بنات منو تعيين يديد وبتباشر دوامها عقب العيد ؟ شنو شعوركم :)

[:: سمر ::]

منو مثلي ؟ انا تعيين يديد تعينت شهر 7 اداريه وحاشتني عطلة الصيف فمن جذي مباشرة العمل بتصير بشهر 9
منو مثلي وشنو شعورج دام باجيلنا شهر وشي عالمباشرة
عن نفسي مستانسه الحمدالله وحيل متشوقه عالدوام بس هم خايفه شوي من جو البنات والموظفات
انتوا شرايكم بنات الي قربت مباشرتها بالدوام شنو شعورها ؟؟ خنتشارك ​

 

[fri2010]

انا تعينت معلمه بس ما ادري متى مباشره العمل 8 والا 9

بس حدي متحمسه لهالوظيفه مع اني قبل كنت ما احبها

وان شاء الله خير

 

[:: سمر ::]

الله يوفقج حبيبتي ان شاءاالله حماسج ماينطفي عالوظيفة
لاتحاتين ان شاءاالله سهالات وترتاحين بمكانج

انا من الخبة عالوظيفه جهزت وايد بدل وملافع بدش بقوة
عسى جهزتيلج جم شغله تستفتحين فيها دوامج ؟​

 

[fri2010]

اجمعين يارب

ان شاء الله

اي والله جهزت اصلا سافرت عشان اجهز من اهناك

بس مشكلتي اني ما احب البس لا تنانير ولا عبي :/

 

[:: سمر ::]

انا مثلج ترا ما اواطن العبي والتنانير
حتى ماشريت ولا عباة للدوام
لاتحاتين في وايد مدارس يرضون بالبنطرونات
انا تجهيزي كله قمصان طوال وجينزات لوووول كيفهم اذا موعاجبهم الادارة يطقون راسهم بالطوف

<< قوية

والله يعني احس موغصب السالفه موعلى كيفهم الادارة يحددونلنا شنلبس وشنخلي
الله يستر منهم

 

[fri2010]

اشدراني

واذا قلتي لهم يقولون لج نخاف البنات يتأثرون من المعلمه!

على قولت ذكريات منو الحين يلبس تنانير شخباري

 

[:: سمر ::]

واااااي عليهم جنه البنات ناطرين يتأثرون من الابلات !
تأثروا وخلصوا من هالنت والمسلسلات والبي بي والايفون والمادري شنو
مو رادة عالابلات فقاره وحتى التنانير مو عمليه بالحركة بالله شلون هالابله تدابج من صف لي صف بتنوره ! والعبي يخمون الوصخ وشكلهم كئيب داخل المدرسه
لا ان شاءالله نطيح بإدارات زينه ونلبس الي يعجبنا
ترا شكله ماكو تعيين يديد غيري انا وياج لوول

 

[fri2010]

ايه والله عدل كلامج وانا قلت اذا كلش كلش بفصل لي عبي امري لله شسوي بعد ولا البس تنوره

ان شاء الله الله يسمع منج

والله في بس ما ادري من بدا الرمضان ما قمت اشوف احد

 

[:: سمر ::]

حبيبتي والله fri2010 وايد استانست بردودج منورة الموضوع كله آمانه لاتقاطعينا :eh_s(7):
والبنات شكلهم لاهين برمضان الله يتممه لنا على خير ويفرحنا بالإدارات الزينه والاماكن السنعه قولي آمين ​

 

[ذكريات عشاق]

مسسساء الخير بنات
وانا بعد معاكم معلمة وتعيين جديد والمباسرة انشالله مثل فراي ياشهر 8 او 9 للحين ماقالوا لنا

ومن ناحيه التجهيز انا متعوده على العبي من ايام الجامعه وارتاح لها ححيل
وفصلت لي جم عبايه والبدلات قلت باجل لما اشوف شنو نظام المدرسة والناظرة

وصح والله التنانير ويع قديمة واحس مو حلوة
الحين اكثر شي هابين فيه النفانيف الطويلة مع التونزات هم حلوة والا شرايكم
انا عن نفسي بشتري اكثر شي من هالنفانيف حلوة ومرتبه

 

[fri2010]

حبيبتي سمر وانا اكثر استانست بموضوعج احب جذي المواضيع اللي فيها تشجيع ولهفه للشغل

امين يارب الله يسمع منج

والله ذكريات هم النفانيف مع التوينزات حلوه بس انا مو حلو علي اي شي سيدا

ومن وين فصلتي عبيج وعلى جم ؟ انا اذا بفصل ابي اللي على طبقتين احسهم ارتب علي

 

[ذكريات عشاق]

فصلت بالفحيحيل بالدبوس
صوب المحلات اليديدة واسعارهم زينة
عباية مع ملفعها على 25 او 20
يعني مو غالين حيل ويصلحون للدوام والكراف
واحس للدوام ما يسوا افصل غالي
وسويت فيهم حركات ناعمة وتطريز ناعم اسود

 

[fri2010]

حلو وزينه اسعارهم والله

عليج بالعافيه حبيبتي

 

[ذكريات عشاق]

اي والله

والله يعافيج يارب

 

[:: سمر ::]

ذكريات مساء الورد بعد روحي :eh_s(7): زين سويتي انج ماجهزتي بدل مبجر احسن عشان ما تتوهقين اذا المدرسة وايد تتشرط :eh_s(15): والنفانيف الي تقولين عنها حييييييييل حلوة انا مفكره اخذلي جم نفنوف باردين حق الصيف وخفااااف إي والله حتى انا بعرف وين فصلتي عبييج << لقافه
لاني فصلت عباتين السنه الي فاتت من محل هنديه بمجمع الدبوس بس مايازولي كلش
ودي بعبي تفصال عالمزاج بس شغل بروفشونال << طرارة واتشرط عادي


fri2010 فديتج حياتي انتي نففففسي سبحان الله حتى انا احب مواضيع التشجيع عالدوام وتصك فيني الدنيا اذا شفت وحده تذم شغلها
اذا ماتبين شي سيدا عالجسم روحي choice عندهم بلايز طوال حييييل ي تحت الركبه ومنفوشين شوي مايصيرون ستريت عالجسم
حلوين مع ليقنز وكعب :eh_s(15):

 

[fri2010]

تفداج العافيه

اي والله حتى انا اتضايق من المواضيع اللي كله مشاكل عن شغل المدرسه

او اللي بتنقل او اللي حولت وظيفه ثانيه ومستانسه

و انا دايما لبسي جذي يكون واسع وطويل بس ما يندرا بعد عن اداره المدرسه

 

[ذكريات عشاق]

اي والله ادارة المدرسة لازم ننطر ونشوف شنو يقولون لنا

اي بنات وانا بعد شريت مكياج للدوام
عندي من قبل بس شريت شغلات يديده والوان ناعمة
وودي اجرب كريم الاساس اللي حق ميك اب فور ايفر شرايكم فيه حلو والا لا

 

[ذكريات عشاق]

ذكريات مساء الورد بعد روحي :eh_s(7): زين سويتي انج ماجهزتي بدل مبجر احسن عشان ما تتوهقين اذا المدرسة وايد تتشرط :eh_s(15): والنفانيف الي تقولين عنها حييييييييل حلوة انا مفكره اخذلي جم نفنوف باردين حق الصيف وخفااااف إي والله حتى انا بعرف وين فصلتي عبييج << لقافه
لاني فصلت عباتين السنه الي فاتت من محل هنديه بمجمع الدبوس بس مايازولي كلش
ودي بعبي تفصال عالمزاج بس شغل بروفشونال << طرارة واتشرط عادي


ححياتي تسلمين

شوفي انا توني قلت اني فصلت بالفحيحيل بس مااحب اكون عند محل معين احي افتر على كل المحلات اللي هناك واشوف اللي يعجبني
وبصراحه بطلعت الروح لقيت موديلات حلوة
مادري شفيهم كله شغلهم صاير دفش والو حركات غريبة وموحلوة

 

[ذكريات عشاق]

امبيه من صجكم اما سالفه الاحباط مو طبيعيه امبيه ليش يتذمرون مادري وكله مو عاجبهم
ومايبون وبينتقلون ويستقيلون
ولا حتى اهلي يقولون لي ويع شتبين بالثانوية بنات كبار وعوب ولسان طويل
روحي ابتداىي احسن
ويع شلي باليهالوا اساحل فيهم طول اليوم

 

[fri2010]

ما جربته ذكريات بصراحه ومو بذاك الزود مع المكياج بس هم شريت بس ماركات مو معروفه عندنا

ما تعرفون بنات الكريم الاساس اللي يخلي الوي برونزي ويسوي لمعه ؟