بنات محتاره تكفه ساعدوني

[NORO]

قوة بنات ​

انا طبعا بعد فترة قريبة بتخرج من جامعة الكويت كلية علووم اجتماعية​

ومحتارة وين اقدم اصير مدرسه والا موظفة بأي وزارة من وزارات الدولة ​

اللي عاجبني بالتدريس المعاش والاجازات لانه انا بصراحة مااحب تنقصني الفلوس وماكو وزارة بالكويت تعطيني اول تعيين 1070 دينار !! الا التدريس​

بس بنفس الوقت انا مااحب التدريس اهوه مو ماااحبه بلعكس احب اتكلم واتناقش بس كل اهلنا يذمون التدريس ويذمون بالادارة والناظره واقول اذا توظفت بوزارة اقدر اي وقت اداوم واي وقت اغيب او استأذن عكس المدرسه الالتزام واخاف يقطوني بمكان بعيد عن منطقتي​

لو كنتوو مكاني شنو بتقرروون وليش​

بليز بنات لاتحقرون موضوعي ​

 

[honey lust]

حبيبتي اللي اعرفه ان الحين التربيه ما توظف الا خريجات التربيه بس

 

[NORO]

صج !!

رفيجتي تخرجت صيفي ووظفتها عادي

 

[Break Time]

لا عادي انا خريجة علوم
و مقابلتي كانت الخميس اللي طاف

بس توقف تعييني علشان انحل المجلس

انا انحطيت بموقفج بالضبط واخترت التربية علشان اعطل مع عيالي

 

[honey lust]

والله مادري هالكلام خذيته من اكثر من بنت بالمنتدى بس دام طلع يصير

انا اشوف التربيه احسن حق خريجات علوم اجتماعيه

عموما انتي شوفي مميزات و عيوب كل مكان و شوفي شنو اكثر شي يهمج!

ولا تنسين الاستخاره

موفقه

 

[frawlah_83]

محد يقدر يقرر عنج كل واحد ميوله غير عن الثاني انتي شوفي شنو تحبيين واختاري ولا تختارين شس ماتحبينه بس عشان راتبه اعلى جذي ماراح تقدرين تنجزين

انا لو راتب التدريس ٢٠٠٠ دينار ماافكر ادش هالمجال لانه مجال ماحبه وماشوف نفسي في ومالي خلق صيحه وعوار راس وتحضير وتدريس وشرح ومجتمع كله حريم