بنات لحقوا علي طلعت حامل وانا عندي بنت صغيره عمرها ١٠ شهور

[qazlaan]

استغفرالله العظيم تفجأنا انا وزوجي لما طلعت نتيجة الحمل ما كنا متوقعين ولا وكنا مخططيين احمل الا بعد ما بنتي يصير عمرها سنه و٦ شهور او سنتين المسكينه توها صغيره لما خلصت ٩ شهور وداشه ١٠ شهور انا حملت دريت من عند دكتور في نهاية شهر ٦ تاريخ ٣٠-٦- وقالت لي انت حامل شهر و٣ اسابيع وراح تولدي انشاءالله شهر فبراير ١٥-٢-٢٠١١ خايفه موت من الحين اول سبب عندي بواسير اجت من ولادتي الاولى اوصفولي دواء وكريم بس ما كنت اخذهم بأنتظام وخايفه اشلون راح يعدي ولادتي الثانيه ثاني سبب خايفه اشلون راح اهتم واربي وانظف واوكل طفلين لان بنتي راح يصير عمرها سنه ونص او سنه و٦ شهور ماادري تطمني عندها عيال وراء بعض وتغير حفاظتهم وتنومهم ماادري من دريت حملي متوتره وخايفه علما انا في بلد غربه بعيده عن اهلي امي وخواتي فمحتاجه ارائكم اكثر عدد ممكن ونصايحكم

 

[قلبي سلومي]

توكلي على الله
هذا رزق ولا ترفسين النعمة
وقولي الحمدلله
ناس مو محصلة الحمال

 

[جذابه بنت ذيابه]

احمدي ربج يا الغلا ..!


وخيره ماتدرين ..

والله يخلي لج بنتج ويثبت حملج


واذا على البواسير .. عالجيه .. بالكريم
واذا على الاهتمام بالجهال


حددي وقت لزوجج لبيتج لنفسج ولاعيالج وبس يا الغلا

ومبروووووووك يا الغاليه


افرحي هذا رزق من الله ماتقدرين تردينه

 

[آهات الليل]

عادي الله يتمم عليج انا حملت ولما اولد بنتي تصير عمرها سنه و4شهور او 3شهور عادي هذي نعمه من رب العالمين الحمدالله الله يتمم على كل حامل
انا الحمدالله موفقه بين بنتي ام 3سنين والي اصغر منها بسنتين وبين هالحمال ربج يفرجها هذول نعمه فديتهم

 

[دمثة]

يالله يكريم يثبته لج ويفرحج بالضنى الصالح المعاف يارب

هذي نعمة من رب العالمين وكل جاهل يجي ورزقة معاه

 

[.،:"$الـعـوبــــة$":،.]

رد: بنات لحقوا علي طلعت حامل وانا عندي بنت صغيره عمرها 10 شهور

عادي ياقلبي ، انا حملت على بنتي وعمرها 6 شهور بس !!
وكانوا كلهم حليب وحفاظات ن بس الحمدلله ، دبرت نفسي ،
وبصراحة جبت لي خدامة ،،:d​

 

[shai5at al3arab]

الياهل ايي وايي رزقه معاه لا تحاتين وتفكرين

 

[ام جرااح]

حبيبتي تحمدي ربج على هالنعمه ولاترفسينها لان غيرج يتمنها وتوكلي على الله وصدقيني بتدبر بس توكلي عليه

 

[كويتيه مذهله 87]

وقتها راح تدبرين امورج
قولي الف شكر لك يارب

 

[أم محمد..]

الحمدالله هذاا رزق من الله والي يخليج تقدرين على طفل يخليج تقدرين على 6 اطفال ان شاء الله


ودمتي بخير

 

[دلوعة المطران]

عادي ياقلبي ..

 

[qazlaan]

حبيباتي مشكورين عالرد وعلى كلام الحلو بس انا نسيت اقولكم اني ابدأ الدراسه في ستمبر شهر ٩ وراح تكون صعب على حمل ودراسه وطفلين ثاني شئ انا خايفه موت من بواسير الي عندي اشلون راح تكون مع الولاده اخاف يزيد الأم او يطلع منها دم منو صار معاها بواسير حمل من الولاده وثاني كيف عدت اذا ما راحت البواسير ردوا علي بليز

 

[كويتيه مذهله 87]

حبيبتي

روحي حق دكتووور مختص مال الاعضاء التناسليه فيه دكاتره شطااار
قوليله انا حامل وفيني بواسير تري علاجه بسرعه يروح لا تحاتين

 

[أم حيدر]

ماكو الا الخير انا عيالي الثلاثة فوق بعض

آخر مرة كان عمر ولدي 4 شهور وحملت ... لا تحاتين رب العالمين بيسهل كل أمورج

وبالنسبة للبواسير مالج الا تييبين من العطار (جفت) تغلينه وتتشطفين فيه مكان البواسير داومي عليه مده وان شاء الله بترتاحين.

 

[Brounzi_girlly]

رد : بنات لحقوا علي طلعت حامل وانا عندي بنت صغيره عمرها ١٠ شهور

الحمدالله شتسوين بعد حبيبتي الله قاسم انج تحملين ييبي خادمة تساعدج وكل شي يتبدر وريلج هم ما راح يقصر وياج
مع التحية..........

 

[عيون^^زوجها]

الف مبروك ولا تحاتين وهاذي كتبت ربج والله مايكلف نفس الاوسعها
روحي استشاري جراحه وشوفي رايه بالبواسير يمكن يعطيج علاج او تروح مع الولاده

 

[LeeMa q8]

ياعمري هذي نعمه من رب العالمين ..

حمدي ربج وان شاءالله كل شي بيتسهل تلقائيا بامر الله سبحانه ..

 

[غزل 2010]

ماشالله حبيبتي شلون حملتي وانت ماتدرين عن نفسج وااااااااايد ناس مثلج يصرخون ويقولون مانبي واستغرب بعد جم يوم تطلع حامل ليش كل الخوف حبوب منع الحمل بدينار وربع اي احسن الخوف اوالفلوس

 

[غزل 2010]

استغفرالله العظيم تفجأنا انا وزوجي لما طلعت نتيجة الحمل ما كنا متوقعين ولا وكنا مخططيين احمل الا بعد ما بنتي يصير عمرها سنه و٦ شهور او سنتين المسكينه توها صغيره لما خلصت ٩ شهور وداشه ١٠ شهور انا حملت دريت من عند دكتور في نهاية شهر ٦ تاريخ ٣٠-٦- وقالت لي انت حامل شهر و٣ اسابيع وراح تولدي انشاءالله شهر فبراير ١٥-٢-٢٠١١ خايفه موت من الحين اول سبب عندي بواسير اجت من ولادتي الاولى اوصفولي دواء وكريم بس ما كنت اخذهم بأنتظام وخايفه اشلون راح يعدي ولادتي الثانيه ثاني سبب خايفه اشلون راح اهتم واربي وانظف واوكل طفلين لان بنتي راح يصير عمرها سنه ونص او سنه و٦ شهور ماادري تطمني عندها عيال وراء بعض وتغير حفاظتهم وتنومهم ماادري من دريت حملي متوتره وخايفه علما انا في بلد غربه بعيده عن اهلي امي وخواتي فمحتاجه ارائكم اكثر عدد ممكن ونصايحكم

ح
==
================================================
صج اتضحكين اكيد فرحانه بس لما تولدين وتحملين بسرعه على الثانيه لاتخافين من الثالثه حبيبت قلبي صج تضحكين تعرفين تشاركين بالمنتدا بس ماتعرفن شلون حملتي:botetoo: