بنات محتاجاتكم ضرورى بخصوص السونار

[حنان1983]

خواتي الغاليالت السلام عليكم ورحمه الله

انا سويت سونار امس عند الدكتور اللى الكل مدحلى فيه ونصحتونى فيه اشرف نور الدين بمستشفى السلام سونار عادي ب 35 دينار وامس كان لى 13 اسبوع ويوم والحمد لله قالى الدكتور انو فينى ولد . هل الاسبوع ال13 مبجر واايد ولا زين ؟؟؟
بنات بسالكم فيه احد جرب السونار وياه وقالكم ولد وكان غلط صراحه انا احاتى ابى اققول حق امى واطمنها وخايفه يكون السونار غاط انا الحمد لله عندي 3 بنات نور عيونى الله يخليهم ووالله انى احب البنات واايد بس تعرفون كلنا نحب نفرح ازواجنا واهلنا بولد صالح ان شاء الله

فيدونى بتجاربكم بنات والله يسعدكم جميعاً .

 

[.. BNT ..]

عمري والله ربي يتمم عليج فرحتج يارب
نطري لاتبشرين ليما تأكدين بعد ,,

 

[النبع المتدفق]

إن شاء الله يطلع ولد مثل ما تمنيتي , :yaaaaaarb: وأنا من راي فرحي أمج من الحين لأن الولد يبين بسرعه بالسونار خو الصبيان ما يستحوووووووون

 

[توحه1]

توكلي على الله ثم على ملك السونار اشرف انا مثلج قالي ولد وكل السونارت الي بعده همن اكدولي ولد الولد ماينغلط فيه خوفك من البنت

والف الف مبروك وربي يتمم عليج ليمن تشيلينه وبحظن امك تحطينه

 

[يادنيا ياغراابه]

للاسف انا سويت عند دكتوره وقالتلي ولد في الاسبوع الثالث عشر وفي الشهر الخامس قالولي بنت انا ما اقولك عشان تتحطمين ابغاك تصبرين حتى ماتتعرضين للاحراج الي انا تعرضتله لاني بشرت زوجي وامي وخواتي واخر شي طلع غلط

 

[Eng.Kokoro]

الله يرزقج اللي تتمنين بس نطري المراجعات اليايه وان شاءالله ولد
مع انه من ١٢ اسبوع في دكاتره يعرفون*

 

[ابك ابيك]

عادي حبيبتي الولد يبين بسرعه مو نفس البنت وانا قالولي بالاسبوع ال13 انا فيني ولد وطلع صح

 

["*آآآنؤؤؤقهـ*"]

ياحبيبتي ان شاااءالله ولد وتفرحين وتفرحيين امج وابو اعيالج

 

[توكلت على الله 22]

الف الف مبروووك

ويااارب يكوون ولد صج

توكلي على الله

 

[tbola]

الله يرزقج بالضنا الي تمنينه نطري لا تقولين حق احد الا لمن تسوين سونار مره ثانيه وتاكدين

 

[@سيدة نفسي@]

انا شخصيا ماأثق الا بسونار الأسبوع الـ17 فما فوق

الله يجعل مافي بطنج ولد صالح باااار ويقر عينج وعين أبوه فيه

ياااارب يااااكرييييييم

 

[ام الحلوااات]

نـــــطـــــري يــــاحــــنـــــو للســـــــونــــاااار الـــيـــــاي عـــشــــــان تتـــــاكـــــــديـــــن
واللــــــه يــــرزقـــــج الــــــولــــــــد اللـــــي يــــســــــر خـــــاطــــــــرج​

 

[حنان1983]

تسلمون بنات الله يطمنكم جميعا وان شاء الله بنطر للاسبوع 17 واسوى سونار مره ثانيه وكل اللى يجى من الله حياه الله

 

[ملكه بكبريائي]

الله يرزقج بالولد الصصالح اللي يعينح عالخير
وان شاء الله يكون عون لج ولبناتج


ربي يتمم لج على خير ي قلبي

 

[ماريا 1986]

الله يزقك بالولد الصالح ..انتظري شهر وسويه من جديد عشان تتأكدي ..

 

[حنان1983]

ملكة بكبرئائي وماريا تسلمون على الدعوه الحلوه ولكم بالمثل يا قلبي