله الله كتبها لج علشان الرزقه اللي يبي يعطيج اياها ...

ادعي ربج ان يسخر لج افضل دكتور و يسهل امورج و ريح قلبج ...و الله الرزاق الكريم

 

[الفنانه79]

اولا الحماااااااااااال من الله سبحانه

لكن الدكتور سبب فقط

انا اول مره عالجت وحملت عن الدكتوره معصومه مخصيد وثاني مره نفس الشي عندها بس ماتم الحمل واثالث مره بعد عن دكتوره معصوووومه والحين الحمدلله حامل الله يتمم علي

وعلاجي كان ابر وتفجير واستغفاااااااااااار وصلاة الحاجه وادعيه (هذا علاجي )

والدكتوووووره معصوووومه ممتاااااااااااااازه انهبل بكل شي

واول وتالي ترى الدكتور نفسيه يعني اذا رحتي عند دكتور موووحااااااااابته ماراح اتحملين عنده لان نفسيتج مومرتاحتله والنفسيه تلعب دووووووور بالحمال

وانا عن نفسي مااااااااااااااااااااأغير دكتوره معصومه لو شنووو

ويااااااااارب الله يرزقج عاجلا غير آآآآجلا

 

[مبدعة]

حبيبتي قبل لا تلجأين للدكتور و اتدورين الزين منهم لازم تحطين في بالج ان الله هو اللي يرزق لا هالدكتور و لا هالدكتورة ودام توكلج على الدكتور مو على الله فما راح تنولين اللي في بالج هذا اول شي حبيت اقوله لج

الشي الثاني .. النفسية لها اثر كبير كبير كبير في هالموضوع انا قبل ما كنت اصدق هالكلام و اقول لهم مو معقوله شلون ما افكر و شلون يعني لو فكرت ما حملت وفعلا شفت هالشي في عيني و صار لي بالضبط

في فترة علاجي كنت كل ما عالجت حاطه في بالي هالشهر انا حامل و ليش اصلا ما احمل وانا التحاليل تقول اني سلمية و ريلي سليم و كل مرة تكون النتيجة سالبه

في اخر فترة لزمت الاستغفار بس لدرجة اني كل ما سرحت اتذكر الاستعفار و استغفر ووكلت امري لله و قلت يارب ان كنت تعلم ان حملي وعلاجي فيه خير لي فيسر لي اياه وان كان غير ذلك فاصرفني و من كثر ما كنت شايله الفكرة من بالي لاني جربت ومليت سبحان الله الله تمم لي الحمل في هالشهر اللي لزمت فيه الاستغفار

الكلام حبيبتي مو لج بس انتي واااايد بنات اشوفهم في تاخر الانجاب توكلهم على الدكتور فلان و فلنتان و نسوا ان الرزاق رب الارباب

يا ما اعرف بنات عالجوا عند دكاترة والله ما تعرفونهم لو اقول لكم اساميهم حتى عياداتهم في اماكن نائية بس لان توكلهم على الله و نفسيتهم عاليه ربي رزقهم بتوائم مو طفل واحد

الله يرزقج و يطعمج يارب و يرزق كل من يتمنى

 

[درابيل وحليب]

حلو موضوعج ياليت يثبتونه

 

[دنياالوله]

انا والله يااختي انا حملت بعد علاج عند الدكتور منصور العرف
ماشاء الله عليه حده الدكتور شاطر
وانا رحت بعد ما مدحته لي بنت عمي كان فيها ضعف ويابت بنتين توأم الله يحفظهم
ورفيجتي سعوديه كانت تعالج بمستشفى سعد
ومافادوها
ولما يت حق الدكتور منصور قال لها العجز في زوجج وايد
وتصدقين كاان نفس كلام بلجيكا
وصحيح هذا الشي من الله
بس دامج دافعه دافعه دفعي على واحد شاطر
وفاهم والدكتور منصور معروف على مستوى الخليج مو بس الكويت
والله يوفقج

 

[دانتي]

الله يوفقج حبيبتي انصحج بالدكتوره ماجده اليتامى ممتازه جدا وشاطره

 

[انا كويتية]

تبين دكتور عبقري عبقري روحي لحمد الصفيان بالرياض وعنده فرع بالشرقية

 

[الحــــــلا كله]

منصور العرف بنات وين عيادته

 

[.>حــــــــ(و)ـــراء<.]

منصور العرف عنده مستشفى كامل اسمه مستشفى العرف بمنطقة الجهرا :tek:

 

[أحلى حمامة]

اولا الحماااااااااااال من الله سبحانه

لكن الدكتور سبب فقط وانتي تبذلين سبب فقط واذا تبين دكتورة شاطرة عندج فوزية القطان

 

[رايقة1980]

خوش موضوع


لو تكتبون عند كل دكتور .. وين مكانه؟

 

[دلووعتك]

اله يوفقج حبيبتي ويرزقج ان شاء الله...انا شكثر سمعت عن الدكتور منصور العرف وماجدة اليتامي انهم احسن شي بهالسوالف...

وعليج بالاستغفار حبيبتي....

 

[المحاميه]

دكتوره سلوى الرفاعي استشارية امراض نساء وولاده

 

[كويتيه مذهله 87]

انا أقول الأرزاق بيد الله
شفتي ردود البنات كل وحده دكتور غير طبعا أحنا نكسب تجاربهم صج الدكتور وسيله بس بيدالله الحمال وانا وحده ماستفدت من ولا دكتوره راجعت عندها نصهم همهم الفلوس
بس كثره الاستغفار والصدقه أحسن من الادويه أذا أنتي وريلج سليمين والحاله النفسيه تلعب دور

 

[بدون هويه]

فى البدايه اشكر البنات اللى كتبو لى تجاربهم والدكاتره اللى جربوهم لان فيه دكاتره شاطره وفيه وسط لما طرحت الموضوع هدفي ان اعرف منو الدكتور الشاطر و ما اعتقد ولا وحده فينا ايمانها بالدكتور ولا محتاجين هذى التعليقات لانا ندرى الرازق الله سبحانه وتعالى وحده اذا اراد لشي يكون سوف يكون والايمان به لكن كلنا ندرى ان العبد يسعى اذا بغى شي والله يسعى معى سواء بالسؤال او بالبحث او باى طريقه ثانيه معنا سؤالى مو انى لما طرحته مو مافيه ايمان بالله وتوكل عليه انتو حسستو الوحده ان ايمانها بالدكتور مو بالله 0

اتمنى من كل اخت اهنى لما يطرح سؤال اذا تعرف الاجابه تجاوب ما تعرفها تترك المجال لغيرها لان الحمد لله كلنا مسلمين وعارفين من مدبر الامور وشنو على العبد عمله بالسر والجهر بعد الاتكال على الله والاستغفار والدعاء للنفس يجي دور السؤال للخوات مو شرط لما نبي نسأل عن شغله نكتب التفاصيل يعنى نبدى نشرح بنات ترى انا دعيت واستغفرت وصليت والحين ابى منكم تجاربكم اعتقد فهمتو قصدى عدل ودمت سالمين