بنات لحقو على شعري طول اليوم اصيح عليه

[فراشة الرغد]

بناااااااااات
اليوم قصيت شعري كان لاخر ظهري لجتفي
صار وااااااايد قصير موب متحملته

طوووول اليوم اصيح عليه وريلي يقولي موحلو
وعثب

تكفوووون ابي شي يطول بسرعة ومضمووون

 

[some one waw]

اولا نعيما

ثانيا الزعل يزيد المشكلة


عليج بالتغذية الزينة وشامبو طبي وزيت جوز الهند مرة بالأسبوع

والله. يعوض عليج وان شا الله يرد يطول

 

[مياسه الحساسه]

التغير حلو لاتزعلين ولا شي
والشعر مسيره يطول

 

[سميره مملوحه]

لا تتحسفييييييييين
صدقيني كثر التفكير ماراح يطول

انا اقولج كنت جي نفس حالتج قصيت شعري وقعدت ابجي هههههه
المهم حطيت بس زيت الخروع بسسسسسس ولا زيت ثاني
كل يوم لمده ربع ساعه الى نص ساعه شرط تفركين من داخل الجلده مو تحطينه على الشعر ماينفع اهم شي يوصل للجلد

والله مر اسبوع وياتني رفيجتي تقول شعرج طولااااان ونااااااااسه استااانست

ولمن تمشطينه تذكري قلبي راسج ومشطي لتحت وقولي بسم الله الشافي المعافي

والله يشفي شعرج ويطوله

 

[تبيني آرضى عليك]

آآآآآآآآآآآب

 

[عبقرية]

اغتمني الفرصة بعد كم يوم يكتمل القمر قصي ع اكتماله هو بيطول سريييييييييييييع

 

[شذي الفردوس]

ليش تصيحين حبيبتي.. لا تبينين لزوجج انج متحسفه ومو واثقه من نفسج.. سويه بف وحطي فيه حركات ومع اللبس القصير الغامج الاحمر او الاسود والبجامات الحلوه وحطي فيه فيونكات مرت اخوي قصته ..عيب عليها اخوي بالبدايه بس هي ما شالله صارت تسوي حركات بشعرها تهبل صارت والله قام يحب القصير صار يقولي اخوي ليش ما تقصين شعرج خخخ سبحان مغير الاحوال ....... فما عليج كل يوم سوي فنتك بشعرج ولا تقولين مو حلو علي وعيب لا شوفي صور عالنت وسوي بشعرج وصبغيه هايلايت ومرات لون واحد بني فاتح والله يطلع يهبل احلى من طويل بلا معنا وكله مسكر.......... لاتصيحين ولا تنزلين من عزة نفسج حبيبتي .....انتي الي تضيفين جمال لشعرج ... وتقبلي كلامي من اختج الكبيره :eh_s(7):​

 

[صباح المحبة]

ولاتكدرين ولايضيق لك خلق مارده بيطول بعدين حلو التغير خاصة انك متزوجه والله بعض الرجال ماينخذ برايهم وسعي صدرك بس وابسطي بالقصة الجديدة كل يوم عطي شعرك تصفيفه شكل والتغير يجدد النفسيه

 

[فراشة الرغد]

فديتكم بنات غيرتو نفسيتي
الله لايحرمني منكم احلا كويتيات
انة ماقدر اصبغ لان احط حنة
بستانس فيه الحين وانة اطوله
ويارب يطول بسرعة

 

[مس استي لودر]

اب اب اب

 

[flawar]

نفس البنات

بالذات شذى الفردوس وسميره ومملوحه

اتفق معاهم

 

[أنوثة ودلع]

حبيبتي وقسماااا بالله اخترعت من موووضوووعج لان بالضبببببط

هذا الشي توا صايرلي

انا شعري تعبان من الصبغ وكان طويل فقلت بقصه على اساس ببدي اعتني فيه حييل

فيطول على سنع

المهم قصيته كاريه على طريقه حصه اللوغاني يعني جنب قصير وجنب طويل

المهم حيييل كان حلو علي بالصالون و استانست قلت بكسر روتيني ان كله طويل بس ضاق خلقي

من ردة فعل ريلي حسفنييييي ان قصيييته بس طبعا سوويت روحي مو متأثرة وقلتله اينننن علي وعاااحبني

المهم انا قاعده احااول اطوله فبقولج اخر نتايج البحث العميييق اللي سويته

- اشتركي بصالون جلسات شعر طبيعيه حطي جلسات جرجير وصبار عالفرووة و ماسك منعم للشعر خصوصا اذا مصبوغ.

- حطي اسبوعيا مرتين عالاقل سدر عالفرووة واذا عندج ماي زمزم عجنيها بماي زمزم و ادعيييي ان ربي يجملج بالحلال بشعر طوويل
وحلووو ويغري زوجج.

- حطي خلطة زيوت ويمدحون خلطة مذهلة اللي معانا بالمنتدى و وحدة ثانيه اسمها واصلة وتأكدي منهم اذا فيها خروع لان الخرووع يطول.

- حطي تونيك مسرع نمو الشعر من الصيدلية روحي الروضه ارخص و موجود اسمه تونيك كونومونتو الياباني مسرع نمو الشعر
استخدميه مرتين باليوم الصبح و قبل النوم.

- شربي يوميا 1 كوب اعشاب شاي اخضر بالنعناع و 1 كوب اعشاب روزماري و 1 كوب منقوع بقدونس شربي مااي المنقوع.
هذيل مليانين مواااد عجييييبه للشعر حديد و فيتامينات وكل المواد المهمه.

- اخذي كبسولات حبوب زينك بس زينك يكون بروحه+ حبوب للشعر يمدحون حيييل برايورين بس بشرط تستمرين 3 اشهر متوااااصله.
و حبوب فيتامينات اليومية.

- اكلي اكل صحي كثر ماتقدرين كثري خضرا و فاكهه و كثري شرب ماااي.

- سبووحج للشعر لاتخلينه كل يوووم لان الدهون اللي تطلع من الفروة تفيدج بس طبعا مو تزيدين حييل لان بيضرج المهم ان سبوحج مو يوميا
بشامبو.



عموما اخر شي بنصحج بشي انا فااد معاي لان بس صارلي 10 ايام قاصته المهم ان تتدلعين بستايلج اليديد و تلبسين باندات وتسوين ستايل بيبي بريء اكثر لان مع الشعر القصير هالستااايل حييييل يضبط و لبسي قصيير نفانيف والواان و طالعي ستايلات ممثلات او مشاهير شعورهم قصيرة و ستايل هالشي بيعطيج ثقة حييييل كبيييرة ان حتى الشعر القصير ممكن يكون حييل ستايل و مغري.


الله يجملج دااايما يارب بالحلال وبعيونج و عين ريلج و الكل بالحلال ياارب


ويارب اكوون فدتج و بتم ادش الموضوع عشان نسمع افكار اكثر من البنات لان جد نحتاااااج و انا اصلا احب الطويل ابي يرد يطول

 

[fatma A]

بعد قلبي حاسه فيج انا يوم سويت سحب حسيت شعري قصر حيل بعد ما كان طول ظهري استعملي املا وشوفي شعرج بشهر يوصل لي نص ظهرج انشالله وادعي لي

 

[نوفآ]

ما لج الا السدر
غسليه يوميا بالسدر
تحطين سدر وماي مغلي بس ما يكون قوامه غليظ لا خليه خفيف لما تحركينه تطلع له رغوه
غسلي شعرج فيه ومع تدليكه وبس لا تغسلينه بماي
اطلعي نشطي شعرج اذا ما سحب شعرج خلال شهر ما أكون نوفا

عماتي يقصون شعرهم ويغسلونه بوميا بالسدر و يطوول بسررعه

وادعيلي بالولد الجميل الصالح

 

[نوفآ]

والله يا بنات السدر شي خيااال وموصي فيه الرسول
كثافه طول ويوقف التسااقط
جربووه وراح تدعوون لي
سواء تغسلين فيه أو تعجنينه وتحطين مثل الماسك لما ينشف
وسوي سيرج عنه راح تلقين خلطات واااجد

 

[that night]

وي لا تتضايقين قولي الحمد الله انا صبغته طاح بدرجه مو طبيعيه انتي بس قاصته و ان شاء الله بيطول حطي زيوت و بيطول باذن الله

 

[الكيكه دندن]

ههههههههه اهلين حياتي عادي استمتعي بالقصه وحتى لو كانت مو حلوه واستمري على زيوت مغذيه مرتين بالاسبوع
مثلا زيت جوز الهند مع حبه فيتامين e وتدليك
اشتري امبولات
واعملي ماسك مره او مرتين بالاسبوع ومع الايام راح يطول ان شاء الله

 

[فراشة الرغد]

انوثة ودلع مافصرتي قلبي
كلكم خير وبركة يعل ربي يرزكم باللي تتمنونه
تقبلت القصة شوي ومواصلة عناية ويارب يطول بسرعة
حبوب الزنك لي شهر اخذه وجرب يكمل
السدرر استخدمه مرتين بالاسبوع
زيت جوز الهند عندي ياه بخلطة
القصة خرعتني ونسيت كل الي عندي
ماقصرتو حبيباتي
رجعت قصيت شعري من الاطراف يوم الخميس
عشان نص الشهر

بس بسالكم اشرايكم بالترمس سمعت انه يطول بسرعة
في حد جربه ولا اعرف عنه شي اكيد!!!!

 

[فراشة الرغد]

بات حد جرب البقدونس؟!!


يعتبر البقدونس من النباتات المشهورة*بفوائدها الصحية*للجسم عموماً، كما أنه مفيدٌ أيضاً لتطويل الشعر والحفاظ على بريقه. ويمكن استخدام البقدونس كلوشن لفروة الرأس، حيث يعمل على تنشيط الدورة الدموية بفروة الرأس مما يقلل من تساقط الشعر تدريجياً. إليك أفضل وصفات البقدونس للشعر:البقدونس لمنع تساقط الشعر:لمنع*تساقط الشعر، يسلق ملء كف اليد من البقدونس الطازج في ملعقتين من الماء على نار هادئة حتى يهترئ تماماً، ويصبح مثل خليط الحناء تقريباً، تبلل فروة الرأس بالماء ويفرد عليها خليط البقدونس حتى تغطى الرأس بالكامل، ثم تلف الرأس بفوطة جافة لمدة ساعة، ثم يغسل الشعر بالماء والشامبو المعتاد.تستخدم هذه الوصفة*لعلاج تساقط الشعر*واستعادة بريق ولمعان الشعر مرة أخرى؛ لأن التدليك بالبقدونس يحفز الدورة الدموية بفروة الرأس.البقدونس لتطويل الشعر وتكثيفه:لتطويل الشعر وتكثيفه، تجفف حزمة من البقدونس وتطحن جيداً حتى يصبح ناعماً، ثم يخلط مسحوق البقدونس مع أربع ملاعق حناء، ويطبخ بزيت الزيتون على النار حتى يغلي، ثم يصفى ويحفظ في زجاجة. يستخدم هذا الخليط مرة واحدة أسبوعياً ثم يغسل الشعر بالماء الدافئ.تتميز هذه الوصفة باحتوائها أيضاً على*زيت الزيتون*الغني بفيتامين (أ) الذي يعمل على تقوية وتكثيف الشعر لأنه من مضادات الأكسدة.شاركينا برأيك وبنصائحك حول استعمالك لهذه الخلطات.

 

[ذكرى الفجر]

ياقلبي صدقيني بيطول استخدمي زيت براشوت واملا