بنات ممكن تفيدوني:)

[a7la-86wa]

بنات بشتري كاسكو رمادي الافريقي
ابي اسعارهم
والميزانيه مالتهم
يعني القفص العود وتطعيمات البيطري
واكلهم وين احصله
ابي كل اغراضه عندي
ازهب الاغراض بعدين اشتريه
منو تعرف الاسعار بليييييز تقولي

 

[Aboosah]

والله ماعندي خلفيه ان شالله البنات يساااااااااااااااااااعدونج

 

[shurooq]

اي الكاسكو اسعاره تختلف

طبعا


ان كان اليف يتكلم

وشيطان


انتي جم حاطه ميزانيه حق الكاسو تقريبا من جم لي جم ؟؟؟


والاغراض الخاصه القفص بس


لكن طبعا اشكال واجمام القفاص تختلف والاسعار بعد


واكلهم تشترين الحب من الجمعيات او من صوب سوق الحمام


شوفي انتي قوللييلي جم ميزانييتج وانا اسالج اخوي لانه له بهالامور

 

[miss cupcake]

اول شي بعطيج الاساسيات للاسعار..

الكاسكو الافريقي في نوعين ..

الاول وحشي تشوفين بسوق الحمام سعره واايد رخيض حتى انج تشكين هذا كاسكو ولا لا .. سعره بين 55 الى 60 مايرتفع
لان وحشي ومزعج واطرم *_) يعني مايتكلم خير شر ويجاعر 24 ساعه ..

اما الثاني اللى تبيه سعره يراوح مابين 100 وطالع يعني الاسعار تكون كالاتي..

كل ماكان الكاسكو صغير زاد سعره يمكن يوصل الى 250
والكاسكو كل ماكان يتكلم اكثر زاد سعره يعني جم كلمه يقول وشنو الاسماء الى يقولها
واللى يرفع الكاسكو اكثر ان يكون ربوه يعني لامديتي ايدج وشلتي مايجعر ويركب على الكتف والايد هذا يزيد سعره
وشوفي المزاد وركزي على الاشياء اللى قتلها راح تشوفين يسومون بالهبل عليهم .. لان يبيلهم مجابل

اما التطعيمات ماني متاكده ان ياخذ تطعيمات يمكن اذا حاشه دود وهذ قليل نسبة حصوله .. او اذا حاشته حاله نفسية يقطع ريشه يحتاج ابره وكريم..

ما الاكل بس حب شمسي مو مملح موجود بكل مراكز سلطان مخصص حق الكاسكو انا الاقفصاص يعني من 10 الى 15 سعرهم

واتمنى اني افدتج *_)

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه


كب كيك مــآ قصرت ,,,

بس بزيد عليــهـآ كـمـ معلومـه ,,,

لآزمـ شترين له قفص كــبــيــر ووســيـع عــلــشــآن يــآخـذ رآحـتـه,,,

و تشتريت له سـتآنــد عــآد تختلف آســعــآرهـ و توصل لين الـ50 و امكن أكثر ,,,

و مــوآعــين الآكــل و الصحون ,,,

و الألــعــآب الخــآصــه في وآحــد بالمزآد يسوي ألــعــآب حلوهـ و رخيصه في بدينار ونص و ابـ دنـآرين و هـمـ 3 دنـآنـيـر ,,,

و الأكــل لآزمـ اتوعين له لا تعمديتن على الحب الشمسي بس ,,,

و القفص الي تنقلينه فيه و هـمـ الفيتــآمينــآت الخــآصــه ,,,

و يفصل لو تشترين لـج كـتـآب كـتـآبين يفيدونـج عن الكــآسـكـو ,,,

و حطي لقفصه مــسـآحـه ابكثر غرفه تقعدون فيـهـآ علشــآن يعتــآد عليكـمـ ابســرعــه و أفضل بس يكون ابمكــآن شوي عــآلي ,,,

و الكــآسـكـو يبي له عنــآيـه وتادريب ومـجـآبل و فكري إذآ تبين ذكر ولآ نثيه ,,,

و كـمـ عمرهـ ....؟

كل هـذآ حطيه في بــآلـج غير تـكـآليف البيطري ,,,

و انتي عندج قـطـآوهـ و الكــآسـكـو مــآشــآء الله مو سهل ممكن أي وآحد يتعرض للثــآني ,,,

و أنــآ خوفي الكــآسكــو يبهذل قطوتـج ,,,

و بالتوفيق يالغـلآ ,,,

و إذا شريتي الأغرآض والكــآسكــو لآ تنيين علمينــآ من وين وابكـمـ ,,,

إي و اشتري الكــآسـكو الهولندي | تربية مزآرع | أحسن وأضمن وخري عن سوق الحمـآمـ و أمـثـآلــه ,,, < متعوب عليـهـآ :d


و مـــــع السلامــــه ,,,
|~|

 

[الكرزي]

ماعندي فكرة بس ماحبيت اطلع من غير ماقول موفقة ان شاء الله

 

[miss cupcake]

ماقصرت كحلاء العين ..

 

[shurooq]

سألت لج اخوي

قالي


في فرخ كاسكو الييف بس يصفر توه صغيرون تمسكيينه جنه لعبه وتجيسين راسه من غير حيوول سعره يتوراح من بدايه الثمانين


وكاسكو فرخ محجل اليف وبس يصفر ونفس الاول تمسكيينه جنه خرجه وتحطين ايدج على راسه وتوكلينه سعره بحدود 140 وفووق


يعني صغار توهم يبييلهم مجابل تعلميينهم على الكلام


مادري هذا اللي قاله لييي


يمكن تلقين ارخص بس وحشيين ويصارخووون

 

[daloo3a_2010]

ماعندي فكره ماحبيت اطلع بدون رد

 

[مــ_ــا مــ_ــي]

انا اخوي شرا كاسكو على قولتكم وحشي وبس يجاعر لكن فترة ايام وركد .. وما يجعر الا اذا احد قرب له لانه خايف .. لكن يتعود بسرعه على الوضع .. وما صار له جم شهر يطلع اصوات ويقلد صوة الكناري لان عندنا كناري يغرد وهو مع الخيل يا شقراا يغرد معااه ومراات يطلع اصوات جنها كلمات بس مو مفهومه .. واخوي شراه بـ 80 دينار وما كلفه الا الكل بسن فتره وفتره يجيب له جيييس كبير حب

 

[a7la-86wa]

تسلمون بنات وما قصرتوا
وان شاء الله قريب اشتري