بنات مادري شفيني حاسه بضيقه و كله ابجي

[وعد2006]

السلام عليكم
بنات مادري شفيني بس ابجي وكله متضايقه حتى لما اسولف مع خواتي ونكون مجتمعين و نضحك ومستانسين فجأه تجينييي ضيقه قويه واقعد ابجي
حتى النوم تغير صرت مااقدر انام كلش
بس افكر وماني مع الناس وبعدت عن الكل
مالي خلق ارد على احد ولا اكلم احد مابي اضحك مابي شي بس ابي اقعد بروحي بفراشي واسكر الليتات وابجي حتى الاكل يابنات نسيته ماقمت اجوع احس ودي اموووت ودي اصيييح ودي انحااش مادري شسوي
اسفه طولت عليكم بس محتاجه احد يسمعني و يفهمني انا شفيني ليييش جذي
لو مو حاسه بالامان والراحه معاكم جان ما فتحتلكم قلبي
اتمنى تردون على هالموضوع
وشكرا

 

[فاقده حنان ابوه]

حبيبتي اقري قران اخاف عين واستغفري

 

[خآنت بي قوآي =[]

-

يمكن تكون عين ؟
حبيبتي اخذي زيت زيتون واقري فيه الرقيه الشرعيه وكل يوم ادهني جسمج به وكل يوم اقري الرقيه الشرعيه والله ترتاحي
نفس الأعراض اللي فيني ودايم اسوي جذي والحمدلله ارتاح
ومافيج الا العافيه ان شاءالله
ودايم استغفري وراح ترتاحين

 

[هذاك أول]

هلابك تعوذي من أبليس واذكري ربك

عادي دايم نحس في ضيقه وودنا نبكي بدون سبب ومانكون طايقين شي ولاكلمه ولانبي نشوف احد حتى نمل من الانترنت ونمل من المسن ومانبي نتواصل مع احد والله حتى النوم يصير مالنا خلق ننام عاادي قلبي لاتحطين في بالك
وحاولي تغيرين جو نفسك سوي شي غريب اقولك روحي اصبغي شعرك وغيري القصه ترى والله تتغير النفسيه ظبطي حواجبك اشتري ملابس جديده ماتعودتي تشترينها اقري قرآن كثير صلي حاولي تسولفين مع اهلك سوي فيهم مقالب غيري الجو في البيت<< بس قرقت ووواجد
الله يسعدك ياااااارب ويشرح صدرك وييسر أمرك

 

[*الغاليه*]

انتي مافيج الا العااافيه

هذاا وسواااس من الشيطاان

يبي يصررفج عن ربج ودينج

خليج اقوى منه شغلي البقره والتزمي بالصلاه والاذكااار

اشغلي روحج بشي ينفعج ابتعدي عن مجالس السوء

داارج داايم فتحي دارايشها وشغلي فيها البقره
وطلعي منها كل شي يضايقج سواء صور او تماثيل

وربي يشررح صدرج وينور دربج ويكتبلج الخيرر

 

[القصيدة]

السلام عليكم و رحمة الله و بركاته

(( الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللًّهِ ألا بِذِكْرِ اللَّهِ تَطْمَئِنُّ الْقُلُوبُ ))

الله يوسع صدرك بالعافيــــــــــــة يا الغاليـــــــة :eh_s(17):​

 

[حبي لله اشد]

ليش كل هالتفكير فيج شي ؟
مهمومه شي ؟
اذا مهمومه كلشي وله حل انشالله
ولا عليج العاده او قربت ؟
لانه صج وقت العاده البنيه بس تبي تبجي ..!
واذا عادي كل مره جذي
مسكي قرآن قعدي ادعي
هذا الشيطان قاعد يسوي فيج جذي
يبي يخليج تتأزمين
قعدي ادعي وقوي علاقتج بربج
راح تمر حياتج بســلام انشالله
والله يوفقج يااارب

 

[وعد2006]

مشكووورين وما قصرتوا
جزاكم الله خييييير

 

[القلب الخالي]

حبيبتي هذي بداية اكتئاب
انتبهي ع نفسج وغيري جو

 

[ł ŏ ł γ . . ✿]

نفس مآقآلو آلبنآت و بزيد

سآعآت آلدوره آلشهرية تسبب هآلحآله ، يعني قبل لآ آتييج و و وقت مآ آنتي عليج آلدوره و عقب لمآ تروح يختفي كل شي

 

[فديت شماغك]

عليـ يالغلا بالقرآن والمعوذات والاذكاااار

 

[فيونكه..~!]

حـآله ةة وتعدي

صـآرت لـي آلسسنه ة اللي فـآتت وكنت كآرهه ةة نفسسي .,

ومـآأبغا أححد يكلمني ولآيضضحك معي وانا ضضحكت بسس مجـآمله لههم ..,

ولآبععد غبت أسسبوع عن آلمدرسسه ةة وكنت مـآأبغغا أكممل دراسستي ..,

حتتى وانـآ أصصــلي أبكــي ومـآدري على شششنو أبككي ..,

قعدت معـآي ششهر وبععدين رآأححت ..,

وأقري قرآن وسسوره آلبقره وآلله يششـآأفيك

 

[بشويش يآ دنيآ..]

الله يبعد عنج الضيج يااربي,, اذا حسيتي بالضيج قولي هالدعاء حبيبتي((اللهم اني عبدك ابن عبدك ابن امتك ناصيتي بيدك ماض في حكمك عدل في قضاؤك ,,اسألك بكل اسم هو لك سميت به نفسك أو انزلته في كتابك او علمته احدا من خلقك او استأثرت به في علم الغيب عندك ..ان تجعل القرآن ربيع قلبي ونور صدري وجلآء حزني وذهاب همي)) ..وربي يفرجها عليج باذن الله

 

[g.n.3]

حبيبتي هذي ضيقه من العين والحسد وانا انصحج انج تقرين علي نفسج وتشربين ماي مقري وماتخلين صورت البقره نهائيا لان سوره البقره فادت امي اهيه نفس حالتج بس اشوه راحت عنها شويه بس من مده لي مده تجيلي
وانصحج بصروه البقره كل يوم والمعوذات تقرينها مغرب
ادري طولت بس حبيت افيدج

 

[قره عيني صلاتي]

مافيج الا العافيه ان شالله بس تقربي من ربج واذكره اكثر واقري قران حببتي كل ماحستي بضيقه توضي وصلي لج ركعتين

 

[أمونـه الحمادي]

حبيبتي ترا هذي عين اعوذ بالله منها

نفس الاعراض حصلتلي من سنتين تحسين كله مهمومه وودج تبجين ومتضايقه

اقري سورة البقرة على طول وعليج بالرقية الشرعية ارقي نفسج واقري على روحج المعوذات وين ماتروحين

وعسى الله يشافيج ان شالله ..

 

[مينونه1]

لانج ماتقرين قران وماتصلين الصلوات ف وقتها

بليز حبيبتي حاولي تقرين قران وتصلين الصلوات ف وقتها

وتقرين سورة البقره

وووووووووووووووووووووووووووووووووووو ربي يفرجججهااااااااااااا عليج