بنات كيف اشيل عن بالي فكرة الحمل

[ايام وردية]

مرحباا بنات

مثل العنوان بنات مليت اتمنى اعيش حياتي طبيعيه مثل ماكنت قبل اتزوج

وافلها بالحياة واستانس يازين ايام قبل ماعلي من مسئولية شي الحين حياتي كلها بس محااتااه

وقلق وتفكيييييييير :eh_s(2):

ابي اعيش حياتي

بنات دلوني

كيف اتخطا تفكير الحمل

لانة التفكير ذابحني بكل ساعه ,,بكل دقيقه,,بكل ثانية تفكير الحمل معي,,

تخيلو حتى لو بهتم بجسمي وبشرتي اقول خلها اذا ولدت:eh_s(2):

دائم نتزااعل انا وزوجي وداائم افكر اقول ليش ماامشي المشاكل ولا اهتم بعدين ارجع اقول اذا حملت مابي ازعلة,,,

بعدنا صغار على الهموم ودي اتهنا بحياتي الزوجية واقول لاحقة على البيبي بس ماقدر ماااااااقدرررر مااااااااااااااااقدددددددددددرررررررر:eh_s(2):

فيدوني بنات

واللي مجربة حذفت التفكير من راسها تقولي:eh_s(8):

 

[Dodo80]

[center]الله يرزقج ويرزقنا انشاء الله بذريه الصالحه قولي امين [/center]

والله وانا اقرا موضوعج اتذكر نفسي نفس مشكلتي بضبط والشغله وايد تعبتني والاهمال لاعت جبدي منه شنو كنت وشنو صرت والشغله الوحيده الي ما افكر بالحمل وتخليني انسى فكرتها السفر صج اتخلي بالي مرتاح وما افكر الا بالوانسه

فنصيحه يا اختي ياتسافرين مع ريلج وتغييرين روتينج او حاولي تشتركين بنادي رياضي عشا تلهين هذا الحل برايي

 

[Judy . abbot]

حبيبتي الي اعرفه انه النفسيه تاثر على الحمل يعني لا تفكرين واايد
انشالله الله يرزقج حبيبتي وكل محرومه بالذريه الصالحه

 

[انثى استثناء]

ايام ودية يايه تسئلين شلون تشيلين فكرة الحمال من راسج
,,,,,

لو احنا عارفين جان ما لقيتينه في هذا القسم !!!

ما تقدرين حبيبتي ممكن تتجاهلين بعض الاحيان بس انج تشيلينها من بالج ما اعتقد لان مل شي حولج راح يذكرج

انا اقولج اهم شي يكون الامل برب العالمين موجود و خلاص و سوي الي يقدرج عليه ربج

 

[شموسة كيوت]

مرحبا بنات

حبيبتي ان شاءلله ربي بيكتب لك الذرية بس لاتشغلين تفكيرك كلة بالحمل

سوي مثلي والله انا رتحت كثير ماقولك ما افكر بس ناادر افكر وكل شي عندي عادي الا ايام معدودوة واكون فيها متضايقة

اهتمي بشرتك وزنك واطلعي مع الناس وتلقائيا ماتفكرين الا بالليل هههههه

شوفي انا اول ماحلل زوجي وطلع العدد قليل والحركة بعد قليلة

حذفت التفكير من الشبااك وارتحت واللي الله يجيبة حنا راضين فية لو بعد كم سنة هذا نصيبنا وهذا رزقنا من الله

 

[hazel eyes]

اوول شي لازم تقللين من الدخول بهالقسم لانج اذا دشيتي هنيه راح تفكرين انا مرره قطعت جم شهر عن هالقسم وسبحان الله اختفى التفكير لكن اذا تتبعتي اخبار الحمل مستحيل ماتفكرين

 

[قــل مـا تـشـاء]

شوفي حبيبتي انا لي متأخرة عن الحمل فوق الـ 6 سنوات ومافي أحد من قسم تأخر الحمل يعرفني لأني كللللش ما أمره !
بس شفت موضوعج ضمن آخر المواضيع بالمنتدى قلت خلني أدش أشوف وترددت أكتب والا لا قلت خل أكتب يمكن تستفيدي
يعني ألحين إذا أنا شغلت بالي وقلت متى بحمل ومتى بيصير عندي عيال بيتغير شي ؟؟ لآ طبعا
بالعكس راح تزيد حالتي النفسية سوووء وراح أهمل نفسي مثل ماقاعده تسوين أنتي وكل شي راح أأجله لمني أولد @@
مع أني ماادري متى بحمل !
وبعدين يعني شنو أسوي أجلس وآكل في نفسي وأشغل بالي وتفكيري في شي أنا مالي يد فيه لييييش ؟
فكري في الجوانب السلبية للتفكير ,,
إذا صرتي تفكرين في هالموضوع تزيد عندج نسبة العصبية وأقل شي يخليج تبجي وتزيد نسبة التوتر اللي بينج وبين ريلج
تهملين نفسج وصحتج لا تاكلين عدل ولا تسوين رياضة ولا تقرين كتب ولا تتعلمين أشياء مفيدة تنفعج
كله مستسلمة للتفكير السلبي ويمكن بعد تعترضين على حكم الله وإرادته ( استغفر الله )
يا أختي استمتعي في وقتج ترا بعدين لي صار عندج عيال يمكن تصيرين كله لاهيه ومشغولة بهم يعني لا انتي اللي اهتميتي بنفسج الحين ولا انتي اللي فضيتي لنفسج بعدين
الله يعيييين حااااااولي تبعدين هالتفكير عنج وتشغلين وقتج لأن الفراغ هو اللي يخلي هالفكرة هذي مسيطرة على بالج
الله يرزقنا جميعا بالذرية الصالحة المعافاة عاااجلا

 

[lavendara]

جنج قاعد تتكلمين عني والله
شغلي وقتج بالاستغفار طول الوقت و انتي قاعدة طالعه ،، انا من سويت هالشي خف التفكير و ان شاء الله يروح و خليها على الله حبيبتي
و حاجزة حق سفرة بعيد الاضحى ابي اعدل نفسيتي ان شاء الله *

 

[خاشعة للرحمن]

ياقلبي نفس الشي ومن الصعب تشيلين فكرة الحمال من راسج انا مااكل مانع وماطولت اصلاا في اكلها وصار لي 6 شهور ماحملت وكل شي سليم وزوجي سليم هي مسالت وقت وارادة رب العالمين كنت اقول ليش ماحملت شنو فيني انا ليش ماحملت انا لحد الحين ولا كان اهلي كلهم علي فلانة حامل وهذي حامل يعني نفسيتي زفت كلش ولا لاقرب موعد الدورة يمة شي ثاني
بس هالشهر راح بعد شوي الموضوع رديت امشي مرة ثانية لانه ببنتي الاولى متنت حيل ونزلت والحين وزني نفس ايام عرسي بس ابي انزلة احسن وانا اكثر من الاستغفار يعني طول وقتي استغفر اقرا قران اصلي يعني على الاقل مبعدة عني فكرة شي بسيط والله كريم يرزقني ويرزق كل بنت بالمنتدى ياارب بالولد الصالح ياربي ادعولي اني احمل هالشهر ياارب

 

[سوزي الشرقية]

عندي دوا الناس وماعندي دوا نفسي
لواعرف كان اني اول وحده شلت من بالي فكرة الحملــ..تخيلي اني رحت نادي رياضي شهر واحد واحس اصلا الوقت الي مافكرفيه هو الوقت الي اكون فيه في النادي لكن بقية الاوقات التفكيرشغال وهوصحيح ياثرعلى النفسية لكن وشو نسوي موبيدنا

 

[الاهله]

صادقه ليه ماننتبه لنفسنا شوي

انتهت حياتنا وكبرنا نفسنا بسبب التفكير بالعيال

قل ماتشاء كلامج عدل اميه بلميه

 

[عسل حدي]

رب لا تذرني فردا وانت خير الوارثين

 

[أأأميرة الورد]

الله يرزق كل متاخره بالحمل

 

[عسل حدي]

رب لا تذرني فردا وانت خير الوارثين

 

[M!SS.LOBY]

شغلي وقتج بالاستغفار

 

[M!SS.LOBY]

الله يوفقج ويفرح قلبج بس خففي على نفسج ولاتحاتين

 

[عسل حدي]

رب لا تذرني فردا وانت خير الوارثين

 

[ثنايا الورد]

من نوكل على الله فهو حسبه

التفكير لابد منه بين فترة والثانية لكن اهم شيء ان احنا

نذوب فموضوع الحمل وننسى نفسنا وحياتنا الخاصه

سافري واكشخي واطلعي وعيشي حياتج

ربي ماينسى عبده وكل ما كبرت ثقتنا بربنا

راح نرتاح لان نعرف ان تعبنا ولحظات انتظارنا

ماراح تكون بدون تعويض وتعويض حلو بعد

على فكرة يابنات وحشنوني وايد من زمان مادشيت

لاني كنت ابغا انسى سالفة الحمال اشوي

بس كلكم واحشيني واااااايد

شموسة

وسوزي والاهله وابودة ودودو وماي ورد وكل البنات

ربي يوفقكم ونسمع الاخبار الزينة قريب​

 

[عسل حدي]

رب لا تذرني فردا وانت خير الوارثين