بنات ملوعة جبدي الصراصير الصغار في مطبخي شالحل ابيها تختفي؟؟

[جود 2006]

عفية ابي اي وحدة مجربة شي للصراصير الصغار وفعال في القضاء عليها تقولي عفية ؟؟؟

 

[bambena]

رد : بنات ملوعة جبدي الصراصير الصغار في مطبخي شالحل ابيها تختفي؟؟

شركه

ماكو حل الا هذا

 

[جود 2006]

اي شركة زينة ومجربة بليز ساعدوني

 

[نووووونا]

شوفى حبيبتى الصراصير الصغار بالذات تتغذى على الورق والجرايد

والكراتين والقش حاولى تتخلصين من هالشغلات سواء بالكبتات ورشى بورد مال النمل وفرشى فوقه نايلون السفره النوع

القوى تلاقينه بالجمعيات ساده وفرشيه حق الارفف واذا فى مصدر ماى حنفيه او بايبات تخر سنعوها


وسلامتج

 

[نور الدنييا]

رد : بنات ملوعة جبدي الصراصير الصغار في مطبخي شالحل ابيها تختفي؟؟

انا كان في مطبخي كم صرصور وقضينا عليهم الحمدلله الله فكنا دقينا على شركه ورشت البيت وعطتنا كفاله وبعد اسبوع شفت صرصور يتمشى ولا ادق عليهم وردوا رشوا مره ثانيه مجانا طبعا والحين ولا صرصور اخذي رقمهم من الوسيط

 

[om_dodo]

ديرى بالج ترى اخطر شئ الصغار
رشوهم

 

[eman84]

الله يعينج ... دقي كل الشركات نفس الشي وشطار يرشوون المطبخ كله

 

[ام بشبش]

الجمعيه فيها دوا يصير عجينه حطيها تحت البايبات او اي مكان فيه زهيويه بسرعه يروح وحده بوحده

 

[رياح الشيشان]

الهيئة العامـــــــــــــــــــة للزراعــــــــــــــه عنده دوا تحطين وياه ماي وترشينهـــــــــ عند اماكن الزهيويهـــــ
اهو ريحته تقمتـــــــــــ بس نتيــــــــــــــجته خياليهــــــــ

 

[fr7ty]

مالج الا الشركه وخل يعطونج كفاله لمدة 6 شهور..

الله يعينج

 

[( المـلاك )]

لا تحطين بف باف
ولا بخاخات الجمعيه
ولا الادوية

هالحشرات
مالهم الا شركة
دقي و خليهم اييونلج
متروسين بالوسيط
طبي وتخيري

 

[مخاويه الزعامه]

نفس المشكلة والله مطبخنا كلة الصراصير صغار وجبنا شركة ولا فية فايدة اموت واعرف شنو يقضي عليهم

طيب نشيل كراتين وين نحط الشغلات الزايدة مثل التموين ياربي لازم كراتين وجرايد :eh_s(2):

 

[المستغفرة 74]

بنات عندي لكم الحل النهائي وارخص شيء .بس امانة ادعو لولدي بالشفا لان هذا الدوا صج صسج معجزة او سحر .
اولا تروحين للصيدلية وتقولين لة عطني بودرة سم الصراصيرب(750 فلس )وراح يعلمج طريقتها تحطين كل الكمية في طبق مع قوطي روب وطحين وسكر ( راح تستغربون جنكم تسوون كيك بس ترا هذا كيك للصراصير بس لانج بتسوين لهم حفلة خاصة او وداعية )
ووزعيها عالابواب الخشب والادراج المطبخ الخشبية وعلى زوايا واركان المطبخ والحمامات .وبعد اسبوع راح تشتاقين لهم ادورينهم ما تلاقينهم .وترا هذي نفس العجينة الي تسويها الشركات لمكافحة الصراصير ويبوعونها قد فنجان القهوة بخمس دنانير .وخلطتج هذي تسوي تقريبا مقدارسبع فناجين.
يابنات والله العظيم كنت اعاني نفسكم بس الحمدلله بس مرة حطيتها وقضت نهائيا عليهم .
لا رش ولا بطيخ .وبس.

 

[مخاويه الزعامه]

بنات عندي لكم الحل النهائي وارخص شيء .بس امانة ادعو لولدي بالشفا لان هذا الدوا صج صسج معجزة او سحر .
اولا تروحين للصيدلية وتقولين لة عطني بودرة سم الصراصيرب(750 فلس )وراح يعلمج طريقتها تحطين كل الكمية في طبق مع قوطي روب وطحين وسكر ( راح تستغربون جنكم تسوون كيك بس ترا هذا كيك للصراصير بس لانج بتسوين لهم حفلة خاصة او وداعية )
ووزعيها عالابواب الخشب والادراج المطبخ الخشبية وعلى زوايا واركان المطبخ والحمامات .وبعد اسبوع راح تشتاقين لهم ادورينهم ما تلاقينهم .وترا هذي نفس العجينة الي تسويها الشركات لمكافحة الصراصير ويبوعونها قد فنجان القهوة بخمس دنانير .وخلطتج هذي تسوي تقريبا مقدارسبع فناجين.
يابنات والله العظيم كنت اعاني نفسكم بس الحمدلله بس مرة حطيتها وقضت نهائيا عليهم .
لا رش ولا بطيخ .وبس.

الله يشفى ولدج ويخلية لج يارب

اي صيدلية عادي اخذ منها اخاف يضحكون علي

 

[مرت الدكتور]

شوفي حبيبتي الشركات مافادتنى مالج الا الله ثم عجينة صراصير الخشب عن تجربة حطيتها بمطبخي ولي سنة الحين ماوطوط ولاصرصور بمطبخي د خت علي ملقيتا بسوق جلف مارت مال الهنو اللي ورافاشن مل الجليب ومابي الا دعوة اللة يخلي عيالي ويصلحهم

 

[لمعه الكريستال]

السلام حبيبتي في ماده اسمها تتراسب تلاقي في بن نصف سعرها 2.500 مكانهم في الشريخ شارع الكي دي دي وادعيلي وحق عيالي

 

[جود 2006]

مشكورين كل اللي ردوا والله يوفقكم ويخلي لكم عيالكم ويصلحهم ويعافيهم لكم يا رب العالمين
\

 

[جود 2006]

يا ريت تعطيني اسم عجينة صراصير الخشب لأن في انواع وايد ومشكورة اختي عالرد

 

[المستغفرة 74]

الله يشفى ولدج ويخلية لج يارب

اي صيدلية عادي اخذ منها اخاف يضحكون علي

لا عادي انا مجربة والله يوفقج

 

[احب الأمل]

حبيبتي انصحك بأبرة عند بن النصف سعرها 3.750 اخذي 2 وزعيهم بالمطبخ وراح تدعين لي