بنات محتاجة لكم

[دانة البحرينية]

زوجي شراء لي قطوة واناخبرتي باالقطاوة قليلة فاابي منكم اتقولون لي
شنو نوعها؟
احسها مريضة يطلع صوت شخيرمن خشمها مادري شنو السبب؟
شلون ادلعها ؟
شلون اخليها اتيي بحضني ؟
شريت لهاالاشياء الي ذكرتوها من شامبو وبسكوت ومشط ومكان للاكل وتراب وبوكس الله يعزكم شنو في اكو اشياء ثانية بعد مهمة؟
مادري لاتضحكون علي بس احسها حزينة هاالقطوة ؟ اتيي عندي احسها تبي اتقول شي لي بس مادري شلون حاسين فيني
هذي صورتها

 

[دانة البحرينية]

سوري بنات مااااعرف اصغر الصورة

 

[دانة البحرينية]

بليز وينكم بنات ؟؟؟

 

[Sparkle]

زوجي شراء لي قطوة واناخبرتي باالقطاوة قليلة فاابي منكم اتقولون لي
شنو نوعها؟ ما ادري صعب الصوره كبيره وأنا بحاول الحين أضغرهم لج
احسها مريضة يطلع صوت شخيرمن خشمها مادري شنو السبب؟ أنا أعرف القطاوه الي خشمهم flat flat مثل الهملايا يطلع منها صوت بس ما ادري قطوتج doll face يعني خشمها عادي طويل مفروض لا فروحي فحصيها يمكن منشووله ترا صج القطاوه همن تصير فيهم flu
شلون ادلعها ؟أنا لما ابي أدلعهم اشتري شىء اسمه Kitty treats تنباع اب مركز سلطان
شلون اخليها اتيي بحضني ؟ مو كل قطوه طب بالخضون كل واحد لها شخصيه غير

شريت لهاالاشياء الي ذكرتوها من شامبو وبسكوت ومشط ومكان للاكل وتراب وبوكس الله يعزكم شنو في اكو اشياء ثانية بعد مهمة؟ شريتي اللتر بوكس,,شريتي الصندوق مالها علشان لما تزورون البيطري؟ فحصتيها؟ هذيله اهم أشياء

 

[Sparkle]

كا صوره حق snacks ملوتهم
ينكتب عليه temptation وينباع اب مركز سلطان شرق واتوقع اب اب كل مركز سلطان يبيعونهم


وفيه كذا لون اخضر وازرق ووردي على كيفج اخذي له يموتون عليه بس مو تعطينه الجيس الكامل هذا مثل junk food حقهم يعني 5-8 حبات باليوم لان واايد منه مو زين حق ضروسهم

 

[Sparkle]

وهذا صور قطاوتج وأنا صغرت لج الصور انشاء الله يقدر يفيدونج





أنا مو متأكده جنه شرازي مهجن على ما اظن

 

[دانة البحرينية]

الله يعطيج العافية فديتج والله على ردج ماقصرتي ذووووووووووق والله انتي
بس ودي اعرف شنو نوعها واذاعندكم معلومات ثانية الله يجزاكم خير

 

[Sparkle]

الله يعطيج العافية فديتج والله على ردج ماقصرتي ذووووووووووق والله انتي
بس ودي اعرف شنو نوعها واذاعندكم معلومات ثانية الله يجزاكم خير

العفو حبيبتي ما أدري أحسها شرازي مهجن انشاء الله البنات يفيدوونج أكثر

 

[sweet cake]

اول شي مبرووووك القطوه وثانيا الصوت من خشمها ولا لما تلمسين رقبتها تحسين فيه؟
اذا تحسين فيه لما تلمسين رقبتها معناها عادي..

 

[мššααšαα]

كا صوره حق snacks ملوتهم
ينكتب عليه temptation وينباع اب مركز سلطان شرق واتوقع اب اب كل مركز سلطان يبيعونهم


وفيه كذا لون اخضر وازرق ووردي على كيفج اخذي له يموتون عليه بس مو تعطينه الجيس الكامل هذا مثل junk food حقهم يعني 5-8 حبات باليوم لان واايد منه مو زين حق ضروسهم

اولا مبروووووووك لــ راعيه المووضووع سووري بس انا توني مبتدأه نفس حاالتج توني شااريه قطوتي قبل 6 اياام :0bee2e8d89:
سؤااال ...
عادي اعطييه قطوتي
عمرها شهريين​

 

[ياعشيري جعلك السلال]

شكلها شيرازي مع تركي انجورا

لان شعرها كثيف صوب الذيل والرقبه

واذونها طويله وايدها طويله

عيونها اي لووون ؟؟؟


بعدين اهي ماراح تجي بحضنج لانها كبيره

 

[انا بنت جدة]

من خلال تجربتي بكل انواع الحيوانات الاليفه سواء كلاب او قطط بقولك التالي
الصوت هو عادي يكون سببه انو القطوه تركت مكان هي معتاده عليه وحاسه بحزن والخرير اللي تسمعيه شي عادي لاتخافين
بالنسه لحضنك اختلف الراي للعضوعه اللي قالت هي كبيره ماتجي بحضنك ؟؟؟
مع الوقت عوديها لمة تقعدي تحطيها حضنك وتلعبي بشعرها بعدها تلاقينها تجري وراكي وتتدلع عليكي بعد لاتخافيني لاتحاولي تكثري من اكلها لانها راح تمتن
انتظمي بالعياده البيطريه مره كل 3 اشهر وعند الحاجه فقط واتاكدي تاكليها 3 مرات في اليوم كميات معتدله
لاتعوديها الاكل قدامها 24ساعه

ارجو اني اكون افدتك بس لي خبره معاهم اكثثر من 7 سنين

وشكرا حبوبتي

 

[sweet cake]

سبقتني يا عشيري..
انا ما شفت الصور بعد ما عدلتهم سباركل ..ماكانوا طالعين بس اعتقد انها اقرب للانجورا التركي

 

[دانة البحرينية]

فديتكم مشكورين على تفاعلكم صج فدتوني الله لايحرمني منكم لون عيونها عسلي فاتح اشكركم من قلبي