بنات محتارة بعملية تحويل المسار ساعدوونيي بليييززززز

[remasq8]

و الله يا بنات مالي غيركم ابي النصيحه من خلال تجربتكم . انا ودي اسوي عمليه تحويل مسار لاني تعبت من السمنه و زني بيوصل 100 و ماكو فايده بالريجيم و النادي بس متوهقه باختيار الدكتور ، كل ما اقتنع بدكتور تطلعني سالفه عنه تخليني اتردد و اخاف . الي ابيه من الي سووا عمليه تحويل المسار تقولي عن دكتورها اذا كان زين و اهم شي متابعته لها بعد العمليه . انا كنت بسوي العمليه عند اسامه الصانع الي بمستشفى رويال حياه بس خفت اتسرع قلت خل اسال اذا في احسن منه في دار الشفاء مثل هيثم الخياط او السلام . فرجاااااااااااء فيدوني و نصحوني و الي عندها اي معلومه لا تبخل علي فيها :s141:

 

[أستر البنفسج]

والله مادري بصراحه انا شفت بعييييييييييني وحده مسويه عمليه التحوير البنت شعرها يخرع طااااااااايح بس تشوفييين اخصل ولا بعد تشكى من العمليه وتتالم حييييل هذا الموقف صاار بالستشفى
ماانصحج تخاطريين بعمرج سوي رجييييييم عند دكتور وبعدييين وزنج مقدووور علييه شوفي انا كنت فوق الميه والحمدالله نزلت لين وصلت 83
وبسسسسسسسسس سلااااامتج

 

[remasq8]

جربت اسوي ريجيم و فعلا نزلت بس كثر ما الرجيم صعب الحفاظ على الوزن أصعب بوايد . و بعدين ماشالله في وايد بنات سوو تحويل مسار و الحين حالتهم أكثر من ممتازه المهم اختيار الدكتور الشاطر .. نصحوني يا بنات

 

[:: Diva ::]

باسل السميط بالسلام
و الحمدالله مرتاحه

 

[remasq8]

اشلون إحساسج عقب العمليه . انشآلله ما تعبتي ؟؟ سمعتي عن أحد سواا العمليه عند د.الخياط إلي بدار الشفاء ؟؟

 

[tina mtina]

السلام عليكم
انا بسوي العملية عند هيثم الخياط في الشفا
و سمعت عنا وااايد زين
و في بنات مع اختي بالدوام مسوينها عندا واايد ممتاز
و بعد في الحكومة في البستكي و خالد العنزي زينين

 

[Kuwaitigirl1973]

عزيزتي تبين تشوفين طريقة تحويل المسار عند دكتور الصانع في رويال حياة دشي على هالصحة في يوتيوب وشوفيه يشرح العملية
http://www.youtube.com/watch?v=1SGfYKQOhEM

 

[هوى بحري]

اختي انتي وزنج مو زايد وايد علشان تسوين تحويل مسار ،، صدقيني عملية التكميم وايد اريح واخف مضاعفات على المدى البعيد ،، انا سويتها قبل 3 اشهر عند الكتور خالد العنزي وكنت 110 والحمد لله عقب 3 اشهر وصلت 87 كيلو ،، ومرتاحه لله الحمد وكل شي سهاله ,,,

انتي راجعي الدكتور المختص بهالمجال واهوا يختار لج العملية المناسبه لج حسب كتلة جسمج وحسب نظام أكلج ،،،
والله يسهلج امورج ان شاء الله

 

[a6oby]

انا كان وزني 97 و سويت تغيير مسار عند محمد الجار الله و وصل وزني 56 و طولي 170 يعني وصلت حق الي ابيه بس الكل قام اقولي متني شوي صايره تخرعين من الضعف و فعلا سمنت لين وصلت 62 بس حدي مرتاحه الحمد لله بس انصحج بدكتر باسل السميط احسن

 

[@غلا زوجها@]

انا كان وزني 97 و سويت تغيير مسار عند محمد الجار الله و وصل وزني 56 و طولي 170 يعني وصلت حق الي ابيه بس الكل قام اقولي متني شوي صايره تخرعين من الضعف و فعلا سمنت لين وصلت 62 بس حدي مرتاحه الحمد لله بس انصحج بدكتر باسل السميط احسن

ماشاء الله تبارك الرحمن
بس ما دام انج سويتي عند الدكتور الجار الله ليش تنصحينها بالسميط
ليش ياريت تردين علي
لاني اخذت موعد عند الجار الله

 

[بنفســـــج]

اختي وزنج مو مال تحوير مسار , السليف احسن لوزنج

ربي يسهل لج

 

[أم الهواشم]

يمدحون تدبيس المعده رفيجتي مسويته وماشاءالله ماتشتكي منه ورفيجتي الثانيه توه صاير لها اسبوع مسويته بمستشفى السلام بس تحويل مسار ماانصحج فيه وايد ناس يشتكون منه والله يوفقج

 

[شانييل]

أنا رفيجتي بالدوام مسوية تحويل مسار بالسلام
وكلفها فوق الثلاث ألاف دينار
وصراحة وايد ضعفت زإهية من فوق عشر سنين متينة متن ما ينفع معاه رجيم
شكلها يشجع

 

[mahawey]

يمدحون تدبيس المعده رفيجتي مسويته وماشاءالله ماتشتكي منه ورفيجتي الثانيه توه صاير لها اسبوع مسويته بمستشفى السلام بس تحويل مسار ماانصحج فيه وايد ناس يشتكون منه والله يوفقج

السلام عليكم اشلونج اختي ام الهواشم تنصحيني اني اسوي عمليه تددبيس المعده لاني اعاني من السمنه بشكل موطبيعي ونوم موقاعده انام واصلي وانا قاعده ومعاي خشونه بالمفاصيل ومعاي مرض الربووراح اسويه عند الدكتورمحمد العجمي اشرايج في هذا الدكتور انزين هل السليف اهومعناه تددبيس المعده وشكرا وعمري ماشاءالله 23 وزني 100والطول 150والحمدالله صليت صلاة الاستخاره حسيت اني مرتاحه حقك هذي العمليه دكتوراهوالي قالي هذي العمليه تصلح لج بس انا ناطره موعد العمليه ماادري متى

 

[a6oby]

محمد الجار الله مو وايد يهتم بالمرضى السميط وايد احسن و ارخص بعد

انا ما اايد التكميم او التدبيس لانهم ما انزلون وايد

هذي وجهت نظري لا اكثر ولا اقل

 

[remasq8]

والله صاجه اختي تينا متيه انا وايد امدحولي الدكتور هيثم الخياط و فعلا خذيت عنده موعد الاسبوع الياي و انشالله خير . مع ان كان خاطري اسويها عند الدكتور اسامه الصانع بس الي خوفني رويال حياه لان مو وايد يمدحون الستاف و ما عندهم خبره مثل باجي المستشفيات القديمه و الله المسهل انشالله

 

[a6oby]

الله اقومج بالسلامه و طمنينا عنج حبيبتي