بنات منو جربت الابر عند الدكتور ماجد التقي؟

[حلم ميت]

بنات شرايكم في الابر لتنحيف الانف . منو جربتها
سمعت انها تذوب الدهون وانا خشمي نصه دهون بالذات اذا جلست من النوم يصبر شكبره :eh_s(2):

الي جربت هالابر عند الدكتور ماجد التقي ياليت تسدح تجربتها
وكم جلسة عاده تكون؟ ومفعوله كيف يضل ؟

 

[quietone]

السلام عليكم


انا جربت ابر تذويب الدهون ﻻن جلدي سميك ودهني ... جربتهم عند دكتور ماجد تقي الابره سعرها 30 دينار وكل شهر مرا يقزج لين 6 او 7 مرات وبعدين خلاص .....

طبعا اذا رحتي وشاف خشمج اول شي بيقولج عن كل العيوب الي فيج والابر الي تحتاجينها ... ﻻ تسمعين طنشي ﻻن انا ويهي ما فيه شي قالي احتاج ابر وايد حسسني اني عيوز وفي ابره ثانيه حق الخشم الي ترفع الخشم وترسمه هم بيقولج عنها بعد .... بس نصيحه شفت وحده مسويتها ومتغير خشمها رسمته حلوه بس كبير مو حلو ......


طبعا الدكتور حيل محترم وحبوب ومريح .... بس انا ما انصحج بالابر كلشششششششششش نصيحه اختي ... ولما قلت حق الدكتور عنهم الابر وشاف مكان الحفره قال عشان جذي انا ما انصح بهل ابر كلشششششش

انا قزيتهم 3 مرات وسبب لي حفره بخشمي واضحه مكان الابره ازمت نفسيتي ... لين رحت سويت عمليه عند دكتور خالد الصبيح وقالي هل ابر ما انصح فيهم ...

بالتوفيج حبوبه

 

[حلم ميت]

وعليكم السلام

طيب حبيبتي في كل جلسة كم نسبة التغير في الخشم؟
مثلا لو اسوي جلسة وحده تحسين يبين التغير نوعاما؟
صعبة حييل كل شهر اضرب مشوار للكويت واخذ الابر لانها مب موجوده عندنا بالسعودية

ادري ان العملية افضل بواجد بس لان مجبورة اسوي الابر الحين على قولتهم مجبر اخاك لابطل

 

[لووونا]

اعرف وحده مسوياهم عنده والنتيجه واااااااو اتيينن تغيرت طبعا للاحلى

 

[حلم ميت]

اعرف وحده مسوياهم عنده والنتيجه واااااااو اتيينن تغيرت طبعا للاحلى

زين يعني الحمد لله تبين النتيجة واضحة