بنات متى اراجع وباي مستشفى

[كتكوته حبيبي]

السلام عليكم
شلونكم
بنات متى اراجع الصراحه مالي خلق مستشفيات وانا راح اراجع لي السادس اذا الله كتب بالحكومه لظروف خاصه وبعدها ببدي بالخاص فاي مستشفى اراجع اروح المستوصف ولا المستشى احسن ووين تنصحوني اولد انا مفكره يالسلام يالمواساه سا دار الشفا شبقه بعد هههههههههههه شنو احسن مستشفى من هذيل واي دكتوره مره مو ريال احسن وانشاء الله ناويه اخذ ابره ظهر منو احسن وحده تغزها بنفس المستشفى وشلوون الاسعار غاليه انا الصراحه خرعوني من دار الشفا يقولون واايد يغلطوون

​

 

[كتكوته حبيبي]

بنات سوري عالبدليات

 

[حرم النقيب]

والله انا غشيمة كل مرة البنات مايقصرون يدلوني بس حبيت ارفع الموضوع

 

[ام فواازي]

شوفي الحين من يتم حملج 8 اسابيع روحي اخذي سونار عشان وضع البيبي و نبضه
على فكره مراجعات الحكومه احسن مليون مره من الخاص بس بالولاده الخاص احسن
الحكومه حيل يهتمون بتحاليل و صحتج و صحة البيبي عرفتي والزحمه بكل مكان انا اروح مراجعه بالمواساة الساعه 6 اقعد الى 9 بالنسبه لي بالحكومه بسرعه يمشي الدور
نصيحه من تدخلين الثالث روحي التخصصي وسوي ملف راح يعطونج موعد بعد شهر تقريبا تكونين بالرابع وهذا افضل وقت للمراجعه وكل شهر بيكون لج موعد ومن تدشين الثامن يكون موعدج كل اسبوعين وبالتاسع كل اسبوع انتي راجعي عندهم لين توصلين اخر الثامن بعدها روحي للمكان اللي بتولدين فيه ابدي راجعي عندهم
انا افضل المواساة ارتاح حق هالمستشفى وعندج فرجينيا يمدحونها انا مراجعاتي دايم عند محمد الافغاني ولادته 550 دينار من غير ابرة ظهر << لها سعر غير جنه 80 دك وماانصحج فيها ياربي لك الشكر مادري شلون ياخذونها البنات تشل رجولج ماتقدرين تحركين صبع رجلج ومرت حماي حطوها لها غلط سببلها ارتفاع بالضغط مادري هبوط قام يصفر عندها جهاز القلب و تعبت حيل بسبتها وانتي كيفج

 

[miss_q8ya]

انا بالنسبه لي من احلل اراجع لان عندي اجهاضات اسمالله عليج علشان المثبتات
ولازم اتبلشين بالفولك اسد
وبالنسبه لي السلاااام وبس ماافكر اغيره مكانه وايد احسن من الباجي ومن داخل شرح
والدكتوره نزهت شااطره وصبووره

 

[ام الحلوااات]

اااااااب

 

[رموش النمــــلة]

انصحج بالدكتورة انيتا بالمستشفى الهادي الصراحة عنايتهم حيل حلوة ونظافة
وتقبلي مروري