بنات لحقوني انا حامل حدي خايفه

[Donet]

مساكين هالقتاوة كل البلاوي بيقتونه عليهم تول عمرنا متربين مع قتاوة خو ماشفنا جانا منهم شي
الحمدلله رب العالمين الله الحافظ

 

[إباء الروح]

لا حبيبتي له علاقة وعلاقة وطيدة بعد ..مرة اخوي ماعمرها ربت قطوة ولما تزوجت اخوي وحملت سقطت وظلت 3سنوات وبعدين حملت ثانية وكان السبب حسب نتايج التحاليل المخبرية اللي سواها اخوي في اكبر واصغر المستشفيات عندنا الحكومية والاهلية ..وطلع بسبب فيروس القطط هذا ..والعلاج مالقيناه بالسعودية !! للاسف اخذ اخوي لها من البحرين ..طيران البحرين في نفس اليوم ...طبعا هالشيء مو لازم ..ولكني خذي حذرك .وسلامتك وربي يتمم لك على خير .

 

[المحاماة فن رفيع]

حبي ابعد عن الشر و غنيله

 

[sweet cake]

اللي قالت ان مرة اخوها سقطت من القطوه..
احنا ما قلنا القطاوه ما تسبب نهائيا.. احنا قلنا القطوه المصابه بالطفيلي هي اللي تسبب.. اللي مصابه فيه..
وبعدين اصلا هذا علاجه سهل ومتوفر..

ارد واقول ان القطوه المصابه او قطاوة الشارع والمره اذا لمست شي بالشارع وكان عليه الطفيلي مثل الزرع او التراب راح يصيبها

لازم اساسنا علمي وعندنا موضوع يثبت

 

[lojeeen]

هذا مو فايروس ينتشر بالجو لأ ،، هذا طفيلي اسمه تاسكوبلازمو و يتواجد مثل ماذكرت وحدة من الخوات كبويضات في براز القط و ينشط بعد24 ساعة و اللي يلمس تكرمون ها البراز بالإيد المجردة و يكون فيها جرح ممكن تتسلل البويضات للداخل فمنهي الغبية اللي ممكن تسوي جذيه ؟؟؟ و منهي القذرة اللي تترك فضلات القط لأكثر من 24 ساعة !!
و على فكرة ها الطفيل موجود بالتربة برة البيت يعني ممكن ينتقل لنا إذا اشتغلنا بالزراعة ،،، و موجود في فضلات بعض الطيور و خاصة الحمام ،،
مسكينة القطاوة صاير مثل الغزو - علاقة كل المشاكل
مبروك الحمل و تقر عينك باللي يسرك قولي آمين

صح لسانج حبيبتي منووووووو اللي ما تغسل إيدها 24 ساعه بعدين كاهم القطاوه عايشين بالشوارع و يخرجون بكل مكان و انتو بالكرامه لو صج المرض ينتقل بالهوا شان انقرض العرق البشري :krkrkr:

 

[daloo3ah]

مادري ليش معورين روسكم


>> ابعد عن الشر وغنيلو <<

>> الوقايه خير من العلاج <<


في ناس تأثر فيهم على مدى بعيد

في ناس تأثر فيهم بنفس الوقت

وخري عنها دام عليها شكوك وفكي عمرج

اهتم بقطوه واونس عمري ولا احرم نفسي من الامومه ؟!!!!!!!!!!!

\\\\\\\\\\\

تروحين للمرض بريولج وتلومين وتندمين عليه ليه صابج شي بعيد عنج الشر ..





البنات لانهم حابين الشي علشان جذي يرفضون انه يسبب امراض

ماكو حيوان بالدنيا ما يسبب امراض للأنسان .. لان الحيوان بطبيعته وصخ

طعمتيه غسلتيه سبحتيه الي تسوينه بيظل وصخ !


والبنات الي يقولون ما صار فينا شي .. يا حياتي انتو .. الامراض اغلبها تطلع على مدى بعيييييييييييييييد ويمكن تكون داخليه وما يحس فيها الانسان ؟؟!!




كل شي بتختلف عليه الاراء .. ولكن اغلبيه الناس يجزمووون ان القطوه تسبب امراض ..

وهم في بعضهم يقولون لأ ما تسبب امراض

نفس الشي بالنسبه للحبوب الي ياخذونها الناس والعالم علشان يظعفون .. نفس الشي بالنسبه لأكل المطاعم السريعه نفس الشي ونفس الشي ونفس الشي .......الخ

تعبو الدكاتره واهم يصيحون .. والناس عمك اصمخ .. لانهم حابين الشغله وما يقدرون يستغنون عنها علشان جذي يستمرون فيها






دامج تبين تحملين .. مادري دامج حامل ..

خلاص شيلي فكره القطو دام عليها حجي ! ليش الاذيه وعوار الراس

وتعيشين بشك .. وممكن هالشي يسبب لج او للبيبي امراض !

وترا اليهال مناعتهم رديييييييه .. باسرع وقت يلقطون المرض !!



وايد بنات راح يعارضون كلامي .. بس بيرجعون ويقولون > احنا مجربين <
> احنا صارلنا سنين نربي <
> انا حملت و ولدت وعندي قطو <
يا كثر الحجي الحين تعال اسمع


بس ارجع واقووووووووووووول

الوقااااااااايه خييييييييير من العلاااااااااج

ودام انه الشي عليه حجي .. و وايد ناس قالو انه يضر .. بعدي عنه وعيشي مرتاحه !!

 

[قـــمـــرهم]

الله يتمم عليج حملج ياارب

وااعندي فكره عن هالمووضوع بس ديري بالج على نفسج

 

[DaLo3Ta]

شوفي دام القطاوه انضاف ومطعمين لا بكتيريا وجراثيم وهالسوالف انشالله خير
وانتي بعد حاولي ماتقعدين وياهم وايد

انا بالنسبه لي عندي 8 بالبيت وانا اسبحهم واقعد وابسط معاهم يمكن بس اول شهور الحمال ماكنت اقرب منهم بس الحين انا بالثامن ومن جم شهر رديت اقعد معاهم والحمدالله ماكو شي بس سئلي احسن اكيد كل حامل تختلف عن الثانيه
يمكن انتي حساسه وشغله ماتضر غيرج تضرج انتي

 

[Al-Farasha]

انا عندي في البيت اكثر من قطوه و مهتمين بتطعيمهم و الحمدالله حملت و يبت بنوته و مافيها الا العافيه
بس اهم شي وخري عن ترابها و تنظيفهم
وربي يتمم حملج و يقر عينج بمولودج سالم معافى

 

[ملآمح يوسفيه]

ديري بالج اختي
انا اختي اكثر من مره طاح بيبي
لما حللت طلع عندها داء القطط
والحمدالله عالجة وكل شي تمام

 

[نوفه الحلوة]

ابشركم انباعوه القطاو كلهم مع ان ضاق خلقي بس شسوي

 

[مسك الجنوب]

صح كلام البنات ديري بالج وانا اختج وروحي للطبيب احسن والحرص زين وهذاا اول بيبي لج واحله فرحه لج وحق الزوج
والف مبروك يا حلوه

 

[Sparkle]

مساكين هل قطاوه كل شىء على راسهم هههه أنا لو منج أخاف من الولاده أكثر من القطاوه

صح كلام البنات لو نظيفه ومطعمه لا تحاتين

 

[ابي قطوة ميوووو]

انا دكتوري يقول مو زينه القطوه على الحامل كلللش

7
7
7
7
اي والله اختي انا نصحج اتوخرين عنهم في هذي الفترى يعني لاتسبحينهم ولا تنظفين حمامهمخ اوك :eh_s(6):