بنات ما عليكم امر عندي مشروع.....بس بليز لحد يضحك علي

[life1]

مرحبا








شونكم.؟.؟.






انا الصراحه مشروعي اني ايييب خرفان جذي تقريبا اب 150 دينار وازوجهم واخليهم يتكاثرون وابيعهم

بس المشكله ويييين احطهم الي تعرف مكان سنع خلي تعلمنى

والي ندها خبره او سامعه ابااحد او نصيحه لا تبخل علينا والله يخليه ابميزان اعمالكم يا رب


واخر شي ابيه منكم انه تصوتون فوق بالاستطلاع

وما قصرتوا

 

[Ms. luxury]

هلا حبيبتي ..فكرتج حلوة لكنها موناجحة مع هالمبلغ لأسباب وهي:
إذا سعر الخروف الواحد ألحين ب80 دينار وبعد رمضان راح ينزل سعرهم شوي وعلى عيد الضحية راح يرتفع سعرهم مرة ثانية ..ف150 راح تييب لج خروفين يمكن بس ..احنا للحين ماحسبنا علفهم وعلاجهم ..سعر العلف ألحين يبدا يرتفع ليييييين عيد الضحية ..وحسبي اللي بيوصل لهم العلف (سيارة وانيت أو هاف لوري ) مادري اشكثر يقعد بس يمكن 4 أيام جذيه يمكن ..وتردين تأجرين وانيت يودي لهم العلف إن كانوا بمنطقة كبد أو بالبيت عندج إذا عندكم مكان راهي ..ضيفي قيمة التطعيمات وعلاجاتهم ..
ألحين حطي ببالج الخسارة يمكن يمرض واحد فيهم ويموت وهذا شي طبيعي بالخرفان ..ويمكن نعجة وهي تولد تموت وهم بعد هذا شي طبيعي ووايد يحصل ..
فنصيحة ربع زوجي وعمي أهل الخرفان : إذا موأقل من ألفين راس خرفان لاتغامرين ..
وموفقة حبيبتي

 

[Ms. luxury]

ونسيت أكمل نصيحتي ..حبيبتي حطيها قاعدة بحياتج هالمقولة (طريق الألف ميل يبدأ بخطوة ..) ابدي بشي صغير وبعدين ثبتي على ريولج عدل وثبتي نفسج بمدخول حلو لو يكون شي بسيط ..(خياطة أو صنع حلويات بالبيت أو بيع محاشي وورق عنب وهالسوالف) وبعدها يمعي من اللي يدخل عليج ومسكي نفسج لاتستانسين عاللي يمعتيه وتغامرين بأي شي ..بعدها اشتري شي يدر عليج مدخول أكبر..
مثل مرت يارنا أول كنا بمنطقة القرين كانت تسوي حلويات وتبيع الكيلو ب6 دنانير وشي ب10 دنانير وكانت حلوياتها معدودة وكانت تبيع عالييران وربع ريلها ..وشوي زادت جم نوع حلو ويابت فلبينية ثانية تساعدها يمكن استمرت سنتين من عقب مايابت الفلبينية وبعدها يابت فلبينية ثانية قامت المرة تاخذ الطلبات وتامر على الفلبينيات يسوون ويجهزون الطلب وشوي حطت سايق يوصل الطلبات ليييين صار لها 5 أو6 سنين على هالحال ..وتونا قبل سنة سمعنا انهم شروا بيت ثاني ومازالوا ساكنين ببيتهم القديم وأجروا البيت اللي شروه وقام يدر عليهم مدخول ثاني ..
شفتي الصبر شيسوي!!!! ماشاء الله الله يبارك لهم
وتعرفين عباس أكبر ؟؟اللي عنده عمارة عالبحر بالسالمية يم سوق السالمية بلازا ؟؟ هذا أبوه كان يشيل وسخ الناس (خروجهم والكاكا )عزج الله سامحيني ..كان يشيلها من فوق سطوح الناس ويحصل آخر يومه المقسوم كان ياكل بنص ويخش النص ويمع ليييين صار من أصحاب الملايين ..
أهنيج على هالخطوة الحلوة اللي بديتي فيها وهي التفكير بالشغل وطلب الرزق ..بس لاتنسين الاستشارة مثل ماسويتي ألحين ولاتنسين الاستخارة

 

[akadenia]

جزاج الله خير يا شهيرو

نصيحة حلوة و من قلب احسج تكلمتي

فعلا انا بعد رايي جذي الواحد يبدا لو من الصفر بس يحط الهدف جدامه

بالعكس فكرتج ما تضحك يا صاحبة الموضوع بس انتي درسي السوق و شوفي ريال يوقف معاج لان هالشغلة عادة الريايل اخبر فيها

شوفي شنو النوع الطيب من الخرفان
شوفي مزرعة او حوطة بجبد مثلا او العبدلي و تحطينهم
حاولي باحد من الربوع او الاهل بحيث ما تقولين انج حاطتهم للتجارة قولي مثلا يوني هدية وموعارفة وين احطهم

شرايج ؟؟؟؟؟؟؟؟؟؟؟ فكرة جهنمية

الله يوفقج و يوفقنا

 

[Marmour]

انا ماعندي خبره


و كلام البنات الي فوقي كفى

بس فكرتج حلوه و خلج متفائله فيها و صوتلج بـ نعم =)

 

[التجوري]

مرحبا








شونكم.؟.؟.






انا الصراحه مشروعي اني ايييب خرفان جذي تقريبا اب 150 دينار وازوجهم واخليهم يتكاثرون وابيعهم

بس المشكله ويييين احطهم الي تعرف مكان سنع خلي تعلمنى

والي ندها خبره او سامعه ابااحد او نصيحه لا تبخل علينا والله يخليه ابميزان اعمالكم يا رب


واخر شي ابيه منكم انه تصوتون فوق بالاستطلاع

وما قصرتوا

حبيبتي تبين مكان حق الخرفان
أجريلهم شقه وحطيلهم خدامه
بجذي انحلت المشكله

 

[life1]

هلا حبيبتي ..فكرتج حلوة لكنها موناجحة مع هالمبلغ لأسباب وهي:
إذا سعر الخروف الواحد ألحين ب80 دينار وبعد رمضان راح ينزل سعرهم شوي وعلى عيد الضحية راح يرتفع سعرهم مرة ثانية ..ف150 راح تييب لج خروفين يمكن بس ..احنا للحين ماحسبنا علفهم وعلاجهم ..سعر العلف ألحين يبدا يرتفع ليييييين عيد الضحية ..وحسبي اللي بيوصل لهم العلف (سيارة وانيت أو هاف لوري ) مادري اشكثر يقعد بس يمكن 4 أيام جذيه يمكن ..وتردين تأجرين وانيت يودي لهم العلف إن كانوا بمنطقة كبد أو بالبيت عندج إذا عندكم مكان راهي ..ضيفي قيمة التطعيمات وعلاجاتهم ..
ألحين حطي ببالج الخسارة يمكن يمرض واحد فيهم ويموت وهذا شي طبيعي بالخرفان ..ويمكن نعجة وهي تولد تموت وهم بعد هذا شي طبيعي ووايد يحصل ..
فنصيحة ربع زوجي وعمي أهل الخرفان : إذا موأقل من ألفين راس خرفان لاتغامرين ..
وموفقة حبيبتي

حبيبتي والله ما قصرتي وصج كلامج طالع من قلب بس جنه 2000 راس وااااايد بس مثل ما قلتي الصبر حلو وانا هم راح احاول ادور مكان واحسب متى الخرفان راح يصعد اسعارهم وتنزل يعني مثلن اعطي مهله سنه اذا صج ناويه ابده على ما اكون خبره ولا شرايج....؟

 

[life1]

جزاج الله خير يا شهيرو

نصيحة حلوة و من قلب احسج تكلمتي

فعلا انا بعد رايي جذي الواحد يبدا لو من الصفر بس يحط الهدف جدامه

بالعكس فكرتج ما تضحك يا صاحبة الموضوع بس انتي درسي السوق و شوفي ريال يوقف معاج لان هالشغلة عادة الريايل اخبر فيها

شوفي شنو النوع الطيب من الخرفان
شوفي مزرعة او حوطة بجبد مثلا او العبدلي و تحطينهم
حاولي باحد من الربوع او الاهل بحيث ما تقولين انج حاطتهم للتجارة قولي مثلا يوني هدية وموعارفة وين احطهم

شرايج ؟؟؟؟؟؟؟؟؟؟؟ فكرة جهنمية

الله يوفقج و يوفقنا

حبيبتي ما قصرتي وابميزان حسناتج لانج رفعتي معنوياتي.....



واتمنى الكل يستفيد مو بس انا وايدج بيد النبي محمد عليه الصلاة و السلام ما ادري ليش حسيت انه قلوبكم بيضه وتحبون الخير لغيركم

 

[دلع قحطان]

والله فكررتس حلوووه

وربي اعررف نااس وااجد

على ذا الخرفاان عاايشيين


وخصووصا وقت الموواسم العييد المنااسباات

وربي يكسبوون فيهاا


والبناات مااقصرووا معتس

والله يووفقتس ويسهل امررتس

وتصيير اكبر تااجرة موواشي بالكووويت
عااد لاتنسييني بخرروووف وااحد للعيد >>مااهي بطماااعه هع

موفقه

 

[life1]

مشكورين خواتي والي عندها خبره خلي تفيدنا فيهاااا

 

[life1]

تستاهلين اختي دلع كل خييييير

 

[مطيرية متواضعة]

صعبة عليج

شنو ماطرت عليج الا الخرفان

بس ترى انصحج كل يوم اقعدي ساعتين فكري بمشروع وبتلقين مشروح سنع ومربح

اهم شيء تفكرين كثير بالموضوع .... موفقة اختي

 

[life1]

شدعوه ليش صعبه.........؟

 

[السيدة لانجري]

مسهء الخير بغيت ارف شلون اصير عضوة كل ما دخلت طلعوني

 

[life1]

حبيبتي شلون يطلعوووووووج؟؟؟؟

 

[Ms. luxury]

حبيبتي life1 والله أنا لما قريت موضوعج ضحكت لأن مرة كلمت زوجي بنفس فكرتج وهو اللي قال لي هالكلام اللي شرحت لج إياه فوق .زوجي 3 من ربعه عندهم خرفان ودايما يقولون إذا موأقل من 2000 راس لاتتاجر فيهم ..لأن حبيبتي لازم تحسبين قيمة علفهم وحسبي حسابج كل 4 أيام بتييبين لهم علف وحسبي إيجار الصبي الهندي أو البنغالي اللي بيقوم فيهم ويوكلهم وحسبي فلوس تطعيماتهم وحسبي خسارتج باللي يموتون ..
انزين انتي جربي تشترين ألحين اثنين وتييبين لهم العلف وتحطينهم بمزرعة من مزارع معارفكم إذا تعرفون أحد ويكون الصبي هو اللي يقوم فيهم وانتي تودين لهم العلف (أقصد واحد منكم إذا كان عندكم وانيت شوفي العلف بجم وبس جذيه راح تحطين فوقهم بس قيمة العلف وشهرين على ماإيي عيد الضحية يرتفع سعرهم لين يوصل سعر الخروف الواحد 100 دينار أول أيام العيد وبيعيهم ..بس راح يصير ربحج بسيط جدا ..وهذي نصيحتي وانتي جربي ان شاء الله تصيب معاج وبعدين بالمحاولات الثانية تحاولين تزيدين عدد الخرفان شوي خل يصيرون كلهم 4 خرفان بس هالمرة راح تضيفين لهم مبلغ أكثر لأن عددهم زاد وكمية العلف تزيد وإيجار الصبي اللي بيقوم على رعايتهم ..أتوقع جذيه يعني ..لأن موبس تشترين الخروف وبس ..لأ ... في معاه شغلات ثانية مثل اللي ذكرتها لج ..وبالأخير انتي استخيري

 

[Matilda]

ههههههههههههههههههههههه يحليلج ليش خرفان
اخذي لج هامستر اشتري وزوجيهم واهم بسرعه يفرخون اخوي جذي كان يسوي يبيع الجوز على 8

 

[غربــــة اِحساس]

ههههههه ماقدرت امسك نفسي

حلوة الفكرة وماتوقع بنت فكرت فيها من قبل

شوفي حبوبة السالفة يبيلها مجابل وراس مال قوي

واحد من اهلنا حاول

تخيلي وفر

1 جاخور عشان يحطهم فيه

2راعي غنم وصبي عشان يراعيهم

3 علف عشان ياكلون ويمتنون

4تنكر ماء عشان يشربون ويتهنون

5 رعاية صحية طبيب بيطري يمر عليهم

وبالاخير مسكين اعتسف حاله


يعني انتي درسي الموضوع من كل جوانبه وشوفي امكانياتج المادية وقرري

بعدين سوق الخرفان موسم .. رمضان او عيد الاضحى

يعني ماتوقع شغال طول السنة

موفقة : )

 

[life1]

حبيبتي الهامستر نوع من الفيرااااان عدل؟؟؟

تتوقعين ماشي بديرتنا...؟

 

[life1]

اتمنى من المشرفاااااات يساعدوها اذا قاعدين يسقرون رسالتي