بنات لو يتقدم لكم هالرجال توافقون عليه او ترفضون جاوبوا بكل صراحة

[حلم ميت]

السلام عليكم

شلونكم

شخباركم


سنة سعيدة عليكم اجمعين



بنات انا محتارة حيييل وابي مشورتكم



وتحطون نفسكم مكاني وتقولون شنو راح تختارون


الله يسلمكم بقول لكم السالفة





تقدم لي واحد كويتي من طرف عمته(جارتنا تكون)
امه متزوجه سعودي بعد ماتوفى ابوه راحوا الكويت يجون السعودية كم مرة في السنة
الرجال اخلاق ودين وادب وكل بنت تحلم فيه استغربت حيل وقت خطبتني عمته لان ماكنت متوقعة ابد ان انخطب له لان شكلي عادية لاحلوة حيل ولاجيكرة
محتارة اوافق او ارفض
قلبي يقول اوافق بالذات اني مب صغيرة ولاكبيرة يعني في سن المفروض اتزوج حالي حال بقية البنات وبصراحه الرجال مايتفوت
وعقلي يقول ارفض لان بتغرب وبروح ديرة بعيدة عن ديرتي والغربة بتكون طول العمر ماهي يوم ولايومين( مع ان الكويت والسعودية عاداتهم مثل بعض يضل فراق الاهل غربه ولو كان وسط البلد) وانا حييل مرتبطة باهلي ويعز علي فراقهم يوم شلون لو كل يوم وعايلته مايجون الافي الاجازة الصيفية ماتخيل نفسي اشوف اهلي شهر او شهرين في السنة جان استخف واصير مجنونه
بقول لكم شي لاتقولون سخيفة والله صج مأزمني فكرة ان لو وافقت مب اعيش فترة الملجة طلعات ومطاعم وتمشيات هو في بلد وانا في بلد
شوروا علي ارفض او اوافق
انتوا لو مكاني شنو تختارون؟؟

 

[جـــواهر]

استخيري وعسا بالامر خيره

 

[مادري ليه]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

استخييري افضل

 

[حلم ميت]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

بنات انا مرتاحه له بس الي مخوفني ان يمكن ماتحمل الغربة ولااتحمل فراق اهلي
لان صارت مع وحده من جماعتنا تزوجت كويتي وتطلقت لان ماقدرت تتحمل فراق اهلها خايفه اصير مثلها

 

[جنون العشق]

الغربه صعبه حيل لاتستهينين فيها



استخيري ووووواستخيري ووووواستخيري وفكري الف الف الف الف مره مو فرحه الابيض وبس هذا عالم اخر

 

[قطوه وجذابه]

اذا ماتتحملين الغربة حطي شرط انج تعيشين بالكويت وبس موفقه حبيبتي

 

[حلم ميت]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

جنون العشق
عارفه ان الغربة صعبة لو مب صعبة ماقالوا الغربة كربة
اهلي يقولون لي اذا مرتاحه له توكلي مصيرج بتروحين عنا الحيييييرة شعور صعب حييل

 

[حلم ميت]

رد : رد: بنات لو يتقدم لكم هالرجال توافقون عليه او ترفضون جاوبوا بكل صراحة

اذا ماتتحملين الغربة حطي شرط انج تعيشين بالكويت وبس موفقه حبيبتي

حبيبتي انا مب بالكويت
انا بالسعودية قصدج احط شرط ان اعيش بالسعودية ؟؟
مستحيل يقبل هو مستقر بشغله مايبهد شغله علشاني

 

[بولندية]

حبيبتي بالسعودية بنات ياخذون سعودين بس يكون بمنطقة بعييييييييييييييييدة جنها مسافرة عن اهلها احس نفس الشي


واذا بتعيشين بالكويت عند عمتج اللي ماخذه كويتي يعني في احد عندج بالكويت


وموفقة يارب

 

[مذهــلــه]

استخيري حبوبة

والله يكتبلج الخير والصلاح

والاستخارة مو بس تحسين انج مرتاحة الاستخارة .. سبحان الله من ربج يسهل الموضوع والا يوقف بأمر الله يعني توكلي على الله وان شاء الله هو يختارلج الاحسن

صلي وادعي ربج

 

[لعيونك اصير مجنونك]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

يا قلبي حتي لو اخذتي سعودي بتظمنين انه متوظف بنفس منطقكم اللي سكنين فيها

انا اعرف شكثر سعوديات ماخذين سعودين وساكنين بعديد عن اهلهم بحكم وظايف ازواجهم

استخيري وتوكلي على الله

 

[اسيل الصمت]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

حبوبه شضوفي اخذي نصيحه مني اسأل مجرب ولا تسأل طبيب ؟؟؟

شوفي انتي بالبداية راح يكون الشيء صعب عليج بس والله ما تخلص السنه الا تتعودين على الوضع
وبعدين اللحين الدنيا تطورت فيه ماسنجر ونت تقدرين تشبكين يوميا تكلمينه وتشوفينهم بالكام يعني عادي
الوضع جنج بيت زوجج بالسعوديه وترى السعودية قريبه سواء بطيارة او سيارة أي وقت حسيتي مشتاقة لهم روحي
سيري عندهم يومين وتعالي ما فيها شي...

بس لا تطوفين الريال عليج ترى هاذي فرصة واذا طارت من ايدج ما تتكرر.. واللحين اشكثر نسمع عن بنات عوانس طول عمرهم
انا اقول تزوجيه والمرأه لي متى تعيش عند اهلها لازم تكون لها اسرة وزوج وعيال امج وابوج اللي يخليهم لج لي متى بيدومون لج
اوخوانج واخواتج كلهم بيتزوجون وبتظلين بروحج ...........


المرأه مالها الا بيت زوجها يعينها على هالدنيا وشقاها و يحميها ويكون ابو عيالها و سند لها بالدنياااااااااا


دلم نصيج بغربه اقبلي فيه و اشكري ربج ترى غيرج مو لاقيين شي كلللللللللللش ...........

 

[منوة القلب]

استخيري ...

باول الامر صعب بعدين ربي راح يسهلها عليك

مو لدرجة تطلقين عشان اهلك .. الي تطلقت من جماعتكم اتوقع كانت فيه مشاكل بينهم مو هذا السبب الرئيسي

من قالك ماتروحين لهلك الا شهرين بالسنه

تقدرين تتفقين انتي وزوجك بالمستقبل عيد عنده وعيد عند اهلك لاتنسين العطله النصفيه والعطله الصيفيه


والله يوفقك

 

[مناير ...!]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

وافقي والله يوفقج ويكتب لج الي فيه الخير لج وييسره لج

 

[~LiBrA~]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

حبيبتي مو من بعد الكويت عن السعوديه

انا ابوي كل ويك اند يروح السعوديه يومين ويرجع يعني عادي

احنا اهني بالكويت ومع اهلنا نشوف اهلنا مرة او مرتين بالاسبوع يوم الزوارة

يعني تقدرين لي تزوجتي وعشتي اهني بكل يوك اند اتروحون السعوديه تزورون وترجعون ليما تتعودين عالوضع(( خلي هذا شرطج لمدة تقريبا سنه بعدين عقبها مليوم بالميه راح تتعودين وماراح تزورين كل اسبوع))



بصراحه رايي انا ولو كنت بهالموقف انا ماراح ارضى لان صعبه علي بس يمكن اطباعيي غير عن اطباعج


بس اهم شي الاستخارة والي ياب هالريال اييب غيره لا تحاتين

وبالتوفيج

 

[[[ عيون جابر ]]]

لا تصعبينها على نفسج الكويت والسعوديه واحد وقراب يم بعض اهو بيكون لج اهلج انشالله
اهم شي استخيري بس صدقيني السفر مو سبب عشان ترفضينه

 

[قلبي سلومي]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

استخارة

 

[Gourges]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

اول شي تستخيرين حتى لو مرتاحتله بس الاستخاره ضروريه " والخيره فيما اختاره الله " يمكن انتي مرتاحتله بعدين يطلع بكل شي زين الا انه يخليج تروحين حق اهلج يتعييز وياجل وغيره .. الاستخاره زينه


واذا ارتحتي بالموضوع فا توكلي على الله ... والحين مثل ما قالوا البنات ماكو شي بعييد .. الحمدالله الدنيا تطورت والتكنلوجيا تطورت .. في مكالمات فيديو في الكمبيوتر والكام ويب ... و في وفي ... والله مره احنا مسافرين ديره واختي مسافره مكان ثاااني وكنا كل يوم بليل نبطل الكام لها ونحوس بالفندق واهيا تحوس بالفندق الي اهيا فيه وانسولف شوي وكل واحد يمر يسلم عليها جنها معانا ... فا ماحست انها بعيده .. واحنا نفس الطريقه ...


وبعدين لي ملجتي عليه اكيد بيزورج .. والفتره الي مهوا زايرج فيها انتي عاد تحورفين بعمرج .... واذا يا الكويت يعزمج على اماكن تبينها وتعوضين ... وجذي

واذا تزوجتي انشالله ولي حبج وحبيتيه انشالله بيتسهل معاج وكل مابغيتي شي مهو رادج انشالله وساحليه ودي اشوف اهلي .. مني مناك بيرضا ... هذا بالاجازات الصغيره والويك اند حتى لو بسياره اتمشون وتزورين اهلج ...

وبعدين ترى الكويت وناسه اونس من السعوديه ;d راح تستانسين عندنا وايد ;d


خخخخ اتغشمر بس قاعده اغريج .. ولي ييتي الكويت بتكونين صداقات وبيكون لج مجتمع يديد ... وناس يديده

 

[al-musk]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

فعلا الغربة صعبة وانتي ادرا بحالج

 

[mjoariam]

رد : بنات لو يتقدم لكم هالرجال توافقون عليه او ترفضون جاوبوا بكل صراحة

استخيري و الله راح يقدملج الي فيه الخير ان شاء الله و خلي املج بالله قوي و فكري لي بعدين ما ردج
راح تروحين بيت بروحج بعيد عن اهلج ثاني شي الكويت و السعوديه قراب من بعض يعني حتى بالويك اند تقدرين
تروحين سعوديه
و الله يوفقج ان شاء الله