بنات لحقوني شلون احفظ المرتدلا والنقانق...

[وافية*]

السلام عليكم بنات ابي مساعدة اللة يخليكم كل مااشتري مرتدلا او نقانق اخذ منها حبة حبتين وارد احطها بالثلاجة واذا بغيت اخذ منها مرة ثانية القاها معفنة شالحل شلون اخزنهم؟؟؟

 

[بنوتات]

بصراحه صج موضوع مهم انا سمعت يقولون نحفظها بالفريزر بس ما جربتها اللي عندها فكره مجربه تفيدنا

 

[قمر ضاوي33]

أخذي من الكيس بعد ما تفتحينه بالشوكة مو بأيدك والباقي طلعيه من الكبس وحطيه بالأكياس( الزب لاك) يعني الأكياس الي تتسكر من فوق او حطيهم بعلب بلاستيك محكمة الإغلاق وحطيهم بالثلاجة

 

[باونتى]

خووووش موضوع لانى انا بعد اعانى من هالمشكله وخصوصا انا عيالى يحبون المرتديلا والنقانق خلا اجرب واحط بالعلب

 

[محظوظه ومحبوبه]

اختى تعرفين الرول البلاستك الى نفس القصدير تلفين المرتدلا لفتين بقوه تقعد مثل ماهى ماتتغير

 

[وافية*]

مشكورين بنات بجرب انشاللة واقولكم
بس لازم يعني اطلعة من الجيس مالة؟؟

 

[سنتر الزين]

والله توني بكتب نفس الموضوع انا احطه بالنايلون الرول ومرات يقعد مثل ما هو ومرات لا يخرب
وبعدين شقا مع الرول وكل ما آخذ منه لازم اخير الرول والفه جم لفه مضبوطه اعاني من هالقصه

 

[موزة ام فارس]

اي والله صج مشكلة اعاني منها انا بعد

 

[wrooood]

الصراحة انا كنت اعاني من تلف المرتدلا وحتى باقي الذرة والمشروم .... المعلب

ونصحني بائع الجبن والمرتدلا اني احتفظ فيهم بالفريزر عشان تطول مدة استخدامهم

وفعلا النتيجة مذههههللللة
وصار لي شهرين مستفيدة من هذي التجربة بدال لا افتح المرتدلا وتقعد يومين وتخترب
قمت اذا بغيت استخدمهم سخنتهم شوي بالميكرويف ورديت الباجي بالفريزر

الحل التجميد .... عن تجربة ناجحة

تحياتي

 

[ولا احلا]

زميلتي منور الي قاعدة يمي لا شغله ولا مشغله ............ تقولج يا محفوظة الكرامة حطيهم في تبر وير وبس وسلامتج ......وتقبلي مرورنا !!!!!!!!!!!!

 

[ولا احلا]

ونسيت اقول ان فعلا انا اجمدها المرتديلا وبعدين بالسخان والله خووووش شي ..

:klhfl::tek::klhfl:

 

[ام عفاف الكويت]

انا ان بطلته حطيته بالفريزر يقعد اكثر

 

[عبق البنفسج]

شوفي حبيبتي
النقانق انا أحطه بالفريزر واذا احتجته أطلعه واحطه بطاسة ماي وعقبها بعشر دقايق يذوب وآخذ الكمية الي ابيها
اما المرتديلا فاحطه بالثلاجة واذا بطلته أحطه بجيس نايلون الي حق الساندويشات

 

[خبيرة اعشاب]

انا اشتري مرتدلا و نقانق امريكانا

المرتدلا تجي مو علبة وحدة انما مقسمة على علبتين و مو كمية كبيرة يعني الي يكفي استعمال واحد

و ايضا النقانق تجي كل 5 مغلفة لحالهم ( الصغيرونات )

بس انا عادة احطهم في علب صغيرة حافظة

 

[سرقت النوم]

النقانق بالفريزر...

المرتديلا .. مثل ما قالو البنات ... لفيهم عدل بالبلاستك رول ...

و سلامتك و تعيشيين .