بنات لحقوني انا حامل حدي خايفه

[نوفه الحلوة]

شلونكم شخباركم مشكلتي ان حماتي عندها قطاو شرازية وانا بعد احبهم عاادي واللي ادها اني حللت وطلعت حامل وهذا اول بيبي لي
بس اني سامعه ان شعر القطوة يطيح الياهل فحبيت اتأكد ان المعلومه صح ولا
غلط وشلون اخذ احتياطاتي منهم لان كثر ما ننظف شعرم يطيح منهم ويطير بصورة
مو طبيعيه مع انهم مطعمين وكل فترة نوديهم نفحص عليهم بلييز نوروني ابي ردودكم
بسرعه لاني حدي على اعصابي

مشكورين....​

 

[كلي انوثه]

مادري سالي دكتور وايد احسن
انا سامعه القطاوه مو زين للحامل بس تاكدي احسن

 

[sweet cake]

لا شعرهم ماله علاقه ..
شوفي اللي يطيح البيبي هو فايروس او جرثومه او بكتيريا مادري شسمها تكون بفضلات القطوه (يكرم القارئ)
ومايكون موجود الا بالقطوه المصابه فيه وماينتقل الا عن طريق اللمس المباشر للفضلات وماينشط الا بعد مرور 24 ساعه..
يعني دام انج ماتنضفين الليتر بوكس مالهم ودام انهم مطعمين ومو مصابين فيه ماراح يصير شي ان شاء الله..

انتي فكري فيها هالاجانب صحتهم ماشاء الله من احسن مايمكن وهم كل واحد عنده حيوان يربيه..
وغير هذا حتى عندنا بالكويت الناس تربي قطاوه وجلاب وشواذي بعد وماصار فيهم شي..

الحافظ الله وربي يتمم لج حملج ان شاء الله ويحفظ لج اللي فبطنج

 

[daloo3ah]

احب اعلق على الي قبلي ..
الفايرس ينتشر بالجو من براز القط .. سواء تم لمسه ام لم يتم لمسه

فبمجرد شم الرائحه او الجو حوالين القطوه او برازها تكرمون ..

تدخل الفايروسات للجسم و هالفايروسات تعشش في مجرى الدم وفي الدم

حبيبتي اخذي احتياطاتج منها و وايد ناس انضروا من القطاوه

صج انه في ناس عادي حملو و ولدو وعيلو .. بس الاحتياط واجب

لا يصير شي وتحسفين

صحتج وصحه البيبي اهم

والله يتمم عليج يارب

 

[الآرجوانه الذهبيه]

هذا خالتي ام ريلي بيتهم متروس قطاوه وكل سنه تييب وهذا عيالها ماشاء الله بصحه زينه اتوقع ماله دخل بس احتياط لاتلمسينهم يع وصاخه

 

[mazyo0ona]

لا حبيبتي انا كان عندي قطوه وتاحمد الله ما كو الا العافيه سالي مجرب ولا تسالين طبيب بس انا لما سالت دكتورتي قالتلي لازم القطوه تكون نظيفه يعني مو تحوس بالسارع وترد ادش البييت ولازم اتكون مطعمه كل تطعيماتهاااااا
اتمنى اكون فدتج الله اتمم علييييج واي مساعده انااااااا حاضره

 

[mazyo0ona]

اييه صح نسيت اقولج انا الحمد الله ولدت الحين ومااكو الا العافيه

 

[<miss botamba>]

اي والله طاعي الاجانب كوود حيوانات وصحتهم احسن

 

[جوجو.]

والله انا سمعت ان موزين

 

[نوفه الحلوة]

مشكزرين حبايبي على ردودمك توها ردة روحي ما تتصورون شلون كنت خايفه وحدي قمت احاتي

 

[قوطي نيدو]

البنات ما قصرو بالردود

 

[catloverq8]

هذا مو فايروس ينتشر بالجو لأ ،، هذا طفيلي اسمه تاسكوبلازمو و يتواجد مثل ماذكرت وحدة من الخوات كبويضات في براز القط و ينشط بعد24 ساعة و اللي يلمس تكرمون ها البراز بالإيد المجردة و يكون فيها جرح ممكن تتسلل البويضات للداخل فمنهي الغبية اللي ممكن تسوي جذيه ؟؟؟ و منهي القذرة اللي تترك فضلات القط لأكثر من 24 ساعة !!
و على فكرة ها الطفيل موجود بالتربة برة البيت يعني ممكن ينتقل لنا إذا اشتغلنا بالزراعة ،،، و موجود في فضلات بعض الطيور و خاصة الحمام ،،
مسكينة القطاوة صاير مثل الغزو - علاقة كل المشاكل
مبروك الحمل و تقر عينك باللي يسرك قولي آمين

 

[نوفه الحلوة]

مشكورة حبيبتيcatloverq8 نورتيني ماقصرتي

 

[دلوعة اخوها]

ديري بالج على صحة القطاووه وبس
الناس حجيه للستار

 

[sara al3soola]

انا سمعت انه مو زين حبيبتي

انتي الحين بدال لا تهتمين فيهم اهتمي فالبيبي محتاجج اكثر

ومبرووووك عالحمل

 

[Fashion Brands]

انشالله ماعليج شر

 

[hayzabona]

انا دكتوري يقول مو زينه القطوه على الحامل كلللش

 

[احلام النهار]

وانا بعد انصحك تحذرين من القط

 

[yassoo]

ترى موشرط بس هم مايمنع انج اديرين بالج

 

[ملاك زوجي]

مو شرط بس وخري عن القطوه فترة الحمل وبس وطول عمري اسمع ان مو زين بس عمري ماشفت صحت هالكلام