بنات لحقوا على ولد اختي

[الاء حسين]

السلام عليكم ورحمة الله وبركاته

بنات ولد اختي عمرة سنتين ميض

بس يستفرغ واسهال زي الموية ربي يكرمكن

بالله ساعدونا ايش فية

وايش اكلة

ماياكل او يشرب الا يطلع مسكين وربي قطع قلبي :eh_s(16):

بليز ساعدوني ولكم الاجر اختي تعبانة:eh_s(11):

انتظركن لا تتاخرن

لا تقولن مستشفى رحنا مافاد

ابغى تجاربكن بليز

 

[على الدنيا سلام]

وكليه بطاط مهروس وروب والموز زين بعد الله يقومه بالسلامه

 

[زينه البنات2012]

الله يشافيه

ابب

 

[راحتي بصراحتي]

الله يشفيه يارب
هذا اكيد داشه برد قوي
شوفي بالنسبه للاكل عطوه كل شي مسلوق ماكو دسم
روب سفن اب وماي بس بروحه مو بعد الاكل وخل اتكثر السؤال


خل اتدفي زيت زيتون واذا صار حار تقط قفشه حوس فلفل اسود وعلي طول اطلعه

وعقب تاخذه وتروح انومه واذا او قبل مااينام بشوي تدهن جسمه كله من الرقبه لي القدم ومن الظهر

واتدقق علي منطقه المعده حييل اتدلكها واتلبسه لبس ثقيل

والطريقه لازم يكون نايم واقل شي ثلاث مرات حتي لو تحسن

وتذكرت اذا ماانفعته فيه شغله عند العطار اسمها طينه الروح

هذي حق اللي نفس حالته بس مو داشهم برد لا حاشهم شمم قوي الله يكافيني شره وهو يعطيج الطريقه

 

[الشوق يجيبك؟؟]

انتم مطعمينه عن الروتا؟​

 

[شهدالعسل]

انا اقولج عن تجربتي ولدي حاشي انتي بالكرامه اسهال مو طبيعي كان عمره قريب عل سنه بس شنو ماييييي
كان ما كان يشرب ولا ياكل اتخيلي خلال 2 ساعه 7 حفاظات
وديته مستوسف اعطيها زبادي و ما ادري اش شي ما فاد يومين على هذي الحال اخرته وديه طيبه كلينك عطوا ابره قال لي راح يسوي مره و بعدها راح يصير زين
والله الابره وحده بوحده الحمد الله صار تمام
مو كل الحالات نتفع سوالف البيت و اكلاتنا
ممكن حاشيه وايرس عشان جدي احسن اخذيه الطبيب لا سمح الله يحوشه جفاف

 

[Om _ Almona]

أول شي ديري بالكم وودوه الطبيب على شان يطيه مغذي لا يصير معاه جفاف من كثرة الإستفراغ

بس الأكل المناسب لحالته
سفن أب
بطاط مفيوح
روب
عيش أبيض من غير دهن ولا أي إضافه ويكون لين على شان النشا اللي بالعيش يمسك البطن من الإسهال

والله يشافيه يا رب​

 

[أم الليالي]

أختي لا تودي مستوصف لانهم بيعطو مضاد حيوي اللهم عافينا يزيد الطين بله ويخلي الاسهال اضعاف مضاعفة ،،، ودي عند دكتور لطفي شمس الدين بالعيادات الخارجية المواساة ووقف عن كل الاكل بس سلق الرز المصري وشربي المي وتفاح مبشور وموز وسفن اب بس بدون غازات وبطاط مسلوق ومهروس وعيش ناشف خبز وتالي المرض ياخذ حده أبو اسبوع عشر ايام جذي مع بنتي بس غلطتي وديتها المستوصف وبعدين دكتورها ... الله يشفي

 

[منصـ1981ـورية]

هلا أختي .. أنا بنتي ياها اسهال فظيع .. لدرجه أن منطقة الحفاظ تقرحت وطلع منها دم .. والله وايد تعور القلب .. وكل ما كان يمشيها بطنها كانت تزاعج وتصيح وتقول مامااااا ...


ما عرفت شو أسوي .. المشكله التقرحات ما بتوقف إذا الاسهال ما وقف عنها .. والحمدلله ربيعتي عطتني وصفه ..


اخلطي نشا مع ماي.. بس قياس ملعقة صغيره (يعني بودره وماي لا تطبخينه).. وعصرة وحده ليمون .. وعطيها 3 مرات في اليوم لين ما يوقف عندها الاسهال..


وأكليها جيلي .. بس بدون سكر .. المهم لا تعطينها أكله فيها سكر ..لأن يزيد الاسهال.. ولا تثجلين عليها في الأكل .. أهم شي السوائل عشان ما يستويلها جفاف..


وفي دواء ما أعرف إذا ينباع عندكم .. اسمه Captin هذا وايد أوكيه ويوقف الإسهال..

ولا تنسين .. دايما دفيها ولبسيها دليقات (جوارب) عشان البروده ما تدخل في بطنها..

 

[hooryah q8]

واضح انه معاه نزله معويه
وديه الطبيب لا يصير معاه جفاف و يركبون له مغذي
خليهم يعطونه دوا حق الاسهال و الترجيع واذا احتاج مغذي فيه شراب على نكهة البرتقال حق اليهال
و عطيه روب وعيش ابيض او بطاط مفيوح او موز اشياء تمسك بطنه

والله يشافيه يارب

 

[أوكال2009]

اتبعي الي قالوه الخوات وجيبي من العطار قطوعه الريح ومجلي
اهو يعرفها العطار حطيها على اذونه وخشمه من برا والله العظيم وحده بوحده


وهذا تجربتي مع عيالي

 

[om Firas]

مثل ماقالو ا البنات لازم مغذي عشان لا يحوشه
جفاف