بنات محتارة ارضي امي ولا زوجي

[taioba]

السلام عليكم ورحمة الله وبركاته
بدخل بالموضوع على طول
من تزوجت و امي تتدخل بحياتي يعني تقدم لي نصايح ومرات تتنرفز مني وتعصب علي ولما امشي على نصيحتها تصير مشاكل بيني وبين زوحي
مو دايما طبعا ، يعني امي مرات تقدم لي نصايح مفيدة واايد بس مرات تعبني واهي تعرف اني حساسه وما احب ازعلها
مثلا
زوجي يبيني اتنقب وانا لما تزوجت كنت البس بدل وبعدين لبست عبايه وبعدين طلب مني النقاب
وامي رافضه عندها اتطلق لا سمح الله ولا البس النقاب الحين
محد من اهلي يلبسه بس اهو اهله كلهم يلبسونه
انا شخصيا مو رافضه الموضوع بس صرت ارفضه عشان امي وتصير مشاكل بيني وبين زوجي
والحين صارلي يومين زعلانه وقاعده ببيت اهلي بس قلت حق زوجي بنام عندهم جم يوم واهو خذا بخاطره علي خصوصا انه قايل لي ما يبي يروح عند ربعه ويبي يقعد بالبيت وانا مشيت وخليته
ويومين ما دق علي
وانا دقيت عليه ورد علي يضحك وعادي وقالي بيرد البيت يمرني
وامي لمن درت اني انا اللي اتصلت ازعلت واايد مني يعني جني انا قطيت نفسي عليه
والحين محتاره انا ما ابي ازعلها بس انا ما ابي اتطلق لا سمح الله ولا ابي اعاند زوجي
انا ما قلت لامي هالشي بس زوجي مو محافظ على صلاته للاسف وانا قلت اذا شرطت عليه مع لبس النقاب انه يصلي صلاته بوقتها ممكن ارضي ربي واحافظ على زوجي لان اهو كان محافظ على صلاته اول زواجنا بس بعدين اهمل
ابي الحين انا غلطت لمن اتصلت على زوجي
وغلط البس النقاب ولا لا
بليز بنات طمنوني
احس اني بين نارين

 

[ام عمر جمال]

اكيد حبيبتي واجب عليكى انو ترضي زوجك مو امك بس انتي حاولي تشرحي لامك انو موضوع نقاب عادي شو فيها لو عملتي نقاب

 

[taioba]

مشكوورة ام عمر عالرد وانا ان شاءالله راح احاول ااشرح لامي هالشي انا ابيه

 

[Aloe Vera]

بصراحة انا اشوف تصرفات و تدخلات امج وايد خطرة على حياتج الزوجية
ديري بالج

و شرطج ان زوجج يحافظ على صلاته حلو بس مو معناته لو لا قدر الله اهمل زوجج الصلاة تقطين النقاب؟
خلي نقابج لله

بس امج الله يهديها حيل حيل غلط انج تروحين بيت اهلج زعلانه
هذي امور بينج و بين زوجج محد له شغل امبيه حبيبتي خلي يكون في خصوصية بحياتج الزوجية
و قرار النقاب شي خاص فيج محد له شغل فيه و الموضوع دام من طرف زوجج انتي وياه تتفاهمون و تتخذون قرار امج مع احترامي بس مالها شغل كلش و انتي حاولي تراضينها بطريقة ثانية

 

[اقماري]

مرحبا،،
الله ايعينج حبيبتي وضع ايحير ،،
بس انتي المفروض من البدايه ماتدخلين امج ولا اي احد بحياتكم،،
وانتي شفوي وضعج اذا زوجج ايحبج ومو مهملج ولا حارمج ولا ايهينج وضعج معاه تمام حرام تخسرينه بسبب نقاب بالعكس النقاب زيادة ستر طبعا قصدي النقاب الستر مو نقاب بنات هالايام الله يهديهم صاير بحد ذاته فتنه وجدا مهين لهم ،،

وفهمي امج انه هذي حياتج وبتمشين فيها بعقلج وقلبج حتى لو خسرتي شغلات ع الاقل مو ايي يوم وتندمين انج ماسويتي او ماعطيتي نفسج فرصه ومجال لتغيير الظرف ،،
قوليلها يمه انتي اوامرج ع روحي بس خليني اسوي اللي يريحني وانتي يمي لاتحمليني هم زعلج على همي .

والله ايوفقج حبيبتي ويسعدج ويهديكم ويصلحكم

 

[Tom ♥ Jerry]

.


يعني اهيه صج امج بس عاد مو لدرجه انه تسوين كل شي تبيه
انتي الحين مره متزوجه كبيره فاهمه و عاقله
لااااازم تخلينها تحس انه التدخلات الي قاعده تصير منها خطأ
هاذي حياتج و انتي حره فيها
كلمييها بهدوء و قوليلها انا لي رايي و شخصيتي لازم امشي بيتي و زوجي مثل ما انا ابي
اهيه قاعده بره بيتكم و تقولج سوي جي و لا تسوين جي

وين الخصوصيه ؟ بين المره و الريال تصير اشياء لازم محد يدري عنها
و انتي مو كل شي تقولين حق امج

 

[مدّهره !]

عشاان تتجنبين زعلهاا لاعااد تقوولين لهااا أبببد إي شيء يصير بينج ووبينه

وأي تصرف تسووينه قولي أنه ناابع منج أنتِ

وسالفة النقااااب بالعكس فيه صلااح لج بالدنياا والأخره إن شااء الله

 

[Combat]

الله يجازي من يسوي سواتك
وبذنوب من سوا سواتك يجازيك
مشيت درب الثقل و تحب ذاتك
ما تدري انه للمهالك يوديك
حبيبتي انتي مو غلطانه بس خلي لج شخصية مستقلة مو كلمة توديج وكلمة تييبج
ومو كل شي تروحين توصلينه للوالدة الله يهداج اهي عاشت حياتها بتعيش حياتج معاج

 

[Combat]

وسالفة النقاب ياقلبي انتي اذا بتلبسينه علشان ريلج لا تلبسينه البسية على نية رضى الله

 

[taioba]

بنات مشكورين عالردود
وانا فعلا احسن شي ما افتح لامي امور خاصه بيني وبين زوجي
بس مو حابه ازعلها واحس اني احتاج نصايحها بس مرات مثل هالامور لمن اسويها ما احس براحه لمن قعدت عند بيت اهلي واايد ندمت اني خليت زوجي
وما ارتحت كلش وسالفه النقاب صغرت عندي
انا ان شاء الله ببالي اتنقب تقربا لله وارضاءا لزوجي

ان شاء الله تعالى ربي يوفقني في زواجي ويرزقني رضا امي والذريه الصالحه
يا رب

 

[popa]

تنقبي خو دام عادي عندج وكلمي امج بهداوه

 

[shak!shoka]

مبين عليج عاجله و تحبين زوجج

بس حاولي مو كل تسولفينه للوالده ،، اكيد مالج غنى عنها ولا عن نصايحها بس خليها للشديد القوي
اما الامور السطحيه او الخاصه بينج و بين زوجج من رايي ما تسولفينها لاحد وعيشي حياتج بسلام

ودام الريال يحبج وشاريج و انتي تحبينه داري خاطره و حفظي اسراره



الله يسخر لج زوجج و يحنن قلب امج عليج و يرزقج الذريه الصااالحه يارب

 

[قلب طفـــله]

الحين الزوج صار اهم وأغلى من الأم شفيكم ترى الريل موكل شي بالدنيا

يخون يطق يتزوج

ردكم

صبري وقعدي عنده

حتى لدرجة تزعلون امهاتكم علشانهم ؟

لاطبعا ازعل ريلي ولا أمي حلوة اللبن اللي الجنة تحت اقدامها

والريل بداله عشر وان زعل عادي كم يوم ويرضى

قوليله امي مب راضيه وخلاص

وترى الدين ماأمر بستر الوجه !!​

 

[المحاميه ن]

سمعي اختي الامر اولا واخرا بيدك انت لان هذه حياتك وتستطعين ان ترضي الجميع برجاحة عقلك وتكسبين رضا امك وزوجك بدون ان تزعلي احد يقول سبحانه وتعالى وجعلتنا بينكم موده ورحمه بالتوفيق انشاالله