بنات ملوعة جبدي الصراصير الصغار في مطبخي شالحل ابيها تختفي؟؟

[جود 2006]

بنات ملوعة جبدي الصراصير الصغار في مطبخي شالحل ابيها تختفي؟؟

 

[shaikhat elbnat]

شوفي جريدة الوسيط مالت الاعلانات او 808080 اتلاقين شركات ايونج لي البيت
و اشتري من الجمعيه اللصاقات و حطيهم في كل ربعه علشان يلصقون عليها
و الاهم من هذا كله النظافه

 

[Mis$ LeO]

احسن شي العجينه والرش
تلاقين بالمجلات الاعلانيه الوسيط وغيرها

 

[حبك وجودي]

رد : بنات ملوعة جبدي الصراصير الصغار في مطبخي شالحل ابيها تختفي؟؟

بالوسيط والهدف هالجرايد فيه اللي ايون يرشون وجذي او لوازم العائله اللي يكون لصاقات يلصقون فيهم

 

[شمع تحترق]

حبيبتي رشي بف باف اللي بدون ريحه على اطراف المطبخ كله و بالبالوعه بالليل لمدة 3 ايام وراي بعض و بينقطعون ان شاء الله

 

[روح الطبيعه]

شوفي لعموم البيت

انا عن نفسي جربت ( الجره ) جذي اسمها بالسعوديه

نجيبها من الخفجي هي ماده بيضه جامده اشوي تحطين منها كوب صغير في صطل ( تب )

وتملينه عليهم ماي وصبيه بالمطبخ واطلعي منه وسكريه

وصبي بعد بكل بواليع بيتكم والحمامات >> واحسن شي تصبينه في يوم بتروحون للاهل

علشان يقعد اطول مده ممكنه وابعدي عيالج عن البيت لانه يدوخ واايد وموزين لهم

بعدها اضمنلج سنه ماتشوفين ولا زهيوي يوطوط بالبيت وراح تشوفين شي غريب بالصراصير

راح يتحنطون مثل الجبس والله >> واذا كنتي بشقه بعماره راح تموت كل صراصير العماره >> ع ضمانتي ^_^

طبعا بعدها تغسلين المطبخ عادي بالماي والصابون وبعدها ديتول

وخلاص >> يصير بيتج مستشفى من النظافه ^_^

شرحتلج شرح مفصل *_*

 

[شمعه حزن]

احنا مره رشينا اختنقنا ريحته مو شي
وراها يبنا العجينه صج عجيبه اختفو مادري وين راحو والشقه يمكن 5 سنين نظيفه اكيد

 

[فاقده ابوهاااا]

شوفي اختي دقي على شركات الي بالوسيط واييون لج ويرشون البيت كله ويعطونج كفاله 6 اشهر بس اذا ما نفع صدقيني ماكو فايده طلعي من المكان اذا كنتي بشقه لاني انا اول ما تزوجت سكنت بشقه بالسره وكانت متروسه زهيويه الصغار ورشيت الشقه كلها بس ماكو فايده لي ما طلعت من المكان بكبره

 

[روح الطبيعه]

طبعا هذا من تجربه شخصيه >> لبسي كمام ان جربتي

او جيبي احد من برا يسويه لج

وهالماده موجوده بالصيدليات البيطريه اللي بالسعوديه

 

[سمو الغلآ]

رد : بنات ملوعة جبدي الصراصير الصغار في مطبخي شالحل ابيها تختفي؟؟

جيبي مكافحه حشرات
تلقيين ارقامهم بالجريده الوسيط بس من يرشوون طلعي برا البت
علشان محد يستخدم المطبخ والحمامات وانتي بكرامه ويشتغل مفعوله
ويذبح كل الحشرات لان اذا فتحتي الماي الدوا اللي يكونون حطينه يزل
وما تستفدين شي...

وان شاء الله اكون افدتج..

 

[شمعه حزن]

بنت الطبيعه

من وين اشتريتي هالماده يعني بالضبط وهل استخداماتها بس للصراصير ولا حق اشياء ثانيه وانفعت مع الصراصير ؟

ماعندج صوره للماده او الجيس

 

[Ranoon]

الله يعينج ..
يمكن مطبخج قديم وتعبان وفيه صدى حديد
يطلع منه هـ الحشرات
او في فتحان من ورى الكبت وانتي ما تدرين تطلع منها حشرات ..!