بنات ممكن اعرف شنو اشرب ولدي

[ام ميميتو]

يعطيكم العافيه امهات ياليت الي تعرف تفيدني انا ولدي ان شاءالله بكمل 11 شهر انا اشربه حليب نان إتش إيه وخالتي ام زوجي وامي يقولولي خلاص شربيه حليب عادي يعني شربيه نيدو او اي حليب صار كبير هذا الحليب ما يشبعه انا محتاره اقولهم هو صغير بعده حرام اغيرله الحليب يقولون عادي احنا كان نشرب اليهال حليب اطفال لي 5 شهور وبس انا مابي اشربه اي شي لان الحليب الي يشربه إتش إيه يعني مال التحسس يقولون عادي الحساسيه اكيد راحت مافي شي انتو شرايكم ولي اي عمر شربتو عيالكم حليب الاطفال الله يخليكم لا تطنشوني:yaaaaaarb:

 

[ام ميميتو]

شدعوه 4 دخلو ومحد رد علي

 

[حلوه ولمآحه]

لآ حبيبتي استمري على حليبه ليمآ يكمل 3 سنوات وبعدين تقدرين تبدلينه ،،~
وعطيه عصيرات وفواكه
وحليب بآلفوآكه
وآلله يخليه لج ،،~

 

[الشيخة@]

رفع لعيونش

 

[مـيمي الدلووعه]

استمري ع الحليب لاتقطعينه و اذا شفتني انه مو زين عليه الحليب روحي لطبيب قولي ابي احسن حليب له

الله يخليج ولدج ويحفظه

 

[ام ميميتو]

حلوه و لماحه تسلمين حبيبتي الشيخه الله يرفع مقدارج يا الغاليه ميمي الدلوعه فديت اسمج هذا دلع ولد ميمي مشكوره على الرد

 

[دلوعة حبيبي]

انا ولدي كان نفس ولدج يشرب الاتش ايه مال الحساسيه واسمريت معاه تقريبا لي سنه ونص او سنتين بعدين حولت على الحليب العادي الي احنا نشربه والحمدلله ما في شي

بس كملي معاه بالاتش ايه اهو في 1 و2 و3 اخذيله الي على حسب عمره واكيد راح يشبعه لانه الحين ولدج اكيد ياكل يعني مو معتمد على الحليب بس

 

[dnyay_mll]

خل يكمل سنه و8 شهور بعدين غيري حليبه لي نيدو

بهالعمر انا اعطي عيالي بروجرس وبيدياشور

 

[jaaanooo]

السلام عليكم

شوفي يا قلبي استمري على الحليب دام الياهل يعاني من الحساسية لين يخلص السنتين افضل بصراحة وبعدها بالتدريج حوليله على نيدو .. انا بصراحة غيرة حق بنتي لنيدو وكانت تستخدم بروجرس .. توني ما صار لها فترة وعمرها الحين سنتين ونص

 

[om MaRyooM]

اذا مرتاح على حليبه لاتطبقين اقتراحات الغير


واذا محتارة وايد استشيري دكتور اطفال دام ان ولدج كان عنده حساسية

 

[PuPa^^SWeeT]

اذا انتي مرتاحة جذي و ولدج يشرب حليبته و ياكل


خليج عاللي ترتاحين له

 

[ام ميميتو]

حبايبي مشكورين على الردود