بنات مالحظتو الديوان وربي يقهر

[لهفة المشتاقه]

:eh_s(14):سلام عليكم

شلونكم بنات؟؟؟ شخباركم؟؟؟

وربي يقهر الديوان انا حاظه ثلاث رغبات بالوظيفه

رقم واحد الاوقاف الثانيه التربيه الثالثه الاشغال

تخيلوووووووووووو !!!! ولا وحده طلعت فيهم حطوني بوزارة الصحه

ابي اعرف ليش مو تارسه عيونهم رغباتي وربي انقهرت:eh_s(16)::eh_s(16)::eh_s(16):

وماتلاحظون بس يحطون بالوزاراة اللي غير مرغوووبه مثل وزارة الدفاع والصحه والكهرباء والماي الاخرى

وربي يقهرووووووووووووون :rgewrg:والله ودي افجر فيهم ينقعونا خوش تنقيع يذلونا ذل

شسالفه خلصو الوظايف؟؟؟ يعني لازم واسطه قويه والا ماعندها شتسوي تنتحر مثلا

وربي قاعده اكتب وانا حدي مقهوره اف اف اف بس مايحسون :eh_s(14)::eh_s(14)::eh_s(14)::eh_s(14)::eh_s(14):
​

 

[بنت احلى ديره]

اي والله صاجه

شنسوي الله كريم

انا جذي بعد اول ما سجلت اقبلوني الصحه ورفضت
ونقعوني تقريبا 7 اشهر واليوم دزولي مسج قبلوج العدل

مع ان ولا وحده حاطتها من رغباتي
لا وبعد مسويه واسطه ولا انفعت مادري شيبون بالضبط
الله يعينه بس :bbbiu:​

 

[جميلة الجميلاتي]

والله قولو الحمدلله اذا انتو عندكم 7 شهور وايد فانا شقول سنتين وداشه بالثالثه ولا انقبلت باي مكان فالواحد لما يشوف مصايب الناس تهون عليه مصيبته ونسيت اقولكم على البركه الوظيفه اليديده

 

[** باربي **]

اي والله قهررر
بنااات دارسين مع بعض او وحده انزل من مستواج الدراسي

تنحط بالمكان الي تبيه اوانتي تنقعين سنين يلفونج ويدرونج وينطرونج تالي بأزفت وضيفه يدرون مار راح توافقين

 

[ريماس21]

ههههههههههههه هذاا الديووان صل علي النبي



لاواسطه تنفع ولاا شي



الله كريم يختج

 

[لهفة المشتاقه]

بنات انا ماتوظفت انا ماابي الصحه

راضيه بالتربيه او الاشغال خلاص عوووووووووووووووع يالاوقاف مع انها كانت رغبتي الاوله

وربي مليت حيل ابي البس اكشخ اطلع

 

[ريماس21]

روحيي لهم شووفي ان قالوا لج انسوي رفض لج ويرد اسمج للديووووااان لاتسووين الرفض ماتدرين جم تنقعين على مايوظفونج


اما اذا خيرووج يعني في ساعات يكوون في اماكن يبونج غيررج رافضهم فيصير تبديل عرفتي شلون


بس الواااسطه تكون موجوده معاج

 

[أم خـــدود]

واااااااااااااااااااااااااااي انا شقول

ثلاث سنين ونص ناطره واااااااااااااااااااااااااي ياربي


حبيبتي نصيحه على قولتهم مسكي مجنونج لايجيج اجن منه ههههههههههههههه

عاد انا اقولج مسكي وظفيفتج لايقطونج بخيس منها والله ديري بالج وله اطولين

 

[نتوفه]

جننننننننج انا الرغبه الاولى الاوقاف الثانيه التربيه
بس للاسف هذي ثالث دفعه تنزل واسمي مو معاهم
اوووووف حده قهررررر
واللي يبط الجبد زياده اذا شييكت على رقمي بالديوان ماينزل الا رقم واحد ولا قمين وهالشلللللللقه اللي نزلت اساميهم وين رااااااحوا
اوووووووف اللهم لا اعتراض

 

[أم خـــدود]

نتـــــــــــوفه

فديتك انتي باين عليج الصدمه من صورتج الشخصيه هههههههه والله صج ونستني صورتج

احس انها انتي مصدومه من الديوان والله مادري ليش ههههه فديتك هذا الديوان مايرشحنا اله اذا بقى على التقاعد سنه بيرشحنا هههههههههههه

والله انا صارلي 3 سنين ونص شقول ياربي وللحين رقمي خااااااااااايس مايتحرك


وإيه صج لاتزعلين من كلامي فديتج ترى احب الغشمراااااا وضحك معاج فديتج وفديت اللي مصدومه بالصوره ونستني والله

الله كريم

 

[سميرة العوضي]

والله قولو الحمدلله اذا انتو عندكم 7 شهور وايد فانا شقول سنتين وداشه بالثالثه ولا انقبلت باي مكان فالواحد لما يشوف مصايب الناس تهون عليه مصيبته ونسيت اقولكم على البركه الوظيفه اليديده

نفس كنت اللي بقولة .. قولوا الحمد الله في ناس سنين و في ناس اشهر ولا مرا ترشحوا او حتى ارقامهم تنزل ثابته او ما تنزل كثير

و ما تدرون ترى يمكن تكون خيره لكم ان ما انحطيتوا بالمكان اللي تبونه << شوفوا انا اختي انحطت بمكان ما تبيه سوينا لها واسطة و نقلناها باللي تبيه الحين ما تبي و ما كملت سنه و لايعه جبذها من المكان و اللي فيه و الحين تبي تنتقل

فصدقوني يمكن خيره

و مبروكين الوظيفة :eh_s(7):

 

[HapPineSs]

هذيل حاطين دوبهم دوبنا !!
الظاهر يا انهم يعاندونا ... يا يتحرشون .. او يستهبلون
يبه لا تحطون لا ديوان ولا بطيخ .. من اول ما نتخرج نزلو اسامينا على كيفكم ووظفونا على كيفكم .. وكل شي يصير على كيفكم
ههههههههههه !!!
بعد هذي حاله !! مواعيد ورغبات وخبونا خبه واخر شي يحطونا اي مكان مجرد تشيير؟ انزين واللي حاطينه ؟ نلعب معاكم يعني؟

الله كريم يارب .. الله يسهل ان شاء الله على كل البنات
يبه ماكو الا نفتحلنا شركه خاصه فينا ونشتغل فيها بدال هالبدله والمذله !

 

[أم عبود 2011]

بعطيكم خطة وادعوا لي هههههههههههههههههههههههههههههههههه
اللي طاف على تسجيلها أكثر من 6 شهور أو سنة وما توظفت تروح الديوان وتقدم على بدل بطالة من يشوفون السالفة فيها فلوس بدبرون لكم مكان على طول ونصيحة لالالالالالالالالالالالالالالالالا ترفضون أي وزارة بحطونكم فيها ترا الشغل بكل وزارات الدولة نفس الشي وبالأخير اتم هذي رزقة من الله وين ربج قاسم لج رزقتج بتاخذينها جربوا هالطريقة وشوفوا شقولون لكم على مسئوليتي والله وايد بنات سووها وتوظفوا وبعدين اللي تبي وزارة معينة ما تبي غيرها تروح الديوان وتسوي ربط عالوزارة اللي تبيها وإنتي وحظج عاد المشكلة الوزارات إهي اللي تحدد التخصصات المطلوبة وتبلغ الديوان بهالشي وربي يوفقكم

 

[لهفة المشتاقه]

وربي شي يضيق الخلق انا ريلي مو راضي الصحه يقول مايحبها

ابي اشتغل مليت من قعدت البيت احس منقطعه عن العالم

 

[شوق الولايف]

مدري ليش حاطين الرغبات أصلا
أنا مو حاطه إلا التربيه وقطوني بالصحه =(


..

 

[CUTE_LIZ]

هذا الديوان، انا حاطة رغبتي الاوقاف حطوني بالتربية ورفضت

 

[kamoona]

رد: Re: بنات مالحظتو الديوان وربي يقهر

بعطيكم خطة وادعوا لي هههههههههههههههههههههههههههههههههه
اللي طاف على تسجيلها أكثر من 6 شهور أو سنة وما توظفت تروح الديوان وتقدم على بدل بطالة من يشوفون السالفة فيها فلوس بدبرون لكم مكان على طول ونصيحة لالالالالالالالالالالالالالالالالا ترفضون أي وزارة بحطونكم فيها ترا الشغل بكل وزارات الدولة نفس الشي وبالأخير اتم هذي رزقة من الله وين ربج قاسم لج رزقتج بتاخذينها جربوا هالطريقة وشوفوا شقولون لكم على مسئوليتي والله وايد بنات سووها وتوظفوا وبعدين اللي تبي وزارة معينة ما تبي غيرها تروح الديوان وتسوي ربط عالوزارة اللي تبيها وإنتي وحظج عاد المشكلة الوزارات إهي اللي تحدد التخصصات المطلوبة وتبلغ الديوان بهالشي وربي يوفقكم

رحت على اساس اقدم على البطاله قالولي تعالي 1-4 الميزانيه عندهم مادري شفيها مع اني كملت 6 اشهر مالت :eh_s(14):

 

[يرخصلك كل غالي]

هههههههههههه

انا بعد الكهرباء ما كانت من رغباتي بس انقبلت فيها وطولت ابي انتقل للاوقاف مارضى الديوان قالو نطري 300 بنت مسويه ربط
وباشرت بالكهرباء وسبحانه كانت خيره لي

انحاشي من التربية ومن الاشغاال وعوووووووو