بنات مادري شسوي امي فيها ثعلبه :( ساعدوني

[نملة حوله]

شلونكم خواتي
مادري شقولكم حدي مصدومه ومظايقه وقلبي يعورني وميته من البجي ..

امي اللي مالي غيرها بهالدنيا اكتشفنا اليوم بقعه مافيها شعر براسها حجمها 50 فلس !!:eh_s(16):

انا تعبانه وايد ومادري شسوي يدتي قالت لها هذي ثعلبه بس انا خايفه انها شي ثاني اسم الله عليها:eh_s(16):

بنات الله يخليكم كلموني .. ردو علي .. صج ثعلبه ؟؟؟ وشنو علاج الثعلبه ؟؟

قلبي معورني وااااايد امي حبيبتي تكسر الخاطر وايد تعبت معانا .. ويدتي تقول هذي حاله نفسيه .. ولان صج مسكينه امي ماشافت يوم حلو

الحين ابيكم تردون علي وتهدون علي شوي لاني مخنوقه :eh_s(2):

وقلت حق امي تروح الطبيب .. بس امي عندها دهن مقري عليه ومشالله اي ظيقه تحوشها او اي شي يصير لها على طول ادهن عمرها فيه وتشرب منه ..

ف قالت لي ماراح اروح الطبيب .. وبحط الدهن المقري وبتشوفين بعد اسبوع بيطلع الشعر

انا خايفه عليها وايد

مالي غيركم من بعد ربي حبيبي .. ساعدوني ​

 

[شكليطه]

ياعمري الله يحفظ لج امج وامهاتنا الغاليات

حبيبتي انتي لا تزيدين الحاله على امج اكثر واكثر

خلي نفسيتج حلوة معاها ولا تبينين لها انج خايفه او متضايقه

وبعدين خل تتوكل على الله وتراجع طبيب جلدية وتشوف

وزين سوت يوم قامت تدهن بالزيت المقري فيه

عسى الله يشافيها


شوفي حبيبتي انا اخوي من يوم كان صغير واهو فيه ثعلبه
ومسكين ما بقا شي ما جربناه معاه

لكن يوم كبر حاول ما يعطي الموضوع اكبر من حجمه.....والحمدلله مع الوقت بدا الشعر يطلع وتقل مساحه الثعلبه

ولله الحمد


نصحونا بالثوم.......اذا امج تتحمله خل تسمي بالرحمن وتجربه


ومافيها الا العافيه ان شاءالله

 

[atooma]

اختي العزيزه عن تجربه والثعلبه براسي كبر كف اليد وديها طيبه كلينك عند دكتوره نهله رمزي وغير هذا واهم شي مع العلاج خليها تقرى ايه الكرسي والفاتحه والمعوذات ثلاث مرااات واذا محسوده خليها تقول هالدعاء
(بسم الله يبريني من كل شي يؤذيني من كل عين حاسده الله يشفيني)

وللامانه هذي الشغله انا اسويها كل يوووم وهي من اخت بالمنتدى والله نسيت اسمها وجزاها الله الف خير طلع شعري والحمدلله

وعسى ربي يشفيلج امج

 

[LaSt WoMeN]

خلتفرك مكانها بثووم كل يوم و ابشروا بالخير

 

[منورة الكويتية]

حبيبتي لاا تحاتين
ان شاء الله مافيه خوف
وعلاجها هين
خل تقرأ على نفسها وتروح الطبيب وان شاء الله ماكو الا الخير
لا تحاتين وايد والله يطمن قلبج عليها

 

[كندريه حلوه]

حبيبتي اخذي فص ثوم وفركي مكان الثعلبه لي يطلع دم بس يعور لان حار بس باذن الله تروح

 

[أبلـــة منيـــرة]

لا تحاتييين عادي ان شاء الله



واهي تروح مع العلاج على ما اظن وان شاء الله خير

 

[سيد-الغنادير]

ما تشوف شر الوالده

 

[رنين]

خلها تدهن بالزيت و تروح الطبيب و تحط ثوم بعد يمدحونه...



يعني شفيها اذا راحت الطبيب.....
اعقلها و توكل....


و حتى النبي صلى الله عليه و سلم في آخر ايامه و هو معلمنا الدين ....و عارف ان هذا مرض الموت....كان يجيب الأطبا و ياخذ الدوا!
و يخلي أهله يعالجونه.بالكمادات و الأدويه و القرايه.


فخل تتعوذ بالله من ابليس و تروح الطبيب و تتوكل على الله بروحتها مثل ما هي متوكله عليه بالزيت المقري...و أهم شي حطي ايدج على راسها و اقري الفاتحه 7 مرات و ماتشوف شر انشالله.

 

[ضحـاوي]

حبيبتي اخذي فص ثوم وفركي مكان الثعلبه لي يطلع دم بس يعور لان حار بس باذن الله تروح

كلام كندريه صح

هذا اضمن علاج ونتيجته مضمونه 100%

 

[نملة حوله]

يابعد قلبي الله يطمنكم ويريح بالك مثل ماطمنتوني شوي وريحتوني ..:eh_s(17):


قبل شوي امي بدارها وصاكه الليت ومنسدحه بفراسها ..
جان اطب عليها شافتني واقفه مع كشتي جان تقولي شفيج بسمالله !!! قلتلها بقولج تصبحين على خير:eh_s(22): .. هني جان اقط جثتي عليها مسكينه اختنقت وابجي جني بيبي !!

جان تقولي تعوذي من ابلييييس .. خليج حسنة الظن:eh_s(22): مافيني الا العافيه انشالله

وبس ظليت ابجي وابجي وابجي وابجي:eh_s(11):

بس الحمدلله ارتحت الخين شوي ..

انشالله بقولها على الثوم ..

ومشكووورين وماقصرتو ويااارب بميزان حسناتكم
الله يخفف عليكم مثل ماخففتو علي ويريحكم دنيا واخره ويرزقكم الصحه والعافيه وكل ماتتمنونه .. اللهم امين وجميع المسلمين:eh_s(17): ​

 

[محظوظه ومحبوبه]

ان جرحتى مكانها بتموتين بصلة الشعر خليها تسوى تحليل للكبد وتاكل ملعقة دبس على الريق اربعين يوم وتستغفر وترتاح ولا تفكر فيها لان من الهم ما قتل وتترك هموم الناس للناس ما عليها الا بصحتها اكيد فى خلل بالجسم واطلعت عوارضه واهم شى بعد الاتكال على الله الاطباء تاخذ مشورتهم

 

[FOZQ8]

حبيبتي لا تحاتين انا اختي لما كانت صغيره صار فيها ثعلبه مثل الوصف اللي وصفتيه واذكر ابوي وداها بوحمره على ايام بوحمره كان شاااطر وكان يطقها ابر بنفس المكان عشان يموت الثعلبه وماتنتشر والحمدالله بعد العلاج كاهي شعرها شزينه لااله الا الله بس انتوا كل ما استعيلتوا بالعلاج احسن
الله يشافيها

 

[شهد ستايل*]

السلام عليكم ورحمه الله وبركاته ..
شلونكم حبايبى انشالله بخير ...........
حبيبــــــــــــــــــــــــــتى نمله.........
ما تشوف شر الوالده والله يخليها لج ......... الثعلبه شى عادى ما يخوف .. وصح اكثر اسبابه تعب النفسيه حاولى تهونين عليها .. ولاتخلينها تحاتى .........الله يعين امهاتنا كفايه اللى شافوه قبل .......
والثـــــــــــوم اقوى علاج بعد الله سبحانه وتعالى هو الشافى والمعافى والقران الكريم......
الله يخليها ويطول بعمرها انشالله يا حياتى ........

 

[MissChoco]

شوفي حبيبتي انا امي فيها ثعلبه بعد وكانت كبر قاع الفنيال .. وصح اهيا من النفسيه ترا

وامي عالجت وايد وايد ماخلت ولا دكتور راحت حق المشاري بعد ومادري منو بعد .. بس والله مافادها شي كثر الثوم صج صج كانت تييب الثوم وتحكها على المكان ويوميا جذي وفعل نبت شعرها .. وهذي وحده الله اييازيها خير .. والله والله حدها فادت امي وبعدها ماطلعت الثعلبه ولا فيه ولا شي .. وانشالله امج مافيها شي ولا تخافين حبيبتي والله يخليها لكم انشالله

 

[نونو جين]

لأ لـأ لأ
ليييييييييييه كده ياقميل

قوووووووووووووولي الحمدلله كماينبغي لجلال وجهك وعظيم سلطانك

نظرعيني يالحوووووووووووووله <<نكج جذي مو مسبه ترى :eh_s(1):

حبيبتي نمله طولي بالج واذكري ربج ولا تضايقين ترى مهما كان بتحس امج بضيقتج وتتضايق اكثر
الثعلبه مو شي خطييييييييييير
اعرف وحده صار فيها اكبر من خمسين فلس وعالجت وراح الحمدلله والان تنعم بشعر يخخخخخخخخخخخخبل
الله يهنيها
شوفي خليها على راحتها اسبوع
والله مافاد
خلاص ودوها بوحمره هذي اليي اعرفها عالجت عنده
وونسووها وفرحووها وسولفوو معاها سوالف تفرح لاتسولفون باللي يضايقها واللي صار لهاا

الله يفرج همووووووووووووووووم كل مسلم يارب
وقميييييييييل قمااااااااااااال ملوووووووووووش ميسال
يالله عاد قومي رقصي امج على هالغنيه


نونوجين والاقر على الله​

 

[hasooosa]

allah e shafeeha

 

[طفوش]

جيبى قمح وحمسيه لين يصير لونه اسود وطحنيه وحطيه على الثعلبه
اول شئ حطى على الثعلبه اى نوع دهن او ماى لعشان يمسك القمح هذه الطريقه من امى سوتها لاختى مرتين اطلعت فيها ثعلبه ونجحت


والله يشافى لك امك ويخليها تاج فوق راسكم
وهم شئ النفسيه لاتعبونها المسكينه يعنى هونو كل شئ عليها

 

[ام مارية]

شوفي حبيبتي انا بقولج علي شغله انا مجربتها لبنتي وبنات اختي بعد ورفيجاتي

اذا كانت ثعلبه استعملي شيقور تلقينه عند العطار باليوم مرتين ادهن المكان بعود

الاذن اوبالقطنز

وللامانه تري الشيقور يخلي شعر لونه كستنائي يعني المكان اللي راح تدهنين

بس يطلع الشعر يطلع كستنائي ولما يطول الشعر طبعا يرد لونه.

وخلال اسبوع تبين النتيجه

 

[إستبرق الكويت]

يا بعد قلبي لا تحاتين

أنا أكثر وحده عانت من الثعلبه , صارت فيني بالبداية من العين كان شعري طويل واسود قاتم وناعم يوم عرس ولد خالتي سويته بالصالون وكان واصل إلي نص فخوذي , الله وكيلج دورة الإسبوع بس وإلا طالعه لي الثعلبه بأخر الفرق

وعلى طول أمي وأبوي طاروا فيني للـ د. المشاري وقام يعطيني أبر بمكانها وطلع لي شعر

بعدها بفترة ردت طلعت لي , ورديت للمشاري

المهم طلعت لي تقريباً 7 مرات تقريباً ومن يوصل شعري لي نص ظهري لازم تصير فيني الثعلبه الحين على طول مقصوص والسبب العين بس آخر مره مع وفاة خالي الله يرحمه طلعت لي بوقت واحد بـ 5 مكانات وكل مكان أكبر من الثاني صرت شبه قرعه , فكان سببها نفسي

انا اقولج روحي للحواي يبيعون دواء إسمه ( زِباد ) تحطينه مكان الثعلبه ويروح إن شاءالله وماتشوفون شر يارب