بنات منو اللي سوت عملية ليزك الله يجزاها خير تفيدني

[شهرزاد الحكاية]

السلام عليكم بنات جميعا

مثل مو مبين من عنوان موضوعي ... بغيت استفسر منكم عن عملية الليزك .. انا مفكره اسويها باذن الله قريبا ...

وخايفه شوي من هالموضوع اللي سووها من قبل او يعرفون احد سواهاااا ياريت يفيدوني عن العملية

حزت العملية تحسون بالم او عوار ؟

وعقب العملية تقدرون تشوفون تلفزيووون عادي ولا لأ ؟ هالموضوع مهم بالنسبة لي :eh_s(16):

وشلون على الصدااااع انا سمعت ان وايد يعانون صداع شديد عقب العملية ....انا حيييل احاتي هالنقطة لاني اصلا اعاني صداااع نصفي وايد يتعبني فخايفة اتعب زياااادة :eh_s(2):

واي معلومة زيااادة ياريت تفيدوني فيها ومشكوورين مقدما ​

 

[Diana *]

أنا سويتها بس من زمااان يمكن قبل 6 أو 7 سنين

العمليه مدتها 5 دقايق كل عيون دقيقتين و نص

ما تحسين بعوار أبد لان يحطون لك قطرة مخدره ، و راح يطلب منك الدكتور انك تركزين على نقطه ضوء في الجهاز لونها أحمر طول وقت العمليه و ماتحركين عيونك منها

و عيونك بتكون مفتوحه بكماشه

بعد العمليه راح تتحسسين من الضوء لمدة يوم تقريبا ، أذكر إني كنت ألبس النضاره الشمسيه حتى داخل البيت

تقومين بالسلامه يارب

 

[ام ذعار]

^
^

نفس الشي
بس على فكرة فيه كم وحده معاي فالدوام سوو العمليه وأذتهم
يعني العملية تعتمد بعد توفيق الله سبحانه على الطبيب ان كان شاطر والا نص ونص
يعني تاكدي اللي سووا العملية عنده


انا سويتها عند عباد

 

[mareea]

انا سويتها بدار الشفا

و الرد الاول الاخت ماقصرت قالت التفاصيل

اي سؤال تفضلي

 

[سـما]

العملية ممتازة , بس اختاري طبيب زين وابتعدي عن ساامي ربيعة ترى خرب عيون ناس اعرفهم
ماتعور ولاتخافين ,
اهم شي تاخذين الدواء بعد العملية بانتظام عشان ما تتحسس الجروح اللي بالعين او تلتهب
اتبعي نصائح الطبيب بالضبط
والاهم استخيري رب العالمين

 

[*ضيفة*]

انا سويتها ونفس كلام الخوات اللي فوق بالضبط
اهم شي تلتزمي بالادوية والقطرات وما تطلعين الا وانت لابسة النظارة الشمسية انا كنت البسها اول اسبوع حتى لما اطلع بالليل عشان الغبرة او اي شي ما يطخ العين
صارلي سنة بالضبط مسويتها والحمدلله نظري ممتاز ولكن استعمل للان القطرات للترطيب وان شاء الله بالتوفيق

 

[ام ذعار]

^
^

اي صحيح
يصير الجفاف مزمن
لازم على طووول ترطيب

 

[توتا الكتكوته]

العملية ممتازة , بس اختاري طبيب زين وابتعدي عن ساامي ربيعة ترى خرب عيون ناس اعرفهم
ماتعور ولاتخافين ,
اهم شي تاخذين الدواء بعد العملية بانتظام عشان ما تتحسس الجروح اللي بالعين او تلتهب
اتبعي نصائح الطبيب بالضبط
والاهم استخيري رب العالمين

والله من صجج ؟؟؟ سامي مو زين ؟؟؟ اشوف المدح عليه ؟؟ ،،

بعدين العملية الليزك صارت قديمه الحين هابين بالجديده

 

[شهرزاد الحكاية]

مشكورين بنات ماقصرتوا الله يجزاكم كل خيييير...
يعني شلون اللي سوووها تأذوا.؟؟

انا سامعة عن الدكتور اللي حاجزة عنده جمال مرجان لانه كان مسوي حق ابوي عملية ماي ابيض والحمدلله رب العالمين وايد كانت زينة مع انه ابوي ريال عود و ضغط وسكر .... انتو شرايكم منو احسن طبيب لهالعمليات ؟؟

اهم شي الصداع ؟؟ شلونكم معاه ؟ وايد عانيتوا منه ولا لأ؟؟​

 

[mareea]

بصراحه انا ماعرف غير الدكتور الي سوالي

اسمه محمد وجيه
شاطر ماشاء الله و ايده خفيفه
و طول العمليه يسولف وياي و يحاول يخفف من التوتر

و على الصداع انا بس حسيت بصداع خفيييييييف اول يومين و هذا شي طبيعي

موفقه

 

[توتا الكتكوته]

بصراحه انا ماعرف غير الدكتور الي سوالي

اسمه محمد وجيه
شاطر ماشاء الله و ايده خفيفه
و طول العمليه يسولف وياي و يحاول يخفف من التوتر

و على الصداع انا بس حسيت بصداع خفيييييييف اول يومين و هذا شي طبيعي

موفقه

هالدكتور عليه مدح مو طبيعي ماشاءالله

 

[فدوووو]

انا سويت العممليه من ثلاث سنين بالعكس بتندمين اذا ماسويتيها مريحه حييل

 

[شهرزاد الحكاية]

الله يريح بالكم ...ويجزاكم خيييير يارب ...

ريحتوا بالي...يعني اللي فهمته ان الصدااااع يحتمل عادي مو متعب حيييل صح ؟​

 

[mareea]

صحين

 

[شهرزاد الحكاية]

مشكورين جميعا والله يريح بالكم وينولكم مرادكم ويرزقكم الجنة بفضله ورحمته اللهم اميييييييييييين​

 

[sweet queen]

هلا حبيبتي انا سويتها قبل 5 شهور تقريبا ..

بالعكس العمليه من اسهل مايكون وخواتي ثنتين بيسوونها باجر ..

لا تحاتين ولا شي .. انا كانت عمليتي 20دقيقه بس ومافي الم ابداااااااا والحمدلله ماحسيت بصداع ..

بس عقب العمليه خفت ابطل عيني تخيلي اني قعدت بالصاله بنظاره شمسيه من الخوف ههههههههههههه

ابوي شوي ويطقني يقولي انتي جبااانه .. اول يوم ماتشوفين عدل كان عينج داشها ماي او غبار بس يومين او ثلاثه ويروح

والنظر عادي بتشوفين من ثاني يوم بس يكتمل نظرج ويصير 6على6 ان شاء الله بعد اسبوع ..

لاتحاتين شي ولا تفكرين وايد ترا سهلللللله حيييل .. \\

موفقه ..

 

[sweet queen]

اي صح وفتره طويله عقب العمليه تلبسين نظاره شمسيه عن الشمس والغبار ..

وصاجين البنات انا ليما اللحين جفاف موطبيعي احط القطره ..

 

[سـما]

توكلي على الله وسويها بعد استشارة الطبيب طبعا
وان شاء الله تلاقين دكتور زين , انا ماعرف للامانه دكتور غير دكتوري اللي سويت عنده
ومو بالكويت ,, حجزت عنده موعد بالتلفون ورحت له على الموعد في البحرين
هو مشهور على مستوى الخليج وكتب عنه شاعر المليون محمد بن فطيس

(يامؤمن الريفـي )انـا جيتـك زبـون __ جيتك على مدح اكثـر النـاس وعنيـت

جيـت وتعالـى الله عـمّـا يشـركـون __ لـولاه (يامؤمـن) لطبـك مـا اهتديـت

راضي بحكـم الله علـي مهمـا يكـون __ عالج عيونـي لـو بعـد طبـك عميـت

ودي اخاشـر فالبصـر مـن يبصـرون __ واشوف دربي لا سرحـت ولا ضويـت

والى قنصت اثبـت مـع اللـي يثبتـون __ واشوف طيري كل ما اوميـت ودعيـت

ياااكثر ما يضـرب خويـي (الطابلـون) __ من كثـر مـا اكلّتـه مطبـاات وكليـت

وودي اشـوف اللـي علـي يعرضـون __ وبعض الليالي ودي اسـري دون ليـت

وااشوف نـاس ٍ فالقفـا مـا يرحمـون __ امـا وقفـت لصاحبـي والا مشـيـت

مـن دون نظـاره ولا هـم يحـزنـون __ يااا كثر ما كسّـرت كشمـات وشريـت

لكـنٌ يـا دكتـور جعلـك مـا تهـون __ ابغيك كلمـت راس دامـك مـا بديـت

اسمع......ولا ابغي اللي وزانك يسمعون __ ربي كتب يكشف لك اسـراري وجيـت

صورة عديل الـروح عنـدك فالعيـون __ واخاف تقطعهـا بموسـك مـا وعيـت

ولا عليك امر..اطوهـا تحـت الجفـون __ وعقبه لو تقطـع عيونـي مـا شكيـت

هي راس مالي والعـرب مـا يدركـون __ اني على بـاب الممـات و مـا حكيـت

ياقـو قلبـي يـوم قـفـن الضـعـون __ اللـي علـى ذاك المـوادع مـا بكيـت

ويا صبر صبـري والعـواذل يحسبـون __ انـي دلهـت مـن الهـوى والا سليـت

اسكت عساهـم مـن سكاتـي يسكتـون __ وانا عن اللي في ضميري مـا انتهيـت

وادور الفرحـه مـع اللـي يسهـرون __ وان ذكروني خـذت فنجـال وسريـت

اخذت من وقتـك يـا دكتـور العيـون __ عالج عيونـي لـو بعـد طبـك عميـت

واستر علي واللـي معـك لا يفطنـون __ انت الوحيد اللـي بعـد ربـي دريـت



الشاعر يعتبر من المقربين للأسر الحاكمة في قطر والامارات
يعني اللي مدح له الدكتور اكيد جاب الخبر الاكيد انه ممتاز
انا رحت له بالصدفة وبعد ما رحت له واعجبني والحمدلله , علمت مصادفة بالقصيدة
وقلت صراحة يستاهل قصائد

 

[سـما]

"عدد مشاركاتي قليل" الرسائل غير مفعله

والله من صجج ؟؟؟ سامي مو زين ؟؟؟ اشوف المدح عليه ؟؟ ،،

بعدين العملية الليزك صارت قديمه الحين هابين بالجديده

هلا والله باختي توتا الكتكوته
للاسف انه كثير اسمع عنده اخطاء طبية
وحده بالخمسينات , ماعرف نوع عمليتها .. لكن كانت تشوف , وبعد العملية
صار فيها ضغط بالعيون وما قامت تشوف عدل , يعني ساءت حالتها بعد العملية

وبعد واحد بالعشرينات
اعتقد انه بيسوي ليزك او شي قريب منه للامانه مومتاكده من نوع عمليته
لكن اللي حصل ان وحده من عيونه انبطت ! راحت ما عاد فيها طب
وهذا قبل اشهر

اذا تقدرون تروحون للبحرين ترى يوم وليلة بس تحتاجون
فيه دكتور ممتاز اسمه مؤمن الريفي ومشهور بنتائجه وبمدح الناس المجربينه
مو بالاعلانات وغيرها !

انا عمليتي سويتها من سنتين "ليزك"
واكيد انه يسوي احد التقنيات الجديدة اذا كان فيه شي جديد مثل ماتقولين
لانه مبدع والمبدعين دائما يكونون متطورين وهم اساس التطور

بالكويت للامانه ماعرف
لان لو اعرف كان سويت انا وخواتي فيها

رحنا للبحرين مفتحين ورجعنا مغمضين هههههه
توهق فينا اخوي يمسك منو والا منو , مافكرنا بهالنقطة ! ههههه
بس الحمدلله يارب لك الفضل والمنه

والله يوفقج يا اختي

 

[صادقة بكلمتي]

حبيبتي الليزك صارت قديييييييييييييييييمة شوفي بالنت الجديد دامج مسوية ومسوية والله يشفيج ويسهل عليج وترا وايد مسوينها وعادي لا تخافين