بنات ممكن مساعده ، لحيه طويله ؟

[abiar]

قوه بنات انا عندي سؤال لو زوجج لحيته طويله ومو مرتبه وودج يرتبها او يخفف منها عشانج شلون تقولين له باسلوب راقي ؟
اللي عندها خبره يا ليت تفيدنا ومشكورين :yaaaaaarb:​

 

[Heart.LesS !!]

مافيها شي على يوم قعدي معاه وقوليله تعال في صوب اثقل من صوب
او صوب اطول من صوب
روح وضبطها

 

[لمى الهاجري]

قولي له حبيبي اشتعيت عليك تسوي لحيتك سكسوكة او قفل خاطري اجوفها عليك

 

[ماني من الناس]

جسي النبض يمكن ما يبي يغيرها

قوليله لو تسوي لحيتك جي مثلا تطلع احلى عليك وتصغر عمرك

واذا كلش عاند ونتي مو عاجبتج قوليله انها تضايقج وبشرتج حساسه يحوشج احمرار خخخ


ماعرف اجذب كلش المهم بيني مضارها بنسبه لج

 

[دلوعة صلوح]

عادى حبيبتى قوليلة احبك على طول مرتب وحلوو عشان جذى ابيك تروح الحلاق

اضبظ عمرك.

 

[ماني من الناس]

او قوليله جنج ماتدرين بريئه

قوليله الحلاق مو شي ماضبط لحيتك هالمره وهو بيسال ونتي قولي ليش

 

[sosowaty]

ااااااب

 

[شادن33]

مافهمت يعني ريلج ملتزم ولحيته طويله وايد ???

 

[زوجة عزيز]

انا كان جذي موعاجبتني كانت لحيته قمت وعدلتها وصبغتها وتغير شكله وايد وتالي عجبته قمت اقوله يروح يعدلها كل مره ويصبغها بعد

 

[سوسو حبيبتى]

لا حول ولا قوة الا بالله العلي العظيم

يا اختي افتكري ان اللحيه سنه عن الرسول صلي الله عليه وسلم..

ولو مضيقاكي اووي كداا.. افتكري ستنا عائشه وافتكري زوجات الرسول

 

[بــــدره]

انتي ما وضحتي هل زوجج ملتزم ولا لحية ديرتي

اذا مربي لحيته على اساس انه ملتزم نصيحه لج لازم تعينيه على دينه و ما تصيرين انتي و الشيطان ضده

خليه يربي لحيته هذه سنة الرسول

و بعدين حتا لو تحسبن مو مرتبه سويله ماسكات حق لحيته و حمام زيت و قصي اطرافها و شسوار بعدين بخريها و عطريها حتا زوجج راح يستانس و يتعدل مزاجهه
ادري تضحكون علي
والله صج في ناس يسوون جذي

الزبده من كلامي ساعديه و شجعيه عالطاعه و على اتباع السنه النبويه و ان شالله لج اجر كبير عند ربج

 

[منال $]

انا راي من راي بدرة

 

[!! شوق !!]

مع بدره ..

كوني له عون .. واذا اهو ملتزم ترا يجوز له يهذبها ..

لكن لاتحثينه يشيلها .. ترا اللحيه زينه وجه الرجل

 

[batool H]

انا كل مره يسالني كيف ابيها بس مادري عن زوجك كييف اسلوبهـ

 

[Moim]

مادري انا ريلي يقولي قبل لا يروح شسوي بليحيتي ؟ اذا قلتله سو جذي يسوي العكس هههههههههه

 

[المطوعة]

اختي
زوجج مطبق سنة والمفروض انتي تعينينه عليها
ماعرفنالكم يالحريم اذا زوجج كاشخ وقصات غرتي عليه وخفتي عليه من بنات الحرام وتدعيله بالهداية
واذا ربي هادية وخالص تحثينه على التمرد على دينه وسنة نبية
اذا ماخذها دين وسنة شجعية وتحملي الشوك والتقزيز ومع الايام تتعودين عليه
واحمدي ربج زوجج مطبقة سنة اللحية ماطبق سنة تعدد الزوجات
اما اذا اهمال فذكريه ان النظافة من الايمان
وجزاج الله خير

 

[abiar]

مشكورين مع انه في ردود حسيت وددهم بيطقوني انا قلت يخففها او يقصرها مو يشيلها ليش لما احد يسالكم سؤال تحسسونه انه كافر استغفر الله

 

[شادن33]

مشكورين مع انه في ردود حسيت وددهم بيطقوني انا قلت يخففها او يقصرها مو يشيلها ليش لما احد يسالكم سؤال تحسسونه انه كافر استغفر الله

ياعمري شفتي شيوخ السعوديه مثل خالد المصلح سلمان العوده وبعد ماني ذاكره عادي لحيتهم اصغيره مايطولونها وهذولا علماء كبار لايشك فيهم
ياخذون بس القبضه الايد من لحيتهم هل الطول مايطولون اكثر مو حرام يجوز
بس انتي خليه يسال ويتاكد افضل عن الاثم

 

[dandrma]

انا بعرف الدين شكو باللحية يعني كلما طالت لحيته صار متدين اكثر مثلا ؟؟؟؟ طبعا لا

ورسولنا الكريم صلى الله عليه واله كان يوصي بالترتيب والتنظيم والنظافه واحنا نقتدي بنبينا

 

[Jo0ree]

يااا اختي اتقي الله حرام عليج .... طبعا معروف حلق اللحيه حرام ... وحتى حرام لو شعرة منها غير القبضه في حال اذا كانت طويله..

انا معج ان الرسول عليه الصلاة والسلام امر بالنظافه والترتيب وبعد امر باعفاء اللحيه واطلاقها وعدم الاخذ منها

لسلام عليكم ورحمة الله وبركاته
هل يجوز ترتيب اللحيه بقص بعض اطرافها غير المتساويه ؟؟

جواب السؤال :

لا يجوز الأخذ من اللحية مطلقا لأحاديث كثيرة منها :
1- حديث ابْنَ عُمَرَ أن رَسُولُ اللَّهِ صلى الله عليه وسلم قال ‏"‏ اَعْفُوا اللِّحَى وَاَحْفُوا الشَّوَارِبَ ‏"‏ ‏.‏ رواه أحمد 0
2- حديث ابْنِ عُمَرَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :" خَالِفُوا الْمُشْرِكِينَ وَفِّرُوا اللِّحَى وَاَحْفُوا الشَّوَارِبَ " 0 رواه البخاري 0
3- حديث ابْنِ عُمَرَ، قَالَ قَالَ رَسُولُ اللَّهِ صلى الله عليه وسلم ‏"‏ خَالِفُوا الْمُشْرِكِينَ اَحْفُوا الشَّوَارِبَ وَاَوْفُوا اللِّحَى ‏"‏ ‏.‏ رواه مسلم 0
4- حديث اَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم ‏"‏ جُزُّوا الشَّوَارِبَ وَاَرْخُوا اللِّحَى خَالِفُوا الْمَجُوسَ ‏"‏ ‏.‏ رواه مسلم 0
وكل هذه الأحاديث تدل بإطلاقها على وجوب إعفاء اللحية ، والإعفاء في اللغة مطلق الترك ، فلا يجوز أخذ شي من اللحية امتثالا للأمر النبوي 0 والله أعلم 0

وبالاخير الواحد ينصح ويبين الحلال والحرام وع الشخص اختيار ما يحب!! وطبعا احنا ما نفتي من عندنا هذه احاديث الرسول..